1. انا بجاوبك ع هاالاسأله ؟؟


2. كيف أقسم عشرين يوم بأوروبا .. وبسيارة أيجار وأنا أقودها ...


3. وهل أغلب السيارات فيها جهاز ملاحة / ولا لازم اطلب هذا الجهاز بنفسي


4. سادسا:-


5. سابعاً :


6. أفيدوني / بمكان ثانية أتكون حلوة بدال المناطق ألي خطرت ببالي

اهلين اخويه يسعدني اني اشارك في موضوعك وان شاء الله اقدر افيدك .. المهم .. المانيا في الشتاء برد وثلوج .. المهم انا خاطري اسير النمسا في الشتا لان النشاطات تكون وايد في الشتا لان نحن ما نروح لها الا في الصيف ..

انا بجاوبك ع هاالاسأله ؟؟

كيف أقسم عشرين يوم بأوروبا .. وبسيارة أيجار وأنا أقودها ...

انا بقولك انزل فينا يومين بس .. وع طول اطلع بالسياره على زيلامسي واقضي فيها 10 ايام لانها تسوى وايد حلوه وبعدين روح كابل Kappl مش ( كابرن ) لان في فرق وبصراحه ها المنطقه ما شفت حد في المنتدى ذكرها بس نحن كل سنه نسير لها وهي ساعتين بينها وبين سالزبورق ام اعتقد . واسكن فيها 3 ايام لان في الشتااء تكون في ها المنطقه وايد نشاطات حتا السكن صعب تحصله من الزحمه .. وبعدين روح سالزبورج واقضي فيها يومين واطلع ع طول ع ميونخ واقضي في ميونخ 3 ايام .. وبس
هل المناطق إلي اخترتها مناطق تنفع للسياحية ..وبخاص بشهر مارس القادم أو شيء مناطق غيرها . .
اخوي النمسا في الشتا كلها نشاطات واكبر دليل ان هي في الصيف رخيصه وميونخ في الصيف غاليه والشتاء بالعكس النمسا غاليه وميونخ رخيصه .. بس مش معنا رخييصه لا يعني في فرق ..
وثانياً :-
شو تنصحوني . أحجز فنادق من أهني وأتوكل على الله وألتزم بالمواعيد ... ولا أحجز نزولي لي فيينا فقط والباقي أنا الي أحجز
لالا احجز من هني لان هناك بتتلعوز النمسا في الشتا زحمه ..
ثالثاً :
شو شوارع أوروبا . وبخاصة الخطوط الخارجية هل هي واسعة / ولا سيد رايح وسيد ياي .
واسعه وايد والخطوط ابدا مافيها تعب وخذ لك خريطه من محطه البترول واتبع الخريطه ..
رابعاً :
شو البترول الي عندهم غالي ولا مب غالي .
ام ما عندي فكره ان شاء الله الاعضاء ما بيقصرون وياك..
خامساً : هل أحجز سيارة من شركة سياحية / ولا أحجز من النت / والمشكلة أني ما عندي ماستر كارد .. أو فيزا .

وهل أغلب السيارات فيها جهاز ملاحة / ولا لازم اطلب هذا الجهاز بنفسي

عنا نحن نحجز من دبي يعني انت سير واختار نوع السياره وادفع لهم وفي المطار استلمها يعني سياره تسع 5 اشخاص لمدة 20 يوم ب 4000 درهم .. ها في الصيف .. وها اللي اذكره .. وبالنسبه لجهاز الملاحه اعتقد انك انت لازم تطلبه لان في اختلاف بين الشركات

سادسا:-

هل طرق أوروبا فيها محطات بترول قريبه عن بعض / وهل هي آمنه . يعني ماشي تحرشات بالطرق ..
محطة البترول في كل مكان وكل شي امان بس اتأكد ان جوازاتكم في السياره لان كذا مره مسكونا الشرطه في محطة البترول ويفتشون ع الجوازات وبس يرووحون يعني النمسا امان .. ولا تعترضون لاي حد في الطريق .. يعني امشو في حالكم ومحد بيتحرش فيكم

سابعاً :

أفيدوني / بمكان ثانية أتكون حلوة بدال المناطق ألي خطرت ببالي

ذكرت لك اماكن وايده ويمكن تشوف ها التقرير اللي انا مسوتنه عن رحلتنا في الصيف بس اعتقد ان الحين الصور ما تطلع مادري ليش بس انت اقراه يمكن تستفييد ن اماكن وها هو الرابطhttps://artravelers.com/p/re/150860
وفي النهاية / أنا محتاج لكم / وأعرفك أعيال أصول وما تقصرون معاي
تسلم اخوي وحياك الله ورحلة سعيده
أخوكم
بوفجر
من الامارات

1. الحقيقه الأخت فراشة سويسرا ما قصرت لكن أحب افيدك باللي عندي

أخوي king4me السلام عليكم ورحمة الله وبركاته

الحقيقه الأخت فراشة سويسرا ما قصرت لكن أحب افيدك باللي عندي

انا ما اقدر اعطيك خطه تفصيليه لكن على الأقل اعطيك ملاحظات وخطوط عريضه وانت تقوس عليها وتشوف اللي يناسبك

• أول نقطه اذا تبغى توفر كثير خلّي أول محطه ميونخ لأن أجار السيارات عندهم ارخص بكثير على سبيل المثال الصيف الماضي أخذت بي إم دبليو الفئه الخامسه " بقس " أو station مثل ما يسميها البعض,أخذتها من فينا اليوم ب 930ريال سعودي لليوم لمدة 13 يوم بينما لنفس المده حجزت مرسيدس فئة S طلع ب 520 ريال سعودي لكن ما قدرت آخذه لأني اقل من 27 سنه!!
• القياده هناك سهله جداً " خصوصاً اذا انت متعود على زحمة دبي", ممتعه جداً, وتعطيك خيارات اوسع ( يعني مثلاً لو طلع ذاك اليوم حر والا المدينه ما اعجبتك تطلع اقرب قريه وتشوف مناظر تفتح النفس بس ظروري جداً جداً يكون فيه جهاز ملاحه
• بالنسبه للشركات الموصى بها عندك يا طويل العمر europcar و أيضاً Sixt كويسين
• البترول " طبعاً ضروي تاخذ ديزل مو لأنه أرخص لا يمكن نفس السعر , بس لأنه اقل صرفيه", وبانسبه للسعر كنا نعبي البي ام ( ديزل) تقريباً 300 ريال اذا هو فاضي
• بالنسبه للفيزا أو ماستر كارد اقوللك وبكل صراحه يا حبيبي اذا ما عندك لا تسافر احسن وضروري جداً ترفع الحد الإئتماني قد ما تقدر واذا حصل لك طلع بطاقتين عشان لو صار مشكله في وحده الا معك ثانيه وحط في بالك ان فيه بعض الأماكن لازم يكون معك بطاقه إئتمانيه والا ما يخدمونك مثلاً شركة تأجير السيارات اذا جيت تستلم السياره لازم تعطيهم بطاقتك ويحجزون عليك قيمة الأجار " مدبوله" يعني اذا قيمة الأجار 4000 يحجزون 8000 منها المبلغ اللي راح ياخذونه للإيجار والباقي تأمين يرجع في رصيدك بعد ما ترجع ديرتك بحفظ الله
• محطات البنزين احسن طريقه عبي كل يوم لأن التنقلات كثيره وما تعرف طرقهم وبعدين اذا طلعت الصباح وعبيت فل وتمشيت طول اليوم مستحيل يخلص البترول قبل لا ترجع بيتك لأن اغلب مدنهم اوقراهم قريبه من بعض
• وختاماً ياطويل العمر بالنسبه للأماكن انت اللي تحددها وفقاً لرغباتك وميولك انت وعائلتك الكريمه لكن احب اعطيك فكره عن الاماكن والطابع العام لكل وحده واقتراحي بعدد الأيام:

فينا فيها ساحات حلوه وفيها أسواق معقوله " بس مافيها شي مغري اسواق دبي احسن بكثير ", وفيها ملاهي حلوه جنب الدانوب بالإضافه للصعود لبرج الدانوب ولا ننسى المنطقه المرتفعه المطله على فينا واللي للأسف لا يحضرني اسمها, يعني تقدر تقول اعطي فينا 3 ايام
براغ ما رحت لها لكن ارخص من فينا هذا اللي اعرفه ولا اقدر افيدك اكثر عنها
ميونخ اسواقها حلوه ولكن ما عندي صوره واضحه عنها لأني رحت يوم واحد فقط وقضيته في " ماريا بلاتز "
ميلانو ايضاً اسواقها حلوه جداً وأيصاً رحت لها يوم واحد وقضيته في منطقة دومو Doumo مكان رائع فيه محلات ملابس كثيره جداً ومقاهي كثيره ومطاعم " يعني المكان ونيس جداً
اما بالنسبه لباقي الأماكن عندك زل أم سي جميله جداً من ناحية الطبيعه لكن صغيره وهاديه جداً, اذا انتم من انوع اللي تبغون استقرار وطبيعه حلوه راح تنفع لكم لكن اذا بتملون يومين حدها
سالزبرغ اكبر بكثير من زل ام سي والطبيعه اقل شوي لكن يعيبها انها كئيبه شوي بس اللي يعوض هذا العيب انها صيره محور " شمالها ميونخ وجنوبها زل ام سي وهالشتات و فوشل ام سي و وولف غانغ كلها اماكن حلوه"
اذا بتروح لميلانو فأنت قريب من " لوقانو" السويسريه حلوه ولها طابع غير يعني ضروري زيارتها
اخيراً اقوللك الله يسمح امركم ويهنيكم واعذرني على كتابتي المختصره لأني في العمل وما أخذت راحتي, بعد كل هذا ما اخذت راحتي خ

فراشة سويرا
في البداية ألف شكر على هذا الرد السريع .
وكل هذا على ذوقك الراقي .
أختي /
تعرفين الجو / شتاء / ونحن عائلة أتحب الطلعة يعني تعودنا على سناتر وأسواق . ومقاهي ، وسينمات
ولهذا ميولي للمدن التي فيها حركة أكثر من المدن التي فيها راحة .
أختي في منطقة كابل / شو من النشاطات التي فيها . عشان أقرر أني أنزلها يومين .
وثالثا .
زيلامسي . كيف أوضاعها بالشتاء . هل هي مملة ولا الأجواء حلوه فيها
ويمكن موقع كابل بالخريطة عشان أعرف وين مكانها لان بحثت عنها بالخريطة ما حصلتها .
وكلمة شكر اخيرة لك .
أخوك
بوفجر

اخوي انا بقولك نحن سكنا في كابل لمده 5 ايام وكل يوم نكتشف شي يديد يعني صح هي صغيره بس اللي ساكنين هناك قالوو لنا ان كل النشاطات تستوي في الشتاا في منطقه فوق انت بروحك تقدر تستكشف اذا عندك سياره وكابل وايد هاديه وحلوه وايد..
بالنسبه لزيلامسي بصراحه في الشتا انا ما سرتلها بس اللي اسمعه من الناس انها حلوه في الشتاا..
وبدور لك موقع كابل في الخريطه لان اذكر واحد من الاعضاء حاط الخريطه ..
وتسلم نحن في الخدمه..

اخووي شوف ها الرابط واحد رد ع موضوعي وعطاني الخريطه
https://artravelers.com/p/re/150860
اللي رد عليه اسمه ( رجل شرقي )

1. سابعاً :


2. أفيدوني / بمكان ثانية أتكون حلوة بدال المناطق ألي خطرت ببالي


3. بوفجر


4. من الامارات

king4me
بس الي مب مقتنع منه ..
أني أتقيد بحجوزات الفنادق . يمكن تعجبني اليلسه بأحد المدن و أتروح علي الحجوزات الثانية
أخواني
بشو تنصحوني : لأني صدق محتاج مشورتكم .
كيف أقسم عشرين يوم بأوروبا .. وبسيارة أيجار وأنا أقودها ...
هل المناطق إلي اخترتها مناطق تنفع للسياحية ..وبخاص بشهر مارس القادم أو شيء مناطق غيرها . .
انا في الحقيقه ما احبذ زيارة اوروبا في الشتاء صدقني ممله وبارده ومافي فعاليات والانشطه ماتناسبنا
وثانياً :-
شو تنصحوني . أحجز فنادق من أهني وأتوكل على الله وألتزم بالمواعيد ... ولا أحجز نزولي لي فيينا فقط والباقي أنا الي أحجز
لا تطلع من بيتك الا وانت امرتب كل شي هذه اول سفره وهالله هالله بعايلتك
ثالثاً :
شو شوارع أوروبا . وبخاصة الخطوط الخارجية هل هي واسعة / ولا سيد رايح وسيد ياي .
بين المدن الشوارع زينه بس اغلب الشوارع سيد ورونغ سيد اللي داخل المدن
رابعاً : شو البترول الي عندهم غالي ولا مب غالي .
الديزل نفس البزين بس الديزل افضل ويطول عندك
خامساً : هل أحجز سيارة من شركة سياحية / ولا أحجز من النت / والمشكلة أني ما عندي ماستر كارد .. أو فيزا .
وهل أغلب السيارات فيها جهاز ملاحة / ولا لازم اطلب هذا الجهاز بنفسي
المكاتب السياحيه اغلى لانها تفرض عليك جارج ورسوم زياده انصحك اتمر فروع الشركات مثل اليورب كار وغيرها او اتصل فيهم وحدد المده ونوع السياره واطلب سياره عائليه ومثل ماقتلك لازم اتطلع بطاقه ائتمانيه
سادسا:-
هل طرق أوروبا فيها محطات بترول قريبه عن بعض / وهل هي آمنه . يعني ماشي تحرشات بالطرق ..
لا امان بس كل تنقلاتك خلها الصبح والشمس تغرب عندهم الساعه 9

سابعاً :

أفيدوني / بمكان ثانية أتكون حلوة بدال المناطق ألي خطرت ببالي

براغ شلها من راسك ، ومثل ماقتلك فكر ببلجيكا وفرنسا ( اكثر نشاطا في الشتاء من النمسا والمانيا ) يعني تنزل من فندقك وتتمشى بالاماكن القريبه افضل بوايد انك تضرب خطوط بين مدن كئيبه بالشتاء صعب اتلاقي حد من بني جنسك تستفر منه ولاتنسى عائلتك وياك يعني اعتمادعم بعد الله سبحانه عليك وثانيا الاخضرار في النمسا والطبيعه تتغير الى اللون الباهت المغطى بالثلوج . شوف تقرير اخونا حفيد سيف الله وقرر بنفسك ، تحياتي لك
وفي النهاية / أنا محتاج لكم / وأعرفك أعيال أصول وما تقصرون معاي
أخوكم

بوفجر

من الامارات

بخصوص السكن احجز مع التذاكر لكن حجز السياره قارن الاسعار بالنت وبمكاتب الشركات عموما مكاتب التاجير مايردون اللي يدخل مكاتبهم اذا كان مستوفي الشروط واهمها الرخصه الدوليه والبطاقه الائتمانيه وانصحك بجهاز النفقيشن 660 جارمن واذا كان من ضمن السياره اشرط عليهم ايكون انجليزي ، اذا مابتحتاجه لسفرات ثانيه لاتشتريه خلها من ضمن مواصفات السياره

الغالي عماد الرياض
في البداية الف شكر على الرد
واعذرني على التأخير بالرد
أخوي بالنسبة لمنيونخ تذاكر السفر أغلى من فيينا / ولهذا نصحوني أن يكون نزولي بفيينا .
طبعاً شفت موقع تأجير السيارات بس شفت السعر مناسب . نفس السعر ألي تم عرضه علي من قبل شركات السياحية , ومشكلة المواقع أنهم يطلبون الفيزا ، وأنا لحد لان ما ظهرتها من البنك ، لان عندي قرض تجاري .
طبعاً بأجر سيارة بحدود ما بين 250 لين 350 يوماً . وبشرط يكون فيها جهاز ملاحة . ما فيني أضيع أهناك بأوروبا .
بس هل بين المدن / يعني من فيينا لين براغ ومن براغ لين ميونخ محطات البترول متوفرة عندهم ، وهل محطاتهم شرات محطاتنا . فيه سوبر ماركت . ولا شيه فاضية .
.
بس بقيت أسألك عن المنطقة بالسويرا الي كتبتها.
كيف الأسعار فيها .
والحركة ...
وكلمة شكر قليلة بحقك يا اخوي
بوفجر

فراشة
كلمة شكر قليلة بحقك يا أختي .... ومشكورة علي المعلومة عن الموقع ، ومكان الموقع , شفت المنطقة . ببرنامج قوقول أيرث . وشفتها منطقة عادية ، كحي سكني . بس
يبالي أزورها يوم أو لو على الطاير .

العزيز / هيمان سفر
في البداية كلي فخر بتواجدي بهذا المنتدى ، وبخاصة أني حصلت أخوان شراتكم .
وبعد :=
طبعاً السواقة بأوروبا مغامرة كبيرة وأنا أحب المغامرات ، والمشكلة أني نازل مع الأهل , يعني ما أحب أتلعوز من قطار لين قطار ومن باص لين باص أو تكسي .
ولهذا فكرت السواقة بأوروبا . ويمكن أنا بالطريق يعبني منظر / أقول خلنا نوقف وأنصور ..
مشكلة الفيزا البنك رافض يعطيني أياها بس المكتب السياحي أكد لي / بإن محتاجين صورة بطاقة البنك العادية ..
بس بعد بحاول مع البنك .
وطبعاً يلست افكر وايد قلت بدال انزل أيطاليا وميلان والبندقية ماشاء الله على أسعارهم
قررت أن أتكون رحلتي على / النمسا / ومرور على التشيك / ثم . ميونخ ، والعودة على فيينا .
بس ... بقيت أسالك
الشمس ساعة كم تغرب / 9 , ولا 6 المغرب ..
اذا ساعة 9 ... والله بتكون رحلة على كيفك ..
وكلمة شكر قليلة بحقك يا اخوي
بس أبقى ردك بخصوص غروب الشمس ..