dawood82
21-03-2022 - 10:55 pm
مرحبا حبايبي أخباركم وعساكم بخير
الصراحه أحب أشكركم على المنتدي الحلو والتفاعل الممتاز
بس عندي بعض الأستفسارات ويريت أسمعها منكم
انا ودي وأن شاءالله أروح تايلند انا مع واحد من الربع
بس ولا عمرنا رحنا تايلند
1: هل في صعوبه لنا مع أننا ما نعرف باللغة الأنكليزيه كثير
2: وجم تبي تكلف لو نروح سبوعين ويريت ألقا عندكم برنامج سياحي حلو
3: وسمعت أنه الطيران الأجنبي بالبحرين أرخص من أي طيران بالخليج يعني تتراوح سعر التذكره من طيران الأجنبي من البحرين إلي تايلند تقريبا 1500 ريال صج هل الكلام ؟؟؟؟؟
ويريت أعرف أسامي هل الطياران
أدري مصختها بس والله مالي غيركم
وشنو تنصحوني أروح
بوكيت وشنغماي وبتايا وبانكوك ولا أروحلها كلها مع أني أحب الطبيعه وتمشي على البحر والأشياء الغريبه ويعني رحلات بريه بحريه
ويريت أشوف منكم البرنامج الحلو يعني رايحين سياحه ونشوف هل الجزر والأسواق
وهل في تايلند مقاهي يعني شيشه ولا نجيب عدتنا معانا ؟؟؟
وأسف أدري أني مصختها وسامحوني وشاكر لكم حبايبي
انا بجاوب على كم سؤال
اللغه الانجليزيه لك عليها عندهم مايعرفون يتكلون انجليزي صح يعني حتى حرف(را)ينطقونه(لام)
وبعدين من ناحية الشيشه انصحك لاتدخل معك شيشه لان المعسل الي مسموح فيه من المطار ربع كيلو بس وما زاد عن كذا راح تدخل فيها سين وجيم وفيها غرامه ومصادره بعد, لاتدخل نفسك في مشاكل انت في غنى عنها وانصحك لاتاخذ معك الشيشه وانا احمد ربي اني مأخذتها معي لاني لقيت كل شي متوفر هناك
انا مثلك راعي شيشه وكنت شايل هم الشيشه بس لما رحت هناك لقيت مطاعم عربيه وفيها شيشه
طبعا انا اكلمك عن بتايا وبانكوك
بتايا بتلقا فيها شيشه في شارع العرب في المطاعم التاليه - ابو عبدالله الكويتي -ومقهى رضوان السعودي - وابونواس - وابوسعيد - هذولي افضل الشيش والمعسلات الي جربتها هناك
وفي بانكوك في منطقة نانا شارع العرب كلهم عندهم شيشه بس افضل شيشه عند -مطعم نفر تيتي المصري
واتمنى اني جاوبت على بعض الاسئله
واتنمى اني افتدك
اخوي وسلامتك