wolf-chubby
02-12-2022 - 07:12 am
السلام عليكم ورحمة الله وبركاته
ياخوان للحين جالس ابحث عن معهد وسكن وطيارن لنيوزلندا اوكلاند
والله العضيم ضايع ضيعه لا يعلم بها الا الله سبحانه
ضايع بين السكن والمعهد انا افكر اني اطلع سياحه واخذ لي فتره اسبوع ابحث بنفسي باوكلاند واضبط نفسي بمعهد وترتيبات السكن لدى عائلة يعني اول 3 ايام او اسبوع اكون بفندق
2- ضايع بين الطيران الان مو هي تحتاج فيزا لاستراليا او هونغ كونغ ؟ ماهي الخطوط الي توصل هونغ كونغ وهل احتاج الى فيزا ؟ وافضل خطوط الاتحاد او الماليزيه
ماني عارف ابيدها شلون لان بصراحه صعبه رحله متواصله من البحرين الى نيوزلندا تعب افضل ترانزيت على هونك كونق
ياليت احد يفيدني بمعلومات
أسأل الله لك التوفيق وأن يسهل أمورك كلها ويجعل النجاح حليفك
أولا وقبل السفر ، تأكد أن السفر وتعلم اللغة في نيوزيلاندا هو الخيار الأمثل والأنسب لك ، ولازم تدرس الأمر بعناية .
ثانيا: إذا كنت راح تجلس فترة طويلة هناك ، فأرى أنسب طريقة كالتالي:
قبل السفر حاول تاخذ فكرة واضحة من خلال المنتدى وغيره عن المعاهد في أوكلاند ، وتحد الأنسب منها لك ، وتسجل عناوينها عندك .
بعدين تسافر وتخلي الأسبوع الأول تعرف فقط يعني بدون ما تسجل في أي معهد ، وخلال تواجدك تزور المعاهد اللي اخترتهم ، وتشوف الوضع على الطبيعة ، وتاخذ فكرة أكثر من الطلاب اللي يدرسون في المعاهد ، وعلى ضوء هذا تكون عرفت أنسب معهد لك من ناحية الجودة والسعر والمكان والتسهيلات .
بالنسبة للطيران : ادخل على موقع اكسبيديا وعن طريقه حاول تشوف أنسب وأفضل طيران يودي هناك .
أتمنى لك التوفيق ،
موقع أكسبيديا هنا http://www.expedia.com/Flights
وتذكر أنك ستكون سفير متنقل تعكس صورة دينك وأمتك ووطنك ، فلا أوصيك أخي الكريم.