بسم الله الرحمن الرحيم
بداية اطلب من كل عشاق تركيا انهم يطولون بالهم علي
سافرت انا وعائلتي الى تركيا الصيف الماضي بشهر اغسطس وكان مخطط للرحله انها تكون 22 يوم
وكان مخططها المفروض استانبول - جوق شدرة - ابانت - بورصا - استانبول والعوده لارض الوطن
الحجز كالتالي :
1-0في استانبول كان عن طريق بوكينج (( بشقق فندقية اسمها سلطان احمد سويت )) 6ليال
2- جوق شدرة قالولي اعضاء المنتدى ماعندك مشكله روح واحجز تلاقي شقق بالهبل 6ليال
3- ابانت عن طريق المكتب اللي عن طريق المنتدى نسيت اسمه 3 ليال
4- وبورصا هوليدي ان عن طريق الرقم الموحد لهم 4 ليال
5- استانبول برضو بوكينج 3ليال
(( والحق يقال الكل قالي تركيا كثير عليها هالمدة بس انا ركبت راسي ههه واستاهل اللي جاني ))
المهم وصلنا المطار تقريبا 8 او 9 الصبح واخذنا ساعتين واحنا ندور الشنط
السير يمشي دقيقه ويوقف نص سلعه وشنط العالم مرميه تذكرت مطار جده (( ساعتها دق قلبي وقال وينك يامطار كوالالمبور ماليزيا ))
بس قلت مو مشكلة
طلعت ومالقيت مندوب الشقة لاني اتاخرت عن موعدي اللي اتفقت فيه معاه
دقيت عليهم وقالو عشر دقايق اخذت ابو ساعه ونص ساعتين
ويوم جا وطلعت هناك كانت الكارثة ؟؟؟؟؟؟؟؟؟؟؟؟؟
هذي هي الديرة اللي انا جاي لها الطائف على غفلة اقل شي الطائف ابرد
شوارع سيئه ومافي اي دليل على انها بلد متقدم عمرانيا
قلت في نفسي لاتستعجل في الليل يمكن احلى ووصلت الشقه ههه
موظف الاستقبال هو الحمال واللي تنظف الغرف هي نفسها اللي تطبخ الفطور ولبمكان الله اعلم بحاله (( طبعا هذي غلطتي لاني حجزت من البوكينج عمياني )) قلت ماني قاعد قالو ادفع حق الليله الاولى دفعناه 100 يورو
شوي قال حق التوصيل 25 يورو دفعناه وطلعنا ودقيت على المكتب ودلني على فندق جلال اغا في منطقة لالي مدري شسمها حلو ومهضوم ب الغرفة 160 يورو (( والله في ماليزيا هالمبلغ يسكني في جناح ملكي
نمت وصحيت الساعه 8 المسا من الجوع اتعشينا واتمشينا على رجولنا والمنطقة اصلا مو مره حيوية وكنت في قمة الاحباط قلت مو مشكله بكره تكشف المليحة استانمبول عن جمالها
صحيت الصباح بدري وعلى طول اخترت اني ابدا بجزيرة الاميرات لاني على قد مااسمعت من مدح فيها قلت ابدا فيها احسن عشان تنعشني
بكره نكمل
مع السلامة