skooon
اولا مبارك عليك الشهر واتمنى لك التوفيق في حياتك القادمه
1- الجو بهالوقت من 10/10 حتى 30/10
معتدل مائل للبروده ويزداد وتشتد البروده كلما اتجهت للمناطق الجبليه مثل زيلامسي و الكابرون
2- فيه مكتب سياحي عندي يقول ابسويلك كل شي ابطلع لك الفيز والتامين واحجزلك الفنادق وتذاكر الطيران سؤالي هل اخليه يزبط وياخذ فائدته واريح راسي والا انا ازبط كل شي
انا لو مكانك بزين كل شيء بنفسي على اللي انا احبه وارتاح له..صحيح يبي لها لف ودوران وحوسه شوي بس في نظري اونس واحلى وتحس بقيمتها بعدين...ايام التخطيط و الترتيب توازي روعة الرحله
3 اذا ابزبط الرحلة
ا.وشهو احسن تأمين
ب.احسن خطوط طيران
ج.احسن فندق بكل مدينه
د. البرنامج اليومي او التمشي على قولتهم وشلون ازبطه لان راعي المكتب يلمح اني مو فاضي
احسن تأمين روح للتعاونية وقول له ابي تامين للسفر لاوروبا ويعطيك لمدة شهر قيمتة على ما اعتقد 250 ريال للشخص (يمكن زاد خبري به من سنه ونص)
خطوط الطيران با الترتيب الاماراتية و القطرية و الاردنية
الفنادق تختلف على حسب ميزانيتك وبعطيك الافضل وانت اختار

• * فينا

1) ساخير
2)الميرديان
3) الماريوت
4) هيلتون شتاد بارك
5) الانتركونتنتال

• * زيلامسي

1) الجراند
2)السي فيلا
3) ساللزبورجهوف

• * سالزبورج

1)ساخير
2) الشيراتون
3)البريستول
4) كراون بلازا
5) الريناسانس

• * ميونخ

1) الميرديان
2) الشيراتون
3) الهوليداي ان

• * باريس

1) الماريوت
2) باورز
3) شاتو فرونتناك
4) فرانكلين روزفلت

• - قائمة الفنادق تطول وتطول في كل مدينة وهي مجربة ومنصوحه وتقدر تشوفها بتقارير الاعضاء

المغادرة من الرياض الى فيينا
5 ايام فيينا
4 ايام سالزبورغ
5 ايام زيلامسي
4 ايام باريس
العودة من باريس للرياض
اذا سمحت لي بتعديلات بسيطة على المخطط
4 ايام فينا
5 ايام زيلامسي
4 ايام سالزبورج
ميونخ ليله او ليلتين وتطير منها با الطيران الاقتصادي الى باريس (للشخص 300 ريال ولو حجزت ابكر كانت ارخص)
باريس 4 ليالي
سبب وضع ميونخ لان فيها مطار تقدر تطير منه الى باريس با الطيران الاقتصادي وتريح فيها ليله قبل السفر
با التوفيق

تسلم وانا اخوك تصدق عاد حاس قلبي ولايهونون الاعضاء انك انت اللي بترد لاني معجب بتقاريرك واذا ماعليك كلافة ودي تضيفين على الماسنجر ودي اسئلك كم سؤال وصكني ببلوك بعدها ودليت لانه بصراحه وانا اخوك مهما قلت فيه تفاصيل ماتنكتب تسلم يالغالي .

skooon
انا الحين با الدوام ومجرد ما ارجع البيت ان شاءالله اضيفك واتشرف بمعرفتك ومنيب اللي يصك بلوك ولا دليت ولا غيرها
با العكس اتشرف واعتز بمعرفتك...باذن الله اضيفك قريب
با التوفيق

احوي حاسب لايكون المكتب الي بالمصيف بالرياض