بسم الله الرحمن الرحيم..
"" وأخيرا بيتحقق حلمي وأروح النمسا
,, جاية لك يالنمسا ""..
مشرفي وأعضاء المنتدى الكرام..
من تقريبا 3 سنوات وانا حلمي اروح النمسا ..
وبكل سنة سبحان الله يصير شيء ولا اسافر لها..
والسنة الي فاتت رتبت كل شيء اجازة وفنادق ومخطط رحلة وكل شيء بس باقي احجز واروح السفارة , الله يجازاي المشرف كل خير بصراحة تعبته معاي السنة الماضية بكثرة الاستفسارات والأسئلة..
وسبحان الله ربي ماكتب واجلنا السفرة لشهر 7 وغيرنا الوجهة كلها الى دولة ثانية..
وسبحان الله برضو ربي ما كتب اني اروح حتى للدولة الثانية بعد ما حجزنا كل شيء عن طريق مكتب سياحي "غريب الأطوار" تخيلوا , ليلة السفر اتصل علينا المكتب السياحي الي تعاملنا معاه وقال لنا انو حجزي ما تأكد بالعودة مع اننا حاجزين قبل بأكثر من شهر ونص وكان مأكد لنا انو كل شيء تمام والحجوزات كلها اوكي ..
واضطرينا اننا نكنسل كل شيء بعد ما جهزت وتعبت أكثر من 3 شهور.. وراح كل جهدي وتعبي عالفاضي..
يالله الحمد لله " وعسى أن تكرهوا شيئا وهو خير لكم "
بس السنة هذي الحمد لله ان كل شيء للحين ماشي تمام ويارب يتمم على خير..
عموما ادري طولت عليكم وتعبتكم معي بالقصة الطويلة العريضة..
راح اقولكم البرنامج النهائي للرحلة ..
الرحلة من 24 مارس الى 7 آبريل اسبوعين..
الرحلة من الرياض على الخطوط الامراتية ب 6558 ريال لشخصين ترانزيت دبي ساعتين وبعدها فيينا..
فيننا 3 أيام هوليدي ان
سالزبورغ 3 أيام كراوان بلازا
زيل ام سي 6 أيام dre sonnberg >>>> تقريبا ميزانية الرحلة راحت عليه .." تقريبا 5900"
ومنها الى انسبورك وكابورن وسالفادين "الزحليقة الصيفية في سالفادين هل هي مفتوحة في ماس وابريل"
ثم فيينا يومين فندق AM
ثم العودة الى الرياض في 7 آبريل..
تكلفة الفنادق تقريبا 10,500
توتل التكاليف لحد الان 17,058
في كل مدينة سيتم زيارة المعالم المعروفة والمشهورة ..
اود منكم ترشيح مدينة ألعاب واحدة وحديقة حيوان يمكن لنا الذهاب اليها "بحكم كثرة الخيارات"
في التنقلات سنستخدم سيارة خاصة سيتم استئجارها من مكتب سكست او افيس "الأقل سعرا"
سؤال.. هل تتوفر في السيارات نفيقيشن او لا بد من اخذ نفيقيشن معنا..
اذا ممكن تزودوني بالأسواق الحلوة وكذلك "الاسواق الي ممكن اقول عنها شعبية اكثر من هي مجمعات تجارية اذا فيه" والشيء الثاني حابة استفسر عن الكوفي شوبز والمطاعم الي ممكن اني اقدر اروح لها..
وبالنسبة للتوقيت عندهم اذا فيه موقع يعطيني اوقات الصلاة وغيرها.. ممكن تزودوني فيه فضلا لا أمرا ..
وجزاكم الله خير..