حمدلله على سلامتكم
اختي اذا ممكن اعرف كم سعر الغرفة والصالة..؟؟
بالنسبة لسؤالك انا جديدة على قطر وان شاء الله الاخوان يفيدونك

حياك الله في بلادك قطر
بخصوص الكورنيش في كورنيش ثاني
وهو كورنيش الخور مدينة الخور وهاذي المدينه
تبعد عن الدوحه نص ساعه في السياره
وبخصوص المسابح في اعتقادي اغلى المسابح هي الكهرم
وفي محلات متخصصه في سوق واقف تبيع المسابح
واي خدمه احنا حاضرين

حياكم الله في قطر
وبالنسبة لكورنيش الخور هو مب ذاك الزود يعني مايشبه كورنيش الدوحه

هذا الكورنيش ماكان حذاه قبل الا فندق الشيراتون بس
والحين شوف شكثر الابراج حتى الشيراتون مايبين

روحه بلا رجعه
هلابك
تقريبا 390 ريال

صباح الخير
مادري و راي الاخوان وش افضل مكان نتمشى فيه هالصبحيه
ومتى تفتح المجمعات التجاريه

الحمدلله عالسلامة ونورتوا قطر ياأهل السعوديه
بخصوص التمشي الصبح ، عن نفسي ماقدر أفيدج
لاني طلعاتي تصير من بعد ال10 يعني بعد ماتفتح المجمعات
بس اغلب اهل قطر في هالوقت يتمشون في سوق واقف
الجمعيات السوق المركزي ، الهايبر ماركت الكبار مثل كارفور + اللولو
يعني بالعربي يتقضون للبيت ويخلصونها الصبح لأنها الأنسب لهم
ههه فيعني البرنامج مايساعدكم .
انا أقول طلعوا عال8 وتمشوا في شوارع الدوحه وعال10 كونوا في أقرب
مجمع لكم أو مجمع حاطينه في بالكم من قبل ومخصصين له هاليوم

روح المسك
منوره باهلها ومشكور يالغالي
سوق واقف فاتح الان
وممكن اعرف وين مكان كارفور لاهنت
وماقصرت

العجيز :
لا سوق فاتح ماتوقع ، يمكن عالساعه 8 يفتحون
وعندج قريب سوق واقف منطقة الأسواق
سألوا اي حد وبيدليكم لانها قريب وايد
هذي المنطقه فيها سوق العسيري ( للأقمشه ) عندهم
بلاوي وأسعارهم رخيصة ، بس السوق تعبان من حيث الشكل
سوق الديرة ( للأقمشة ) : بس أسعاره أغلى وماعنده
نفس اللي موجود فالعسيري .
سوق الجبر : مشهور بمحلات القطنيات السوريه والأحذية صناعات لبنان وسوريا والصين
سوق فالح ( للعبايات )
هالمنطقة كل الأماكن اللي فيها يفتحون 8 واتوقع فاتحين اليوم لأن خلاص بدينا موسم التجهيز للمدارس
اللي بتبدى بعد اسبوع للأسف الشديد بخصوص كارفور بتلقينه في مجمع ( اللاند مارك + فيلاجيو ) ويفتحون من الساعة 8
بس اعتقد عندكم كارفور فالسعوديه ، اذا كان موجود وانتي بخاطرج تروحين لهيابر ماركت
نفس كارفور فأنا انصحج تروحين اللولو لانه مب موجود عندكم .
واللولو كذا فرع ( واحد قريب اللاند مارك ، لفوا حوالين لاند مارك لين توصلون بوابة ماركس بنسر وبتلقون اللولو عالجهة الثانية من الشارع .
الفرع الثاني ( في منطقة المطار ، وهذا اقرب واحد لمنطقة سكنكم لأن اعتقد انتي ساكنه فالمنتزة ، يعني طلعوا من الفندق واسلكوا الطريق اللي يودي للمطار وبتعرفونه من الإشارات وبتلقين اللولو على طريقكم )