السلام عليكم يا أخوان
الصراحه وبكل أمانه مسكت معاي أنا وواحد من الشباب .. واحنا طبعا وجيه فقر .. اننا نسافر اندونيسيا
الميزانيه مثل وجيهنا .. بس الشكوى لله عادي لو تكفينا نص يوم ونرجع ..
دخت وأنا أفرفر بين هالمواضيع وجمعت من هنا ومن هنا
بقى عندي كم سؤال لأهل الخبره أرجوكم بليز تكفون سااعدوني لا تبخلون علي
لانها الظاهر أول مره طس برى السعوديه وآخر مره ..
واللي يسلمكم فزعتكم يالشنبات
هي كلها 12 سؤال .. صدقني وربي مهمه بالنسبه لي ولا راح انسى معروفك فا تبخل علي
1) الفلوس نشيل كاش ولا في بنوك أقدر أصرف منها !!؟
2 ) سمعت انها ماتفرق سواء شلت معاك ريال أو دولار ؟؟
3 ) من قراءتي لمشاركات الأعضاء سمعت بمكتب كاها مدري هاكا يقولون عنه الأفضل ..
بس اللي مافهمته أفضل بأيش .. يعني ويش يقدر سوي لي ؟؟
4 ) أكيد أول يوم بنكون تعبانين من الرحله وبنجلس بجاكرتا .. عطني اسم مكان نسكن فيه
يكون آمن وسعره معقول + سعر اليوم فيه !!؟
5 ) اذا عجبتني جاكرتا وقررت أجلس فيها يومين وين أفضل الأماكن اللي تنصحني أتمشى
فيها ؟ ووش هي أفضل طريقه للوصول لهالأماكن مع سواق أفضل ولا مع التكاسي ؟؟
6 ) بعد مانمل من جاكرتا وودنا نروح للجبل .. وش هي الطريقه للوصول هناك وكم ساعه
يستغرق الوصول لها + السعر !!؟
7 ) وين أفضل مكان للسكن في الجبل وبسعر معقول !!؟
8 ) إذا وصلنا للجبل ايش أفضل الأماكن اللي تنصحني أزورها .. وهل هي قريبه ولا كم
تستغرق من وقت لين أوصل لها ؟؟
9 ) من مشاركات الأعضاء سمعت إن تاخذ لك سواق بالجبل أفضل وكم يوميته ؟؟ وقرأت
موضوع السواقين وأرقامهم المثبت بس أبي رقم سواق إنت نصحني فيه في الجبل ؟؟
0- ايش أفضل الأسواق والمطاعم التي تنصحنا نروح لها .. وهل فيه سينما في الجبل أو
قريب منها ؟؟
1) وش الأشياء اللي تحذرني منها ؟؟
2) كل واحد منا يحمل مايقارب الخمسة آلاف ريال سعودي من غير التذاكر
من خبرتك كم تتوقع بتكفينا هناك .. اسبوع ؟؟ عشرة أيام ؟؟ اسبوعين ؟؟ أكثر أقل؟
عارف إن في بعضكم بيقرأ هالسطرين ويقول كل واحد منهم معاه 5 آلاف بس
وبيروحون بلاد العمه ؟؟ اجلس عند أمك اصرف لك بس .. لكن الشكوى لله هذا اللي
نقدر عليه