اخوي النداوي انتبه للجو في بكين لايكون الوقت الى بتروح فيه برد؟؟؟؟

وانا اخوك والله مدرى واش السالفه
مدرى متى بردهم ومتى حرهم
لكن ماقول
اله يخارجنا وانا اخووك عقب الاسهم يظهر ابخليها بالطايف اسبوع

برق الرياض
ياخى دام اقامتك فى الصين واللى يرحم والديك افزع لنا
انا ابااخذ اسبوع فى فنادق خمس نجوم تمام
اسمح لى اكون مزعج شوى لك ولغيرك ولزقه شوى لكن ودى صراحه اعرف وش الامور عليه وارتب ترتيباتى
مثلا
كم تكلف الرحله تقريبا( ادرى لكل واحد مصروفه الشخصى) لكن تقريبا انتم تعرفون انه شهر عسل وان الفنادق خمس نجوم
وغير الاغراض(وصدقونى الاغراض مابتكون كثيره لانو ابسافر عقبها لاستراليا عشان دراستى)
وش الفنادق اللى تنصحونى بها
وش الاماكن اللى تستحق الزياره (غير سور الصين العظيم لانى مابروح الا لبكين)
وش النصايح العامه لى
يعنى اللى يقرا موضوعى وعنده خبر
لايبخل علي
(قال الرسول صلى الله عليه وسلم:من فرج عن مسلم كربه فرج الله عنه كرب يوم القيامه .. او كما قال صلى الله عليه وسلم)
يعنى الموضوع تشوفونه سهل بالنسبه لكم وانا عندى اكبر مصيبه
ادرى لسان حالكم يقول طيب وش وداك لذى الدوله
اقول لكم مدرى بس خاشه مزاجى من زمان
وغير كذا فى ثلاث دول غيرها ان الله يسر(ماليزيا تقريبا 20 يوم.اندنوسيا اسبوع.تايلند خمسه ايام هذى غير الصين
من وانا صغير وانا احلم بليله زواجى وان شاء الله تتحقق
فلاتشرهون على ان ودى استاانس انا والمداام فى كل ذى الدول
مع العلم ويظهر لى ان اسعار التذاكر تقل كلما زادت الدول
وانا ابخلص بس من اسبوع الصين وارجع لباقى الدول
زواجى باقى عليه ان شاء الله خمسه شههور
بس احس انى منزنق بالوقت من الحين
دعوااتكم يالحبايب ووالله انى من جد احتاج مشورتكم
لا فى الصين ولا فى ماليزيا ولا فى تايلند ولا اندنوسيا
تحياتى لكم جميعا
النداوى

اخى سور الصين اجعلة عظيما فى مخيلتك فقط مايستاهل فية شهر عسل حتى الصين عموما ماتصلح لسياحة نصيحة غير وجهتك .

اول شي مبروك مقدما وللة يوفقك بسراحة انا اقترح عليك ان الصين ماتصلح تروحلها بشهر العسل لان الصين راح يصعب عليك اللغة فيها تصدق انا وزوجي لما نطلع من الاتييل نتكلم معاهم بالاشارة او نخلي الاتيل يكتب لنا ورقة بلغتهم علي شان يعرفون يعني فييها متاعب شوي بس اقترح عليك تخليها بعديين تروح لها انت تبغا رومنسية وتبغاهدوء علي شان كذا انا اقترح لك (تاييلند ,جزييرة فكيت ,جزيرة كوسوم ,شنق مي ,بانكوك )شوف تاييلند فيها طبييعة خلابة ودولة متطورة جدا وانا زرتها كثير وانا مولعة في الشرق ودرت الشرق لاكن كراحة نفسية وانبسط ارشح تايلند لانك تقدر تطلع الصباح لالرحلات وترجع العصر تريح وتطلع بليل يعني عادى الاسواق ماتسكر الاالساعة9وفيها اسواق ليلية يعني ماتمل شعبها شعب طيب والصين مرا حلوة بس ما ارشح فيها شهر العسل لانك انت رايح تبغا الراحة والصين فيها شوي متاعب بس حلوة لاكن ارجع وقول ماانصحك في شهر العسل وترا تايلند فيها اوتيلات 5نجوم انا ارشحها6 نجوم معذره علي الاطالة لاكن للنصح واذا بغيت اي خدمة انا تحت الخدمة

كردت مشكور على مروورك الكريم يالغالى
والله يخلى عبدالرحمن لك وانت له

ام المزايين مروورك فخر لى واضفاء لمكانتى فى هالمنتدى الجميل
عندى استفسار بسيط لو مايكلف عليك اختى
تدرين انتى شهر العسل واجواءه
انا ابقول لك الجدول
ماليزيا 20 يوم
اندنوسيا 7 ايام_10 ايام
تايلند تقريبا اسبوع
والصين اسبوع
اذا كنسلت الصين وين تنصحينى ارووح
مع العلم انى ادرس فى استراليا الان واغلب الزملاء من الصين
وقالو لى (تشنق بونج ينج) يعنى (ازهلها)
قالوا لى احجز الفنادق وعطنا خبر وهم بيوفرون التاكسى اللى عليه الكلام وموصينه صح
وصراحه شفت صور للصين انهبلت
ماتوقعتها بهالجمال
يعنى على قولتهم حبه وابيها تنطحن بالنسبه للصين وخصوصا سور الصين
قالو لى كثير من الاماكن لكن بصراحه مادرى وش الطبخه
كل الاسامى صينيه
قلت مالى الا الله ثم هالمنتدى الاروع من الروعه
اام قلت اسبوع واحد مو بالطويل ولا هو القصير
واذا كان ممكن وبدون احراج
عطينى جدول لتاايلند بفنادقها وبكل شى اذا كان فى امكانيه او حتى رابط لاسبوع واحد وانا شفت الجزر اللى كتبتيها هل ممكن انى ازورها كلها فى اسبوع
وصدقينى ابمشى عليه لانى زهقت والله ماامن ردوود تااجينى
وتسوين خيير
الف شكر لك وعلى ذوقك وتكلفك بالرد على ودمتى للمزايين
تحياتى لك
النداوى