طبعا خط الرحلة كان
الرياض - باريس جرح بالقلب - انسي مدينة حالمة هادئة - انتر لايكن زعيمة الطبيعة والثلوج - جنيف وع وع وع - باريس من يوم شفت اسمها بالطريق السريع خفق قلبي لها - الرياض
بس ما نكد هذه الرحلة الا هالسواق النصاب !!!!

اذا كان عربي لاتذكره .... ولا وش رايك
بس اتوقع جنسيته نيجيري وشايف نفسه لان منتخبهم خذ كاس العالم امس للمره الثالثه ( للناشئين ) ههه
تقبل فائق تحياتي

الحمد لله السلامة ... اتمنى انها كانت اجازة سعيدة .... تحياتي .... scott

افا ياذا العلم ....
لكن مايخالف الحمدلله على السلامة ونورت الرياض
اقول علمنا ترى ننتظر بشغف

سديراوي برمانه
اهم شي حمدلله على سلامتك والجنسيات ما تلعب دور لأن الناس لا تقاس على اجناسها بالتقاس على افعالها ولا يصح تعميم المفسدة على الكل حتى الجن اعترفوا وقالوا (وإنا منا الصالحون ومنا دون ذلك كنا طرائق قددا)
وايضا هذا المنتدى يعم كل انحاء العالم ومدري لو تبين شوري لا تجيبين طاري الجنسيات
وعلى العموم
حنا نبي الزبدة من هالروحة تقرير عشر صفحات مدعم بالصور والكلمات الرناقة وكذلك تقدمين منه نسختين بحجم 8 في 11 عشان نطبعها ونحطه بارشيف المنتدى ******** رسالة دكتوراة
ألف حمدالله على السلامة

الحمدلله على السلامه سديراوي برمانه 000000
بس الحين مافهمت يعني هذي مسابقه للي يعرف جنسية السواق

شكرا للمرور
بعدين الا والله تنقاس الطبايع بالجنسية وانا سبق ان حرمة التعامل مع مثل هذه الجنسية منذزمن بس قلت اجرب (.......) اللي عايش بفرنسا ومعه جنسيتها
نعنبو شيطانه اتفقت معه ان على سيارة بسائق لنقوم بجولة من باريس الى انسى ثم انترلايكن ثم جنيفةالعودة لباريس ونحن ثمانية وهو تاسعنا 0000
جاني صباح يوم بداية الجولة يقول لازم تجي معي استأجر السيارة بيني وبينه علشان لو تطلب الامر قيادتها من قبلك وفي غفوة منه قلت للشركة من المستأجر الرئيسي قالوا انت قلت ما بدهاش ولا حبيت انكد رحلة العيال رجعنا على خير وكان سمن على عسل وطبعا وصلنا باريس والعودة للوطن صباح الغد
قال ابي فلوسي طبعا متفق معه اعطيه نقدا وهو يسدد للشركة لاني متفق معه على يومية
المهم قلت فلوسك بكره بعد ارجاع اسيارة للشركة لا نها على مسئوليتي
جن جنونه قال ابي فلوسي الان المهم اقنعته
جاء بالصباح وموعد الرحلة الواحدة ظهرا وبنودي العيال للمطار ونرجع نرجع السيارة للشركةثم يوصلني للمطار وننتهي
قلت له يالله نروحالبنك ونسحب للك كاش ؟؟؟؟قال ببرود بكيفك قلت هماك حريصعلىالكاش البارح
قال ربنا يستر من الزحمة يمكن نقدر نوصل المطار بسما نقدر نرجع السيارة للشركة قبل موعد الاقلاع !!!!
قلت اتصل على الشركة نسلمها بالمطار قال نسيت الجوال
والله موجود دائما رن جواله ارتبك وجلس يدوره وقال وينه قلت تحتك
قال الحمد لله الحمد لله
كلم الشركة بالفرنسيه طبعا وقال يقولون بالمطار ترجعبزيادة 500يورو
الوقت يمضي سريعا طلقت عليه عيومني واتصلت على السفارة السعودية وكانوا مشغولين باليوم الوطني المهم كلموه وحاسوا مريره وانا قلت ما يخالف ادفع 500 لهم بالبطاقة اذا طلبوها

هو فيه احد ما ينبسط بباريس !!!!!!!!!!؟؟؟؟؟؟؟؟؟؟؟
اسواق روعة مديلات 2006 عن 2010 عندنا
وترى خبرتي قوية لاني حريص اكثر من اللازم وش رايكم سكنت شقه ثلاث غرف مكيفة ولم نشغل التكييف لانها على نهر السين بقرب البرج بسعر 600 ايش ريال !!!! نعم طبعا بدون افطار عندها سوق لبناني احلى الف مره من حلواني اخوان واكلت احلى افطار في هالشقة
واسعاره روعه
ورحت خارج باريس سبعين كيلو وشريت ظهر عجل من مزرعة مسلمين ذبحوها قدامي مع مجموعة خرفان يسمونها اكباش وتبرعنا لمسجدهم اللذي هو عضم وخذ ستيك مع رز طبعا انا الطباخ بالشقه ام العيال تقوم تأكل بس كنها والده اليوم ليتني اقدر اكتب تقرير
كل تمشياتي للطبيعة تكون خارج باريس من اربعين كيلوا الى ميه وخمسين هذا غير الرحلة
وفيه حديقة روعة روعة خارج باريس 50 كيلوا او اكثر طبيعة بكر
انا راعي اسهم وتعبت من الكتابة نكمل بعدين انا شا الله