أخوي بوعزيز الحمدلله على سلامة الاهل واللي اتمنى من رب العالمين أن يأجركم ان شاء الله على صبركم لهذا الابتلاء من رب العباد ليختبر عباده على صبرهم وشكرهم لله .
بوعزيز بصراحه افتر مخي من كثرة المواضيع اللي حيرتني . وألحين ابيها منك
انته حطيت موضوع عشرة ايام جنيف وستة ايام انترلاكن
مشكلتي بطرقة التنقل . طيب المناطق المحيطه مو مشكله بس كيف اروح للمناطق السياحيه مثل جبال الثلج والرحلات البحريه وحدائق الحيوانات....الخ
يعني اذا فيه مجال تسويلي برنامج لمدة اسبوع جنيف بدون سوق وخمسة ايام انترلاكن والرنامج كل يوم وين اروح طريقة الذهاب بالسويس باص لأني ما أبي اروح عن طريق الشركات السياحيه وآنا عندي السويس باص وللعلم المسافرين آنا وزوجتي وبنتي 11 سنه . وهل فيه مجال اروح يوم لليورو بارك وارجع .
ادري اذيتك معاي بس شسوي مالنا الا رجالات هذا المنتدى الرائع
شكرا بوعزيز ومره ثانيه الحمدلله على سلامة أم العيال (أجر وعافيه ان شاء الله)
ملاحظه موعد السفر 31/7 ولمدة 12 يوم