أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
موضوع فعلا يحتاج الي نقاش
غير سوق الليل ما العمل ؟
يوجد رحله بحريه ومع وجبه عشاء رومانسيه تبدأ ساعه الثامنه ونصف
هذا الذي لدي ليوم واحد
اليوم الثاني ممكن استرخاء في فندق مع العائله وتمتع بمشاهده تلفزيون
مو حلوة
طيب من لديه افكار او معلومات عن كيفيه قضاء الليل مع العائله فليخبرنا
ياخي لو قايلي مصر اقولك معاك حق.. بس تايلند !!!
شوف يا الغالي اذا نبي نفصل بالوضع الطبيعي نقول
بوكيت... مافي مجال انك تطلع بالليل لسبب انك راح تكون حدك تعبان من الرحله ومثلك عارف انه رحلات بوكيت ما تخلص
يعني ترد الفندق تدور الفراش..
شانغماي.... نفس الحسبه خاصة انك مارح تطول فيها اكثر من اربع ايام كحد اقصى فيادوب تتخلص رحلاتها السياحيه
بانكوك... السوق ثم السوق ثم السوق يعني انا شخصيا اقعد الضحى و اروح السوق طبعا مجمع ارد قبل المغرب
واطلع 8 للسوق الليلي الى ان احس اني بس ياله اشيل رجلي فارد وانا وعلى هالحال ويا دوب اخلص المجمعات
والاسواق
فهالفتره مافي غير البازار نايت او تروح تتعشى وهذا شي طبيعي انك تروح تتعشى
شكرا
والله معلوماتي الشخصية (أنا بعدني ما رحت ) إن الليل ليس للعوائل ، يعني إذا طول النهار بتلف مع العيال ، طبعاً ما تجي الساعة العاشرة مساءً الا وانت تبي وين المنام ، خاصتاً إذا كنت متعود الجلوس باكراً ..
هناك موضوع في المنتدى عن السياحة الليلية والسياحة النهارية .
تبي العلم اللي يجمد على الشارب يالغالي ............................ كبر المخدة ولا تتعدى مايكفي طول النهار لف ودوران تبي تكملها بالليل ؟؟ بعدين بانكوك في الليل ما تصلح بكل معنى الكلم يعني بعد الساعة 8 او 9 بالكثر كل شي مسكر
زي ماقلت لك كبر المخدة ههه
انا سرت كذا مرة بانكوك والصراحة الطلعة في الليل احلى عن النهار..يعني النهار للرحلات والسناتر...ويكون الجو حار ورطوبة ونتحمله بالعافية..صح انا نرد هلكانين وودنا ننام بس لو تفكر فيها انته ياي تقضي اسبوع او اسبوعين في مكان عشان تغير جو يعني عادي تغير جدول الروتين اللي تتبعه في البلاد..كنت اخلي زوجي يرتاح له ساعة بعد المشاوير النهارية ينام وبعد ما نصلي العشا ننزل شارع العرب نمشي على طول الشارع حتى نوصل قريب روبنسون ..وبغض النظر عن الاشكال اللي كانت تواجهنا في هالشارع في هالوقت الواحد يغض البصر لانه عارف الهدف اللي هو ياي عشانه..وكل مكان فيه الزين والشين..بس اكيد ماانصح انه العيال يدلعون في هالوقت حدهم في النهار وخلاص..وكنا نتسوق من الكشكات لانه فيها اشياء حلوة وعلى فكره الكشكات تتغير كل يوم مب نفس البضاعة تلاقيها كل مرة..ومن نخلص على الساعة 11ونص او 12 نسير نتعشى في المطاعم العربية وطبعا لازم نمر على محلات التقليد في شارع العرب لاني لاحظت انهم كل يومين اييبون شي جديد..يعني لا تاخذ من اول مرة كل شي...ونرد على حدود الساعة 1 الفندق هلكانين...ورغم هذا لازم نقوم الصبح من وقت نلحق على ريوق الفندق ونطلع للرحلات النهارية...وهذا جدولنا كل يوم بس حلو وايد للتغيير..ونرد البلاد الحمدلله وننام قد ما نريد لانه صدق يطلع كل التعب من نوصل... ولكم التحية
بعدما استمتعت في النهار الساعات الطوال ولهوت ولعبت وأكلت الحلال دع الليل لله الكبير المتعال
اقرأالقران وصل الوتر وادعوذا الجلال بعدها استرخ ونم تفز يوم المآل
انا فى الليل عندى 3 اماكن اروح لها وهى السينما فى احد المجمعات التجارية وخاصتا مجمع mbk والمكان الثانى المقاهى القريبة من سوق الليل بات بونغ على الشارع الرئيسى المقابل لشارع وليس داخل شارع بات بونغ والمكان الثالث هو مطعم وشيشة نفرتيتى اتعشى واقاعد اتفرج على التلفزيون خاصتا اذا هناك مباريات كرة قدم واطلب شاى واتكى الى الساعة الواحدة ليلا واروح انام هذا جدولى الليلى فى بانكوك .
