السلام عليكم ورحمة اللة وبركاته ,,
و مسائكم فل وياسمين ,, اعضاء هذا المنتدى اللي قليل فيه كلمه رائع ,,
وكل عام وانتو بالف خير ,,, ومبارك عليكم الشهر الفضيل ,,
اعزائي ماراح اطول عليكم كثير ,,,
انا بصراحه عندي سفره عمل وفي نفس الوقت تمشيه ,,, يعني بالعربي حج وبيع مسابح ,, زي ما يقولو !!!!!
بصراحه محتار وما ادري وشلون اسوي البلان حق السفره ,, وابي فزعتكم لانكم اخبر وادرى واعلم مني بكثير ********> قل والله
ما علينا ,,,,,
انا بساافر بتاريخ 28112008 ان شاء الله ,,,
انا عندي مؤتمر في فرنسا وبالتحديد في باريس بتاريخ 1122008 وينتهي في 3122008
وبعدها عندي كورس في هولندا وبالتحديد في امستردام بتاريخ 15122008 وينتهي في 19122008
طبعا انا حطيت تواريخ الكورس والكونفرس عشان اللي بساعدني في ترتيب السفر يكون عنده خبر بالموضوع اني لازم اكون هناك في التواريخ المشار لها اعلاه ******** اعجبتني كلمه مشار لها
طبعا انا اعرف ومن خلال الاعضاء هنا يقولون الجو بارد وهذا مو مربط الفرس ,,,
مربط الفرس هو ابي
1- احد يساعدني في ترتيب الرحله
2- خطوط الطيران المناسبه
3- التنقلات بين الدول ,,, بالقطار والا بالطيران الاقتصادي ؟
انا فكرت في بلان بسيط بس ما ادري هل هو كويس والا لا ؟؟
الخطه تقول ,,
(الدمام او البحرين مو مشكله ... روما يومين ---- باريس 5 ايام --- جنيف 3 ايام --- ميونخ 3 ايام --- امستردام 8 ايام )
طبعا هذي الخطه حطيتها بناء على بعض المواضيع اللي موجوده بالمنتدى ,,,
اللي عنده اقتراح او تعديل او اضافه لا يقصر ,,, وايضا بالنسبه للتنقلات هناك بين الدول وشلون ؟؟؟
انا شاكر جدا تعاونكم مقدما ,, وللامانه ما شفت منتدى زي هالمنتدى من حرص الاعضاء على بعضهم البعض ,, ونصحهم وتوضيح الاشياء المهمه ,,
ملاحظه : انا استفدت كثير من هالمنتدى لما رحت فينا قبل سنه ,, وايضا شهر العسل في ماليزيا ,,
اكرر شكري ودمتم بحفظ الله ورعايته