برنامج جيد وجميل وان شا الله تروح وترجع بالسلامه

بسم الله الرحمن الرحيم
اتكلم او اسكت علشان الرجاء حقك ؟
ههه لالا جد بقول الي اعرفه وبالنسبه للي ما اعرفه ما راح اعلق
اول شيء فندق شانغرالا في كوالا حلو وانا مجربه
ولو تبي تعرف احلى مافيه قوم الصبح وافطر وشوف نافورة الشوكولا توسع الصدر
واو ويكون جنبها سله الفراوله جد تدوخ
و بالنسبه لفندق لنكاوي لاقون ما سكنت فيه لكني مريت عليه وتعشيت هناك وهو شكله حلو و عندهم مطعم حليو فيه ثنتين ماليزيات يغنون عربي هذا بروحه عرض
اجلس و اضحك
و بالنسبه ببينانج والله ما اعرف هالاوتيل الي قلت عنه
و بالنسبه لاوتيلات كوالا الثانيه نفس الكلام ما اعرفها
لكن علشان الخاطر بس بقول تراها روعه وجنان ومافي مثلها ابد
ك لالا جد مدري لكن ان شاء الله تكون حلوة
ولك تحياتي
ksa

وين الاراء والا شاطرين تقرئون الموضوع وتطلعون0000
اشكر اللي ردوا علي بالذات ksa ,واقولك وسعت صدري بكلامك عن شانغريلا

حياك
طبعاً أنا حاس بشعورك
الواحد لمن يقرر ما وده احد يلخبط أفكاره
عموماً الفنادق كلها ما عليها كلام
بس فيه مشكلة صغيرة
لاتخافين ولا تزعلين قلنا مشكلة صغيرة
يمكن راح تحسين بفرق شوي ما نزلتك لكوالا المرة الاولى ونزلتك لها المرة الثانية
لأن فندق دورسيت وفيدرال مستواهم أقل من شنغريلا
فعادة الواحد ما يحب ينزل من المستوى اللي تعود عليه
لكن برضه هذي المشكلة لها فائدة كبيرة
إذا كان شنغريلا متفوق على دروسيت وفيدرال من حيث الفخامة
فالاثنين متفوقين على شنغريلا من حيث الموقع
يعني محد احسن من احد
الفندقين هذولي بشارع العرب وفيه كل الاسواق
واكيد في نزلتك المرة الثانية لكوالا بتكونين محتاجة للأسواق
واحب اطمنك بشهادة معظم اعضاء المنتدى
لانكاوي لاقون وبارك رويال وشنغريلا من احلى الفنادق في المدن الثلاث
ودورسيت وفيدرال من احسن الفنادق الاربعة النجوم ولا عليها كلام
الله يوفقك واختيارات موفقة
وان شاء الله تطلع كلها في عيونك احلى من بعض

الف شكر ياصادق الاحساس على ردك الجميل 0000
وانا اخترت في الاخير فنادق اربع نجوم لان الواحد في الايام الاخيره اغلب وقته خارج الفندق 0000000000

الو بعد قلبي،، تقريبا اوكي برنامجك معقول جدا مافيه شي،، بس عاد هاه مهوب تخليها استعلامات مانشوفك الا اذا جيت تسافر
نبي تقرير عن سفرتك وصور ونصائح وتتفاعل مع الكل
تحياتي لك وسفره موفقه

الله يرجعك بالسلامة سعيد راضيا متهنيا
بإذن الله ....
دمت بود

.
.
مرحبا الو
والله كان ودي اأيد برنامجتس
واقول انو كلو على بعضو حلو
وراح تستمتعين برحلتس فيه 100%
لكن وش اسوي
قلبيبي مايطاوعني اتسذب
او اجامل .. وانصّب
المهم
خذي راي وحدتن تبي مصلحتتس :icon_thum
بما ان مطار كوالا بعيدن شوي عن كوالا نفسها
فأنا اقول
اول ماتوصلين
تريحين لتس يومين بصالة المطار
تراه بارد ويفتح 24 ساعه :11ughboun

طيب كأنك نسيتي مرتفعات كاميرون !!!!