يا كثر أسئلك يا بو محمد بس إنت تامر راح نجيبك على ما نعرف وخصوصاً حول جاكرتا وعلى بركة الله نبدأ .
أولا سبق واطلعت على عروض الصرح وخصوصاً في إندونيسيا ولقيته غالية مرة وعلى فكرة الكلام هذا يوم التذكرة 2500 مب الحين والتذكرة 1700 .
بعدين أعتقد الغرفة مزدوجة وأنا ما تأكدت بس عموماً العرض غالي .
بالنسبة للهيلتون فهو في شارع قاتو سبروتو شارع حلو وراقي بس على فكرة الفندق ينقسم إلى قسمين المبنى القديم وسعر غرفته ما تتجاوز 150 ريال والمبنى الحديث ويصل سعر الغرفة فيه إلى 300 ريال عن طريق المكاتب .
وأنا متأكد إن الصرح حاجز لك على المبنى القديم والذي أنشئ عام 1972 م
استفسر عن النقطة هذي لأنها مهمة .
تحياتي لك .
على فكرة إذا أول مرة تروح اطلب من أعضاء المنتدى يختارولك فندق ويعملون لك برنامج وهم ماراح يبخلون عليك بالمعلومات .

ياخوي روعتني يوم قريت ( ياكثر أسئلتك ) ووالله إنك ما قصرت وبدعيلك
لكن ممكن تختارلي فندق لأني احترت من كثر ماقريت ويكون كويس وموقعه جيد وكحد أقصى 90 دولار للشخص .
انا إن شاء الله مسافر يوم 18 سبتمبر الخميس 21/7 / 1424ه لمدة 14 يوم ويمكن اكون لحالي لاني مالقيت خوي صامل . وهذي أول مرة اروح للبلد وخايف اطفش لحالي لان عندي شغل يوم او يومين في شركة lion star والباقي فاضي ولا نيب راجع ابغى اشوف البلد لاني حبيتها من كثر ما مدحتوها وكما قلت من قتره وانا متابع المنتدى الرائع .

فيه فندق بجاكرتا موقعه جيد اربع نجوم لكن الحقيقه انه يعادل خمس نجوم وله مدخل خاص على واحد من الاسواق الفخمه سعره 200 ريال اقل من ال 90 دولار اللي انت راصدها للسكن اسمه
ciputra hotel
بشرط تاخذ الفاوتشر من مكتب حجز الفنادق ..
واذا تحب يكون الموقع بوسط المدينه كل شي قريب منك فيه فندق اربع نجوم فخم جدا كان سعره فوق ال 300 ريال لكن الان انتهوا من تجديد الفندق وتم تغيير الاسم من
president hotel
الى الاسم الجديد
niko jakarta hotel
هذا الفندق بعد التجديد روعه جدا جدا ويربط بينه وبين فندق حياة جسر مشاة وبالتالي تستطيع الوصول الى المركز التجاري للطبقه الراقيه "سوقو "
سعره الآن 200 ريال بالفاوتشر ..
اما اذا تبي توفر عليك بالسكن في فندق اتريوم ب 150 ريال وقريب من المركز التجاري

اخوي malam جعلك تسلم لي وانا عاجز عن الشكر
واش رايك في خليل عايش احجز من عنده
والشي الثاني ابغى آخذ معي ترفل شيك هل صرفها سهل هناك

أبو محمد أرسلت لك على الخاص أرجو إنك تطلع عليها .