اخر حبه من الطيبين
12-12-2022 - 06:04 am
السلام عليكم ورحمة الله وبركاتهاخيرا بتضحك لي الدنيا وبطير لأووربا
حجزنا الطيران يوم 9اكتوبر الى مطار ميونخ
والعوده 23اكتوبر من مطار باريس
امس بصمنا الفيزا 26/اغسطس ويارب تتيسر ولايلطعونا خصوصا اني قصيت تذاكر ع الخطوط الالمانيه بسعر4800لشخصين
المسافرون انا وزوجي فقط
زوجي مخلي علي الحمل كله الله يسامحه لقلة خبرته بهالأمور وانعدام اللغه الانجليزيه
يعني انا احسن منه بتكه بس اعرف كم كلمه واتفلسف عليه بها ههه
شريت قارمن بقيمه 2000ريال وخليت الفلبيني يحمل لي عليه احداثيات كثير
طبعا باقي يبي لي اتكي عليه وادرسه دراسه
طلعنا الرخصه الدوليه واستلمناها الحمدلله
جهزت بعض اغراض العزبه
هذي تجهيزاتي للرحله عموما
بقى لي حجز الفنادق بس دخت وانا ابحث في بوكنج طبعا مالي بعد الله الا انتم قريت من مواضيعكم الشي الكثير اللي اثرى معلوماتي كزائره لأول مره لدول اوروبا
مخططي للرحله بإذن الله كما يلي:
الوصول الى مطار ميونخ 5الفجر بتوقيت ميونخ واستلام السياره والتوجه للفندق(الى الآن لم احجز ابغى مشورتكم بفندق ريفي ابغى طبيعه مليت من المدينه وصخبها)
اليوم الثاني تسليم الفندق ومنها الى قارمش والتوجه الى سالزبروغ والسكن في سالزبروغ لمده ليلتين(وش رايكم بالفندق )
بعدها التوجه الى زيلامسي والسكن بفندق غراند زيلامسي(خقيت مع الفندق بصراحه) بس كاتب في بوكنج غير مشمول 1،10ضريبه المدينه كم تقريبا بيزيد علي المبلغ
البقاء في زيلامسي 3ليالي
زيارة هالشتات والتوجه الى انتر لاكن والبقاء بها 4ليالي
ثم تسليم السياره والذهاب بالقطار الى باريس المبيت ليله واحده والاقلاع منها الساعه3العصر
(وش ترشحون لي فندق في باريس وانتر لاكن)
ميزانية السفر35الف لشخصين شامله حجز الطيران والفنادق والسياره هل ترونها كافيه؟؟؟؟؟
ابي خبرتكم ومشورتكم لاعدمتكم
ان شالله دووم تضحك لكم الدنياا في طاعة ياارب
هل تم حجز اي فندق ؟؟
انا اشووف وجهت نظري وصولك الساعة 5 الفجر افضل انكم ترتاحون يوم في ميونخ وتستلمون السيارة
من المدينه افضل واريح لكم
مخططكم فيه تعب شوي والايام قليلة لو تحذفو باريس بس المشكلهاانكم حجزتو
اقترح عليكم :
ميونخ - زيلامسي 5 - انترلاكن 4 - بادن بادن 2 - باريس 2
بخصوص الميزانية ان شالله تكفي ويمكن تزودها شوي
وربي يسر اموركم ياارب