بالنسبة لنيويورك ما تحتاج سيارة بالباصات والتاكسي والمشي يكفي !!
اما اورلاندوا اذا مافي احد يسوق فأكيد العملية بتكون متعبة
لاكن ما فيه الا باصات الفنق للحدائق وتطلعوا مع شركات لرحلات الحدائق خارج اورلاندوا ياخذوكم ويرجعوكم للفندق مع مجموعة !!
وباقي الاسواق والاماكن ما عندكم الا تكاسي لاكن بصراحة غير عملية ومكلفة !!
بالتوفيق ,,

اورلاندو متنفع بدون سيارة لأن التكاسي مكلفة و غالية جدا جد ا بجميع ولايات امريكا

Impact
ممكن طريقة وكيفية استخدام باصات نيويورك
هل هي مثل باصات لندن؟؟ وهل توصل كل مكان وأمنه
التكاسي عندهم تشيل 4 ركاب ؟؟ ولا اقل ؟
وبخصوص اورلاندو
يعني ايش الحل ؟ شلون اتصرف
انا قريت بالمواضيع وايضا بالفنادق انهم يوفرون خدمة شتل توصل لديزني واليونيرفيرسال ستوديوز
طيب الاماكن الثانيه كيف؟ خصوصا انك تقول مكلفه وغير عمليه
بخصوص شركات الرحلات
فيه مجال تدلوني وين بتكون متواجده؟ وهل لها موقع اقدر ادخل واشوف الاماكن اللي راح نقدر نوصل لها؟
الرجاء مساعدتي والتوضيح لي رجائن
احتاج حلول وتخطيط وان امكن تفاصيل دقيقه
الله يعطيكم الف عافيه وراح فعلا تسهلونها علي الله يسعدكم

افضل وسيلة للتنقل في نيويورك و ارخصها على الاطلاق هي (المشي)
و يتم ذلك باستأجار فندق في التايمز سكوير او فندق يبعد 300 متر عن التايمز سكوير و استخدام الباصات السياحية للرحلات و التاكسي احيانا لوصول الفيفث افنيو اذا ما تبون تتعبون.
ايضا المشي هي ارخص وسيلة للتنقل في اورلاندو و ذلك باستأجار غرفة في فندق في شارع الانتر ناشيونال درايف و اخذ الباص المجاني ( الشاتل) للوصول الى دزني و يونيفيرسال و سي وورلد و لكن تأكدو ان الفندق عنده هذي الميزه و شكرا,,

Bo-Thenayan
الله يجزاك الف خير
خليتني اتفاءل
المشي حلو وتستكشف البلد مع ان اكره شي بالدنيا سفره يكون فيها تعذيب ومشي فوق المعقول
تخلي الواحد يركب تكسي حتى لو باغلى الاسعار
طيب اذا ممكن تساعدني بعدد الركاب بتكاسي امريكا
هل يركبون 4 ركاب؟

التاكسي على حسب حجمه !!
باصات نيويورك تختلف عن باصات لندن !!
باصات نيويورك الي اقصدها السياحية الي تكون دورين نفس السياحية في لندن !!
تشترون تذكرة ليومين او ثلاثة وتتنقلون من مطقة لاخر وتقدروا تنزلوا في اي نقطة وتكملوا للنقطة الاخرة مثل ال Loop !!
لايوجد اي شئ غير التكاسي في اورلاندوا اذا ذهابكم لغير الحدائق والاسواق الي توفرها الفنادق !!
وممكن تسئلوا عن الرحلات من الفندق بيفيدكم فيها !!
بالتوفيق ,,

يعطيك العافية اخوي
Impact
ماقصرت والف شكر
مدري كأني سمعت احد بالمنتدى يقول بيستأجر سيارة بسواقها بأورلاندو
مدري يمكن هذي احلام اليقظه وانا غلطانه خ
هل هذا الشي ممكن؟؟؟؟؟؟؟؟
ياريت تفيدوني وتساعدوني اذا عندكم فكرة
لان الموضوع هو اني احب اذا زرت بلد او منطقة اشوف اغلب واكثر الاشياء فيها وماتكون محصورة لاي سبب
وانا باذن الله بقعد 8 ايام باورلاندو وخايفة انحرم وتفوتني اشياء كثير والسبب ازمة المواصلات
اما نيويورك يعطيكم الف عافيه سهلتوها علي
الف شكر

Impact
الله يعطيك العافيه بسألك مجموعة أسئلة اتمنى ترد عليها واحد واحد
ولو اني بثقل عليك وبأذن الله لو رجعت من امريكا على خير بضحك على اسئلتي وبدعيلك لانك ساعدتني
1-التكاسي بنيويورك وأورلاندو جميعها (عداد)
2-وهل يوجد عندهم شيء عداد وشي لا؟؟؟
3=هل يطلبون اي مبالغ زايده عن العداد (بخلاف الاكراميه)؟
4-هل التكاسي نوعين سيارات عاديه واخرى كبيرة(فان)
5-والتكاسي (الفان)متواجدة بكثرة او نادره؟؟؟ وهل عدادها يبدأ زي السيارات العادية؟او اغلى
ممكن اعرف كم راكب تشيل السيارات العاديه؟؟؟
بخصوص خدمة الشتل اللي توفره فنادق أورلاندو عندي استفسار
الان لو الغرفة كانت ل4 اشخاص ولكن بالحقيقة احنا 5
6-هل ماراح يرضون يركبون الشخص ال5 لانه مش محسوب من النزلاء ضمن غرفتنا؟؟؟؟
7-وبصفة عامه بامريكا هل يدققون على العدد الفعلي للنزلاء بالفندق (نيويورك وأورلاندو)تحديدا
الله يرضى عليك سهللي وجاوب على جميع اسفتساراتي الله ينورلك كل درب
ويعطيك والجميع الصحة والعافية

فوفة
تامرون امر بس لا تنسونا من خالص دعواتكم
1. نعم عداد
2. لا جميعهم عداد !!
3. لا يوجد مبلغ زيادة سوى الاكرامي ةبس عندهم معروف اذا فيه حقائب 5 $ لكل حقيبة زيادة !!
4. احجام على حسب طلبكم !!
5. نيويورك التكاسي في كل مكان متوفرة في الشارع !!
لاكن اورلاندوا ما تلاقوها الا عند المولات والمراكز العامة !! ممكن تطلبوها من الفندق علشان تجي توصلكم !!
وغالباص تبدأ السارات الكبيرة بمبلغ اكبر وفترة النهار سعر والمساء سعر اخر يكون اغلى !!
والسايرة العادية تشيل 3 في الخلف !!
6. المفروض تبلغوهم بأن الغرفة فيها كم شخص تحسباً لاي مشكلة ليس فقط في الباصات بل في السكن
لانه في فنادق ما ترضى ان يكون في الغرفة اكثر من شخصين بالغين
ويمكن اضافة اطفال او شخص بالغ وتختلف باختلاف الفندق ونوع الغرفة !!
7. حوابي في نفس فقرة 6
اتمنى لكم التوفيق ,,