اخوي
تقدر ترسل رسالة إلى شركة اسيا ترفل asiatravel وتعطيهم الفنادق والتاريخ وراح يعطونك النتيجة ولو مافيه راح يعطونك البدليل وبهذا تقارن سعرهم مع مكاتب السياحة والشركة مضمونه وانا مجربها من قبل
وتقدر تطلع على الفندق مباشرة وراح تحصل عروض وخاصه فنادق شيراتون واذا اعجبك السعر تحجز من عندهم والدفع عند الوصول مع اخذ رقم بطاقة الفيزه للتأمين
بالتوفيق

السلام عليكم
أخوي اني حجزت عن طريق النت وكل شي ماشي تمام وحجزت من مواقع الفنادق الرسمية عدا فندقين عن طريق موقع دايركت روم والحين تندمت انه ما حجزت كل شي من عندهم أسعارهم روعة وخصوصاً لنكاوي لاقون طلع الفرق بين سعر الفندق وسعر النت من دايركت روم 50$ في الغرفة في الليلة الواحدة اذا ضربتها في غرفتين وفي 3 ليالي يطلع الفرق 300 $ ونصيحة لا تسكن في موتيارا اني ما عجبني بالمرة بس ميزته نشاطات على البحر بس غالية تخيلوا السعر للخليجي غير والخيل بس ركوبها ربع ساعة 50 رنجت ، والغرف قديمة ولما سألت طلع مبني من 1988 وصراحة مو فخم بالمرة يعني سكنا في بيراميد تاور ولنكاوي لاقون أحسن بوايد ما فيه مقارنة ، وحتى باقي الغرف شفت جراند ديلوكس بعد مي زود أبد نفس الديلوكس بس فرق انه الديلوكس الأرضية خشب والجراند فرش ....
جرب اذا تغير فندق بينانغ وإذا تحب الهدوء والراحة لا تفوت لنكاوي ، حلوة مره ....

شكراً للمشاركة
ممكن أسماء المواقع إن أمكن