و عليكم السلام و رحمة الله و بركاته ..
أخي الكريم hash123 .. أولا مرحبا بك في منتدى العرب المسافرون بين أخوانك و أخواتك و إن شاء الله نقدر نفيدك .. بالنسبة للميزانية اللي انتا حاطها طبعا مناسبة إن لم تكن شاملة للمصاريف اليومية .. و هي تكفي لأكثر من 15 ليلة .. يا ريت لو تحدد أكثر ..
بخصوص الخطوط الماليزية .. أنا أرى بأنها أفضل لأنها دايركت و أوقات يكون في عرض مع التذكرة التنقلات الداخلية بين كوالا و بينانج و لنكاوي تكون مجانية ..
رحلة موفق إن شا الله و تروحوا و ترجعوا بالسلامة ..

خطوط ماليزيا ممتازة و جيدة و مريحة
و قد جربتها فعلا و اهم ما فيها انها دايركت دون توقف او انتظار
و الخدمة جيدة

والله ياخوي يعني اتصور انها شويه ثلاثه عشر الف ريال يعني لو تزود عشان تاخذ مثلا فنادق خمس نجوم وانا انصحك انك تاخذ اخوي موتيارا في بينانج وراح تدعي لي لانه هادي هو صح بعيد عن السوق بس رائع مره ورومنسي يعني يصلح للي توهم متزوجين ههه اما الهوليدي ان هو صح انه بوسط السوق بس والله ازعاج شوي ثاني شي فندق شيرتون بردانا بعد هادي والله وحلو وانيق دور واحد بس يقع على البحر وشكله حلو واي خدمه انا حاضر ياخوي وسفره موفقه انشالله ومع السلامه

السلام عليكم ورحمة الله وبركاته :
الاخ العزيز / hash123
اسال الله ان يفك دينك اولاً ....
بعدين اعقلها وتوكل والمبلغ نوعاً ما جيد اذا اخترت الوقت المناسب لذلك وهو عطلة الحج لان اغلب الخطوط تعمل تخفيضات وعروض باسعار منافسة ، وهناك فندق جيد ( هوليدي سيتي سنتر) والان تم تغير اسمه سعره مناسب وتقدر تاخذ فيه سويت يطلع جداً رخيص وهو بالمناسبة بالقرب من مجمع سوقو وشارع تانقو عبدالرحمن ، وانتقالك الى بينانغ بيكون بالقطار التذكرة حوالي اربعين رينجت والسكن في بينانغ في قولدن ساندس وهذي مدينتين اذا اكتفيت بهم تكون غطيت البلد تقرياً ،،، ،،،،،،،،،،،،،،،،،،،،،،،،،،،،،،،،، والله اعلم

ياهلا ومرحبا,,,
شف صحيح إسمي (الجمال) بس أحيانا يدلوعني
واشعيباه >>> واحد يبي يخش في الموضوع بأي شكل
ونعم والله وسبعة أنعام بحبيب ألبي (الشعيبي)
ولا يهون تاج راسي (أبو ميسم) وخالتنا (العربيه)
صراحة ياخوي أنا شايف رحلتك هذي.. صايره رحلة تعويض،،
عشان كذا لازم تحلل أبو و وأم هالسفره،،
وأنا أشوف إن المبلغ بيكفيك الأسبوعين بالراحه شامله سكن وتنقل وأكل وشرب وساعة صدر..
إلا الهدايا...خارج الموضوع
لا وبتسكن في فنادق خمسة نجوم وتتنقل بالطائره بين كوالا - بينانغ -لنكاوي
يعني أنواع الرفاهيه،،
كل اللي تحتاجه

• تضبط برنامجك والجميع هنا مايقصرون معك بشئ،،
• تتعرف على الأماكن اللي تحب زيارتها في كل مدينه،،لأن كل مكان في الغالب عليها رسوم دخول
• في السفر سبع فوائد ومن ضمنها إكثار المشي وتقليل الأكل..فهمتها أكيد!!

يمدحون كلوب بيض بالجبن :1076:

• والمهم إبحث عن الوسيله اللي توصلك لأقل الأسعار:

يعين إستفسر عن سعر الليله في الفندق اللي تختاره:
بالإتصال عليهم و سؤال أكثر من مكتب سياحي وأخذ رأي خبرائنا
هذي إقتراحات سريعه وخطوط عريضه.. سمّعنا رايك وجاوب على سؤال خالتنا (العربيه)
ثم نكمل المشوار معك..
تحياتي وبالتوفيق،،،

السلام عليكم ياأخوان والله الصراحه اثلجتو صدري زي مايقولو من وقت ماشفت عدد الردود 5
اختي العربيه: شكرا على الرد السريع وبالنسبه للميزانيه اللي انا حاطها للأسف شامله كل شي بالمصاريف بس على قول اخويا الجمال الهدايا والشوبينق مو مهم وبالنسبه للمده ابغاها تكون حوالي 12 يوم واذا اقل برضو مو مهم بس تكون تستاهل وسلامتك
اخي mhammad: شكرا على مرورك وردك الجميل
اخي البارق2004 : شكرا على ردك بس لو كنت أقدر ازود الميزانيه ماكنت احترت الحيره هذه
وبالنسبه لنصائحك في الفنادق راح أخذها بالاعتبار انشاالله وأبغاك انت تقوللي ايش الفنادق اللي على البحر وشكرا
اختي البسمة الحرة : جزاكي الله خير وبالنسبه للوقت اجازتي تخلص في 19 ذي القعده وبالنسبه للفنادق راح أخذها في الاعتبار انشاالله وشكرا
اخي الجمال : والله ردك مريح ياشيخ لأني احس انك فاهمني وبالنسبه للرفاهيه مو مهمه للدرجه هذه وبصراحه عندي اهم شي الفنادق ومواقعها
وبالنسبه للوسيله اللي توصلني لأقل الأسعار انا هنا باأسألكم عشان كذا وهمتكم ياأخوان
ومشكورين وجزاكم الله الف خير
:bounce8: :bounce8:

وعليكم السلام ورحمة الله وبركاته ...
يامرحبابك اخوي hash123 وابشر من عيوننا الله يسلمك
الحبايب ماقصرواالله يسلمهم
وادلوا بسطلي على قولة حبيبنا الجمال كل عام وانتم بخير .
وماعليك زود ياغالي وبيض الله وجهك
اخوي hash123 ان شاء الله تكفي ولكن انصحك تشيل
مبلغ احتياط بسيط لاجل الطوارئ لاقدرالله ...لا تستخدموها ولكن
احتياط للضرورة القصوى ... وربي لا يحوجكم .
الله يفكك ويفكنا وكل مسلم من كل دين وسلف .
الخطوط الماليزية ممتازة ... ويكفيها فخراً انه خالتي العربية
مدحت فيها
ان بغيت خطوطنا وتحركك من جدة ترى جماعتنا عندهم حركات
تزعل ويلطعوك في الرياض حق ساعتين ... غير الصيفية .
يتفقوا معاك انه دايركت ولكن ... ما يعرفوا انه المسلمون على شروطهم
ولا المادة صارت اهم
احب اكسب بلدي وجماعتي ولكن للاسف مايقدروا اللي يقدرهم
اجل الماليزية ان بغيت دايركت وان بغيت ترانزيت عندك خطوط
كثيرة ولا تشيل هم
نعطيك الاسعار بأسوء الاحتمالات شعارنا هو
تزيد الفلوس ولا تنقص علينا ونتورط
طالع في فترة الحج ان شاء الله ... ممتاز .
نقول التذاكر لشخصين 6000 ريال يا الله ولا كأننا في
الصيفية تراها ارخص بكثير ... ولكن تزيد ولا تنقص
واخوي الشتيوي لو تراسله راح يفزع لك لأني قرأت انه عنده
التذاكر بموسم الحج ب1500 ريال .. فأحجز مسبقاً واكد عليه
واتمنى تستفسر منه لأجل يفيدك اكثر وتراه راعي واجب ورجل
بمعنى الكلمة وما يقصر .
نقول راح من المبلغ 6000 ريال ... اتفقنا
يبقى لك 6000 ريال مثلها
مصر على فنادقك اللي اخترتها ولا نبحث لك عن فنادق حلوة وفخمة
وسعرها اجمل وش رايك
فنادقك حلوة وماعليها كلام وان خليت المتوسط 400 ريال اجل
راح تصرف 4000 حق فنادق فقط ويبقى لك 2000 صرفية .
ادلك على فنادق مش في فخامة فنادقك ... ولكن والله ارضاها
لنفسي ... ان شاء الله ما ودي اضحك عليك ... ابغاك تتمشى
انت والمدام وتنبسطوا اخر انبساط الله يسعدكم
اخترت اخوي 5 مناطق في 10 ليالي او 12 ليلة ...
مش معاية انها صعبة اوي
وش رايك ننقصها ل3 مناطق ... او 4
لنكاوي - بينانغ - كوالا (جنتنغ)
او
لنكاوي - بينانغ - كاميرون- كوالا (جنتنغ)
ادلك على فنادق روعة وسعرها مقبول لاجل نوفر في الميزانية
انت قدها وقدود وعمها وابوها ولكن ودنا انه مايصيرعجز
لاجل يصير هناك فائض ونرجع لايام الطفرة ايام ما يتخرج
الجامعي بتقدير مقبول ويصير مدير قسم
لنكاوي = هوليدي فيلا
بينانغ = بي فيو
كاميرون = اكواتوريال
كوالا = ان بغيت على شارع العرب خذ بدورسيت ريجنسي .
وان بغيت بعيد شوي في حدود 5 دقائق بالتاكسي واضمن
لك انه راح يعجبك واحبتي يقولوا رايهم ان شاء الله وقدامه
مول جميل ومنطقة حلوة اجل خذ ببان باسفيك كوالا .
المتوسط 250 ريال .. اجل 10 ليالي = 2500 ريال .
ويبقى لك 3500 ريال ... يعني اقل من 100$ صرفية يوم
لكم وربي يهنيكم ... ويبقى 1000 ريال احتياط
والفائض اللي يجيك من التذاكر ضيفها للمصاريف
ونصيحة خلص حجز الفنادق والتذاكر من هنا يصير تعرف
انه الفلوس الباقية حق المصاريف والتماشي صافية وما
تشيل هم شيء
عندك اخونا الشتيوي تراه مننا وفينا واسعاره زينة
ان اخذت على الماليزية فللشخص تذكرتين داخلية .
يعني قول كوالا - لنكاوي - بينانغ .
وان بغيت تتحرك من بينانغ لكاميرون ان بغيتها او كوالا
مباشرة فتكلم موظفة الفندق او تكلم راعي تاكسي طيب
انه يروح يشتري لك تذكرتين باص لكاميرون او كوالا وخله
يجيب توقيتها وكل المعلومات ولو كان راعي تاكسي افضل
واعطيه حق تعبه وروحته وجيته ... اوفر من انك تاخذ
تاكسي لكاميرون يكلفك 300 او لكوالا قريب 500 ريال
حسب السيارة ... فتلقى تذاكر الباص وحق تعب الرجال ما يتعدى
0ريال وانت مرتاح في غرفتك وحاط رجل فوق رجل
وجنتنغ تقدروا تروحون لها من كوالا ... وفي ترى باكيجات
يجيكم الباص في وقت معين وترجعون في وقت معين وبسعر
مقبول ومعاكم ناس ولكن تتفرقوا هناك وتتقابلوا في منطقة
معينة في ساعة معينة وترجعون مع بعض
وتقدر تنسقون هالرحلة مع موظف الفندق ويحجزلكم من بدري
ويحدد لكم الوقت والسعر
الظاهر اني طولت عليك وطفشتك
ان بغيت تستفسر عن اي شيء لايردك الا الكيبورد
وربي يهنيكم وتروحوا وترجعوا بالسلامة
وتحياتي لخالتي العربية
وتحياتي لأخوي mhammad
وتحياتي لأخوي البارق 2004
وتحياتي لأخوي البسمة الحرة
وتحياتي لأخوي الجمال
والسلام عليكم

يامحبا باأخي الشعيبي والصراحه نورت بردك الجميل ولايهونو الباقين اللي ماشاالله ماقصروا معي وجزاكم الله الف خير
اما بالنسبه للمبلغ الاحتياطي فهي في الحسبان (بطاقة الفيزا ) لاكن راح اخليها اخر الحلول
اما بالنسبه لهذا الوقت هل يعتبر فترة موسم اسعار الحج او لا؟
وبالنسبه للفنادق اكيد اني غير مصر واذا عندك بدائل ادل بدلوك على قول اخونا الجمال
والنعم في اخونا الشتيوي بس كيف اتصل عليه
وبالنسبه (شكلها عاجبتني الكلمه هذي ) للتنقلات بين المناطق ايش الاختيارات اللي عندي
ومشكورا على المشاركه وجزيت خيرا
وانا في انتضارك انت والاخوان

بكل ماتحمله هذه الجمله معنى!!!!
إذا حضر الماء...بطل التيمم
وإذا حضر الشعيبي...حط في بطنك بطيخه صيفي
أخوي..لاتفكر ولا تختار..خذ راي الشعيب ولا تحتار,,,
(شعارات حلوه..وش رايك يالشعيبي تخش بالإنتخابات )
في رأيي..كلام حبيب ألبي عين العقل،،
وإنت ماشاء الله غليك واضح إنك مزبن أمورك وماخذ إحتياطات...وهذا شئ رائع ومطمئن
سو اللي قالك عليه أبوشعيبي... و وافنا بالنتائج,,
بالتوفيق