انت على الأقل خبرنا انت من وين ... وشو سبب رغبتك بشراءها من دبي وليس من بلدك .. والسيارة اللي تبيها مستعملة ولا وكالة؟

يعني ماتعرف انا من وين ياولد الامارات من السعوديه طبعا
انا بروح دبي قلت اشتري لي سياره من هناك بالمره وفكرت باللومينا لاني احتاج سياره عمليه
والسياره اللي ابيها مستعمله يعني م 2004
مافيه اسبابا معينه اني ماشتريها من بلدي وياكثرها لكن اذا كان الاسعار هناك مناسبه شرينا والا بلدي مليانه من السيارات بس تغيير اذا كان السعر مناسب وبما اني رايح ان شاء الله ويتعلم الواحد ويشوف
هاه ازيدك بعد والا اكتفيت اخوي

ههه احس انك تتلكم وشوي بتطلع من الشاشة ... هدي اعصابك
المهم انا اشوف انه افضل مكان تروح له مجمع معارض السيارات في العوير ... فيه مئات معارض السيارات وتقدر تلف وتشوف الاسعار المختلفة وتقارن بينها واهي بالقرب من بعض.
تسلك طريق رأس الخور وكأنك رايح سوق الخضرة الجديد وراح تلقى لافتة مكتوب عليها معارض السيارات.
وشكراً

سلام،،،
تجربتي انا الخاصة سيئة للغاية لشراء سيارة من دبي ولا انصحك مبدئياً
بالنسبة للفلوس انصحك بفتح حساب في بنك الامارات وايداعها فية واستفسر عن مدى امكانية الصرف من اي فرع هناك بدبي.
بالنسبة لشراء السيارات: فية سيارات حلوة وفي اسعار حلوة بعد افضل من السعودية الفرق يتراوح من 7000 الف إلى 10000 الف تقريباً، ما انصحك الشراء من دبي إدا ما عندك خلفية ممتازة في التقييم الفني للسيارات.
ولو اشتريت سيارة بعد ما تدفع العربون رش اسفل السيارة ببوية بخاخ حتى تتأكد انه لا يتم استبدال القير وا اي قطع أخرى! فك قير وتبديلة ما ياخد اكثر من 5 ساعات! يعني تتوقف السيارة بالليل بالقراج تجي اليوم الثاني تستلمها بظهر يكون كليش تم تغيرة وانت ما تدري! خد بالك
على فكرة اغلب المشترين للسيارات المستعملة من دبي هم اصحاب ويرش السيارات وان لم تكن منهم لا انصحك ان تشتري من هناك لان الي حتوفرة بقيمة السيارة راح تصرفة في التصليحات وتزيد من جيبك لمصاريف السفرة والنقل!
اخيراً نقل السيارة بواسطة الشركات ياخد مدة اسبوعين تقريباً وفي العادة يتم تشليح بعض اجزاءها مثل المسجل الاستبنة بعض أجزاء الديكور وغيره ...والعدر المتعارف علية سحبت من قبل الجمارك السعودية! حاول ترجع بالسيارة انت بنفسك بالبر بعد ما تشيك عليها بالكامل لان الخط طويل ولو السيارة تعبانة ممكن تتعطل!
تمنياتي لك بالتوفيق...

IbnBatutah
بارك الله فيك اخوي
صراحه معلومات مهمه وقيمه لكن للاسف هل هذا يعمل في دبي اين الرقابه
وودي ايضا ان تفيدني اكثر يعني ارش السياره بعد ماشريها بعد دفع العربون ليش ماخذها على طول واروح فيها ام ان هناك اجراءات تحول بيني وبين اخذها حتى الانتظار ليوم اخر