- بسم الله الرحمن الرحيم
- قام يصب عرق, وجلس يبتسم ويقولي انا بمزح معاه ... !!!! خ يمزح
- قصة ثانية :
- بعد ماوصل اسطنبول اتصل علي وقال انا انسرقت من صاحب التاكسي ..!!!!
بسم الله الرحمن الرحيم
للأسف الشديد عاد مسلسل هبوط ( المؤشر ) بالنسبة للسياحة التركية بعد ما أملنا خير خلال السنتين الماضية في تعديل ( سلوك ) و ( اخلاق ) و ( تعامل ) بعض الأتراك مع الخليجيين وخصوصاً ( السعوديين ) ولا أعلم يا اخوان ماهو السر أو ماهي المشكلة من سوء التعامل مع السعوديين في تركيا ...!!!
بالأمس رجعو انسابي من تركيا بعد قضاء ايام ( معدودة ) لم تتجاوز ( الأسبوع ) بالرغم ان خطتهم السياحية من المفروض ان تكون ( 20 ) يوم يقضونها في تركيا مابين ( اسطنبول - يلوا - شنارجك - بورصة ) .
بكل أمانة انا نصحت انسابي بتغيير وجهة السفر , والأستخارة وعدم الأستعجال, لكن قدر الله وماشاء فعل .....
أنا شخصياً طلعت تركيا اكثر من (((( 15 )))) مرة وكان لدينا منزل ( فلا ) ملك في ( شنارجك ) عام 1984م وتم بيع الفلا بعدها بسنتين لأسباب سوف اذكرها .
كانت تركيا عشقي وحبي الذي لاينتهي كنت مغرم بها لدرجة الجنون , تعلمت الغة التركية وباللهجة ( الاسطنبولية )
حفظت العديد من الأغاني لنخبة من المغنين ( ابراهيم تاتليسس - جيلان - سفلجان - سوزان اكسو ....الخ ).
كنت اسافر مرتين بالسنة ( في راس السنة ) مع اخوي وابن عمي, ومره في ( الصيف ) مع الأهل ...
كان لي اصدقاء اكثير في اسطنبول وبورصة, وكانت صداقة ولا أروع , كنت ادافع عن تركيا كأنها بلدي الثاني ..!!! ولا أرضى لأي واحد بالغلط عليها ولو بكلمة وحدة ....
ومنذ عام (1998 م ) بدأ المؤشر يتذبذب ويبدأ تدريجياً في الهبوط وبدأ الحب يتحول إلى كره لدرجة انها وصلت معنا ان نمسح اثر هذا العشق الذي كان اشبه ( بالسراب ) وكانت ترجع لأسباب سوف اذكرها لكم :
1- من اول ماتوصل لمطار ( اتاتورك ) وتبدأ المعاناة والنرفزة من بعض سائقين التكاسي , وكذبهم واستغفالهم للسائح الخليجي .
2- بعض اصحاب التكاسي يوم يوصلك لمشوار يوقفك بعيد عن المكان الي تبغاه , واصبحت هذه الحركة موضة عندهم بل اصبحت شي أساسي .
3- العداد فيه تسعيرة , لكن صاحبنا راعي التاكسي يبغى ازود من العداد , لا وبالقوة بعد .... يعني شين وقوي عين.
4- سوء الأخلاق والجفاصة والعنتره على الخليجيين .
5- في الفنادق وعند الحجز يتم الغاء الحجز ... كيف مدري ...!!! أسالوهم .
6- اذا تختار غرفة مايخيرك , ويحسسك ان مو من حقك تختار , هو الي يختار ( كأنه هو الي بيسكن مو انت ) .
7- الفكرة الخاطئة منهم رغم تعبي معاهم في تصحيح بعض الأفكار ( سعودي بترول ) ...!!! يفكرون كل واحد جايب معاه بير بترول ...!!!
8- الأسعار دبل للخليجيين , لكن الجنسيات الثانية اقل بكثير.
9- عشقهم وموتهم ( الأوربيين ) ويوم يجيهم الأوربي يتعاملون معاه بكل ذوق , لكن ياويل يجيهم الخليجي انقلبت وجيههم وقلبت الاخلاق .
10- يخطط كيف يضحك عليك , وكيف يكرهك فيه .
11- اذا دخلت مطعم وتطلب الفاتورة تحصل المبلغ الي تسجل يختلف عن قيمة وتكاليف طلباتك ...!!!!
12- تركيا دولة اسلامية حسب مانعرفة لكن يوم تشوف واحد لابس ( صليب ) وتعرف ان مسلم وتسأله عن سبب لبسة للصليب يقول لك : ( موضه ) وبكل سذاجه يقول: وانتم وش عرفكم ( بالحضارة ) ...!!!!
معاه حق يمكن عشان يدخلون غصب في اوربا ...!!!
قصص على ذمتي :كنت في احدى صوالين الحلاقة ( بجدة ) ودخل زبون ( سعودي ) وكان المحل مافيه زبائن وسأل الزبون الحلاق ( التركي ) هل يوجد زبائن امامه ؟ قال له ( الحلاق ) ايه فيه لازم تنتظر ...!!!!
قال الزبون انا مستعجل وطالع المطار بشوف حلاق ثاني ومشى , بعد ماطلع تلفظ عليه الحلاق بكلمات ( بذيئة جداً جداً ) باللغة التركية لا أعلم سبب ذلك ..!!!!
طبعاً انا عرفت وش قال : بكل أمانه رميت المنشفه على الأرض ووقفت وطبقت الحلاق من رقبته وقلت انت ماتستحي تسب الرجال وهو ماسوالك شي ؟؟؟
والا عشانه مايعرف لغتك ؟؟
تقدر تقولها له بالعربي ؟؟؟
قام يصب عرق, وجلس يبتسم ويقولي انا بمزح معاه ... !!!! خ يمزح
قصة ثانية :
لزم علي واحد من ابناء عمي بالسفر معاه لأسطنبول لغرض استقدام عمال , ويبغاني اطلع عشان اكون معاه واترجم واعرف الديره , لكن ماقدرت واعتذرت منه وقلت انا بس احب انصحك وارشدك عشان لا يضحك عليك احد , واحذرك من بعض الاماكن الخطيرة في اسطنبول .
بعد ماوصل اسطنبول اتصل علي وقال انا انسرقت من صاحب التاكسي ..!!!!
قال : يوم جيت انزل للفندق نسيت شنطتي الي فيها الفلوس بس الحمدلله ان جواز السفر كان بجيبي ومعاه محفظتي فيها البطائق الإتمانية , قلت كم كان في الشنطة ؟؟؟ قال : ( 2500 ) دولار يعني مايقارب عشرة ألاف ريال.
قال تتوقع بيرجع راعي التاكسي للفندق ...!!!
قلت : الله يعوضك , لاتنتظر ولا تأمل .
وفعلاً لم يرجع صاحب التاكسي .... ونعم الأمانة .
القصة الأخيرة قصة انسابي يوم سافروا قبل كم اسبوع ....
بأختصار أول مارجعوا وشافوني قالوا ليتنا سمعنا كلامك .
مقارنة على السريع :يوم بتصرف في تركيا وخصوصاً في موسم الصيف ولو نفترض انك طالع مع زوجتك يعني شخصين , ثق تماماً ان يوميتك لاتقل عن 1500 ريال , طبعاً للي يبغا يسكن في فندق محترم وأكثر أمان .
ولو تطلع أي دولة اوربيه ( المانيا - النمسا - هولندا .......الخ ) اتوقع نفس السعر واذا زاد يمكن شويه , بس على الأقل طلعت دولة اوربية تستاهل لو تصرف فيها يومياً ( 5000 ) ريال .
اتمنى واطلب من الله العلي القدير ان يحفظنا وياكم من كل نصاب ومن كل مكروه , واحذرو احذرو يا اخوان من الي يصداون الخليجيين على بالهم ( سمك هامور ) .
تحياتي لكم ,,,,,,,,,,,,,
