ثلجة من جبال الألب
هذا الرابط راح يفيدك كثير ... فيه اهم الاماكن السياحيه ..وكيفية الوصول لها .. طبعا فيه بالعربي وبالانجليزي ... تفضلي
https://artravelers.com
موفقه يارب

الله يجزاك خير ياسارونه ويوفقك ويسعدك
طيب السنترال بعيده عن كولون ومافيها مطاعم عربيه ابد؟؟
وأيهما اقرب للمطار يعني كيف اوصله بتكسي والا باص؟؟

ثلجة من جبال الألب
العفو ياقلبي ماسوينا الا الواجب ...
بالنسبه لمنطقة السنترال بعيده شوي عن كولون بس لو رحتيلها عن طريق المترو فهي قريبه مره
لكن الفندق قريب من المطار ... اركبو مترو المطار لونه اخضر الى اخر محطه له اسمها هونغ كونغ
وبعدها خذو تاكسي لفندقكم ... عموما ترى التكاسي جدا غاليه بهونغ كونغ ...
وهذي خريطه للمترو وحطيت خط تحت اهم محطات المترو ...
" border="0" alt="" />
واي سؤال ثاني انا حاظره ... وموفقين يارب

الله يسلمك ياسارونه
والله محد عطاني وجه غيرك ياسارونة هونج كونج انا وصولي لهونج كونج بيكون على وحده ونص الظهر والعوده بتكون بعدها بيوم ع الساعه 9ونص الصبح
ليتك تظبطين لي برنامج حق هاليوم ونص اوسع صدري فيه واستكشف واهم شي دزني ومتحف الشمع وشارع ناثان
طيب التكسي بكم تتوقعين يودي من محطة المترو للاوتيل؟؟ بالريال ابي السعودي
مشكوره ياسوسو

ثلجة من جبال الألب
هلا حبيبتي ثلجه ...بالنسبه للبرنامج اقترح عليك اولا تفلونها نومه بالطايره خ
عشان اول ماتوصلون تطلعون تتمشون وتغتنمون الوقت ...
يوم الوصول روحي على طول مطل ذا بيك وفيه تشوفين هونج كونج كلها من فوق المكان روعه وبنفس المكان بعد يوجد متحف الشمع .... بعدها عالساعه 8 روحي شاطئ كولون عشان تحضرين عرض الليزر وبعدها تتمشين بشارع افينوز اوف ستار ..
ثاني يوم الصباح بدري تروحين اوشن بارك ...مره حلوه وبعدها تقدرين تروحين دزني عالعصر الى العشاء عشان تحضرين الالعاب الناريه بدزني .... وبعدها تروحون تتمشون بشارع ناثان وتتعشون فيه ...وبس
حاولت اختصر لك قدر مااقدر ... والباقي عليك يادوبه
واي خدمه ثانيه انا حاظره

طيب التكسي بكم تتوقعين يودي من محطة المترو للاوتيل؟؟ بالريال ابي السعودي
اذا ركبتي المترو من المطار الى محطة هونغ كونغ بعدها ركبتي تاكسي ماراح يكلف اكثر من 15 الى 20 ريال تقريبا على حسب الزحمه
لكن لو ماركبتي المترو من المطار راح يكلفك100 ريال ويمكن اكثر
وترى كل شنطه تحطونها بالتاكسي يحسبون عليها 5 دولار يعني ريالين ونص ..

الي يسمعك يقول شايفتني أجل انا دوبه
المهم بسألك هالتنقلات بين الاوتيل وبين دزني والشوارع الي قلتيها كلها بالمترو ؟؟ وهل مافيه خطر بالتنقل باليل
على فكرة خريطة المترو ماطلعت عندي يالعصلا
والمطاعم وشناكل والا أخذ معاي اندومي ام كاس وانتهينا هالحين بتقولين اني دوبا
وسؤال بعد عشاني جربتي الكاثي باسفيك كيف اكلهم بالطياره؟؟

سارونه انتي وين رحتي؟؟؟
عندي سؤال ثاني بعد
هو اني في العوده من استراليا بيكون عندي ترانزيت 12 ساعه ايش اعمل فيها بالله دبريني وش السواة وهل الاغراض بتتم بالطائره والا باخذها وبرجعهامره ثانيه ولو أشتريت شي هل اقدر اشحنه والا كيف؟؟؟