1. تحذيرات جدا هامة لكل من يذهب لمصر خصوصا اول مرة)


2. هاذا ملخص لكل من يذهب لمصر اول مرةوحيستفيد منه باذن الله


3. 1بعدادوهوا الابيض والاسودوانصح به للمشاوير القريبة اذا ماكان فيه زحمة

السلام عليكم ورحمة الله وبركاته
من زمان عن المنتدى واعضائهبس الحمد لله رجعت و لله الحمد كلكم بخير
اشكر كل من ساعدني بصدق جداافدتموني فردا فردا
المهم وعدتكم اول اني انزل تقريري عن مصر ولكني جدامشغولة بالدراسةوماكان عندي وقت ابدا لانه الى الان احنا نختبر
عشان كدا راح احاول انزل تقريري شوية شوية يعني تقريبا كل يومين في الاسبوع(احاول اجمع وقتبس مرة مافي)وراح انزله اجزاء (استحملوني)وحيكون فيه صور ومواقف والاسعار بالتفصيل باذن الله
وحبدأفي الجزءالاول

تحذيرات جدا هامة لكل من يذهب لمصر خصوصا اول مرة)

هاذا ملخص لكل من يذهب لمصر اول مرةوحيستفيد منه باذن الله

1-لكل اللي حيروح ومعاه عائلة انصح النساء انهم يلبسو العباية اللي اتعودو يلبسوها واللي تريحهم وماراح تكون في مضايقات وبعدين انتي راح ترتاحي لانك متعودة عليها واذا ناوية تغيري العباية حاولي تجربيها قبلها بفترة يعني البسيها وروحي السوق مثلا عشان تتعودي عشان لا يوهقو في يوم السفر
2-انصحكم عند الصرف انكم تصرفو من البلد بالدولار بعدين تصرفو بالجنيه واسعار الصرف تختلف من مكان لاخرملاحظة(الريال=جنيه ونصف تقريبا)يعني مافي فرق كبير
3-لمن تصرفو نصيحة جدا مهمة خلي معاك القروش من الجنيهات لانه راح تحتاجوها مرة كتير مثلا في السينما وفي الشارع وفي المقاهي المهم هيه مرة مهمة وحاولو تخلو معاكم كثير منها
4-ملاحظة جدامهمة مهمة مهمةلكل من يروح اول مرة لمصر ارجوكم انتبهو وهذه المشكلة حصلت لنا كثير بما اننا اول مرة نروح فحاولو تنتبهولها(لاهميتها كتبتها باالاحمرلانها انزفت جيوبنا)المهم انتبه اسال عن السعر قبل اي شيئ( السعر اولا)لانه كان فيه استغلال كبير من هادي الحكايةمثلا مرة جلسنا في مقهى صغير في الحسين هو ليس مقهى بل شبه مقهى كان فيه طاولة وكراسي في الشارع اقرب للسقوط ولم نجلس لاننا نريد بل لان الوقت متأخروكنا مضطرين لحين وقوف تاكسي طلبنا 1كأس عصير برتقال وكوب شاي(وهذا في اول ايامنا)وحجم العصير مثل كاس الجبن ولم نسأل للاسف عن السعر فكان الحساب قريب من الاربعين ريالا في حين ان في احد من كافتريات جدة لاياخذ اكثر من خمسة ريالات بل اقل انا لم اغضب الا من حركة الاستغلال والاستغفال ولان الطلب مايسوى والله مايسوىكان نفسي اصور الطلب عشان تحكمو بس ياخسارة المهم خلو شعاركم(السعر اولا)
5-التاكسي هناك على نوعين

1بعدادوهوا الابيض والاسودوانصح به للمشاوير القريبة اذا ماكان فيه زحمة

2بدون عداد وهوا اللي تتفق انتا والسائق على السعر وانتا وشطارتك وهذا افضل للمشاوير البعيدة ووقت الزحمة
وحكاية التكاسي كمان حصل لنا موقف طويل ححكي جزء الان والباقي بعدين في سياق التقرير وهيه اننا كنا راجعين من الالعاب وهي معروف انها بعيدة ووقف تاكسي بدون عداد سالنا بكم قال ثلاثين جنيه قلنا لا خمسه وعشرين(هادا السعرحسب قول احد اهالي مصر) ما رضي المهم وركبنا مع تاكسي تاني بعدادوصار يمشي ويمشي ويمشي بخط طويل غير عن اللي جينا منه بس والعداد يحسب سالناه ليش الطريق طويل الجيه اقرب قال هادا طريق احسن المهم ومشي والعداد يحسب الين ماوصل الى70جنيه وهوا ماوصلنا للمكان اللي نبغاه المهم طلع الرجال مطول الخط عشان الفلوس تزيد الله يسامحه بس انتو انتبهو
هاذي بعض الملاحظات وفي خلال التقرير حكمل الباقي
لكم ودي...................
احلى نخلة......