كوانزو ما عندي خبر عنها- اما هنق كنق فهي جميله بصراحة ويبيلها تقريبا حول 13 يوم والشخص تقريبا يبيله 7 الاف ريال مع السكن والمعيشه - وهي مناسبة للعائلة . واي خدمه حاضرين

توم وجيري
مشكور اخوي عالرد..
طيب ال7 الاف بس سكن ومعيشه يعني الشخصين مع التذاكر 20الف او اكثر؟؟؟
طيب وش افضل المناطق للسكن؟؟

م.سلمان
1 - حاول السكن في كولون ويكون الفندق على شارع كولون
2- السكن غالي شوي والغرف صغيره
3- لا تنسا تاخذ رحله الى مكاو عن طريق المكاتب السياحيه الي في الفندق
4- مره راح تكون مبسوط في الرحلة
انصح تكون مدة الرحلة الي هونكوك 7 ايام
5- كل يوم هناك عروض الضوء مره جميل عند البحر مقابل الشط الاخر وهو في اخر شارع كولون الساعة8 تقريبا"
رحلة سعيدة

الصيف الماضي ذهبت. لها مع زوجي واطفالي ( اربعه) ... قل ماشاالله
البلد روعه تستأهل 7 ايام
أنصحك تسكن بالانتر اللي في كولون او قريب منه لانها افضل منطقه للتسوق
عندهم الماركات روعه ومحلات اوت لت لاتفوتكم
والمطاعم الاسلاميه والكورنيش وجنبك محطه تروح اي مكان والفيري ينقلك اي مكان بين الجزر
ورحنا ديزني روعه واوشن بارك ملاهي كبيره
اما الصين فما رحنا لها
وشكرا

مرحبتين..
بالنسبة لهونج كونج فهي بلد جميل ويستحق الزيارة وجدا مناسبة للعوائل..
الشعب ودود وخدوم وكلن في حاله..
بالنسبة للميزانية فهي تختلف حسب مكان السكن والتنقلات هل تستخدم التاكسي او وسائل النقل الاخرى..
وحسب اللي معك يحبون التسوق او لا
بشكل عام تعتبر هونج كونج غاليه نوعا ما مقارنة بدول اسيا الاخرى..
بالنسبة للمدة اعتقد يكفيها اسبوع مع اني جلست فيها اسبوعين
انشالله اكون افدتك..

فعلا زي ماقالوا الاخوان السكن في كولون ممتع وخاصة فندق الانتر هونج كونج
فندق ممتاز والاجمل موقعه على الكورنيش وتروح مشي للكورنيش وتستمتع
بعرض الليزر وفيه شوارع راقيه جميلة ومطعم يجنن بما ان الكل صعب
نوعا ما هناك..
اما بالنسبة للاماكن اللي تستحق الزيارة فالاخوان ماقصروا في تقاريرهم..
انا استفدت جدا منهم وناوية ارد الجميل بكتابة تقريري قريبا..
تروحون وترجعون بالسلامة

مشكورين كل اللي ردوا علي ماقصرتوا والله هذا العشم..
لاني بصراحه ودي اسافر بس متردد مره بالوجهه مره افكر بكوريا ومره تايلند ومره هونج كونج..
وماودي اغير عن اسيا,,حبيتها كثير من زيارتي لماليزيا مرتين
وبجمع اكبر قدر من المعلومات عن كل دوله بحيث احدد..
مشكورين وماقصرتوا..

اختي
صدقيني هونج كونج تستحق الزياره ولكن فيها شوي من الغلاء الفاحش يعني اتوقع 7000 ماتكفي لان السكن مره غالي ويفضل حجز الفندق من بلدك ومن ناحيه المده صدقيني سبعه ايام كافيه ولاتزيد اذا زادت راح تطفشون لان اماكن التسلية في هونج كونج قليله
يعني مثلا
ديزني لاند يوم واحد مو زي حقت امريكا ولا فرنسا
اوشن بارك يوم واحد وهي ملاهي على جبل والنصف الاخر على اليابسه
المطل البيوك
الكورنيش يومين عروض الايزر
والتسوق يومين وش باقي ذكروني اكثر يااهل الخبره تراني نسيت من كثر ماسافرنا اكثر من دوله
يعني سبعه ايام كافيه كافيه كافيه ولاتزيدين علشان ماتطفشين
واذا انتي من محبين التسوق عليك بزياره كوانزوا لان يوجد فيها اسواق عجيبه وجميله ولكن راح تتعبين في موضوع الاكل اذا انتي من الناس اللي تقدرين المطاعم المميزه وشكرا لك واي استفسار انا حاظر عن
اندونيسيا و ماليزيا و هونج كونج و الصين و تايلندا و تركيا و فرنسا والمانيا و ايطاليا و لندن والدول العربيه جميعها ودول الخليج
وامريكا وكندا فقط لاغير وشكرا