- الي ودي اعرفه هل ممكن المؤسسات او المكاتب او الشركة تكون وهميه ؟
السلام عليكم و رحمه الله و بركاته
الحمدالله وصلنا الصين مدينة شينزن shenzhen قبل 4 ايام لغرض التجارة وهو الاجهزه الالكترونية و تم التكلم مع اكثر من شركة او مكاتب عبر الانترنيت و الاتصال بهم عن طريق الجوال.
الي ودي اعرفه هل ممكن المؤسسات او المكاتب او الشركة تكون وهميه ؟
واشلون اعرف ان له سجل تجاري و موثق في الصين ؟ يعني وش الي يضمن ان اعطيهم المبلغ و يكون ضمان ان الشحن بيوصل البحرين ؟
الي خوفني اكثر ان امس كلمت شركه وقالو الاول ان لهم فرع في shenzhen يوم قلت لهم انا في الصين و في نفس المنطقة قالو ارسل المبلغ من ديرتك !! قلت لهم انا موجود هنا و اقدر اعطيكم كاش ليه ارسل مره ثانيه على ديرتي ويتحول لكم اخذو المبلغ مباشر من هنا فقالو لي احنا بنتحمل تكاليف التحويل والخ والخ علشان تكون راضي قلت لهم لا ما يصير كذا انا ابغى اجي اشوف مكتبكم و اشوف الي ابي اشتريه وبعدين احول المبلغ ماعندي مشكله بس المهم اشوف مكتبكم قامو قالو لي احنا في هونج كونج و المكتب الي في الصين shenzhen مجرد فرع قلت لهم طيب بجي هونج كونج لان مجرد ساعه عبر القطار قالو ما يحتاج تيجي اساساً!! فهنا خفت ولا كلمتهم مره ثانيه
في شركتين كمان اليوم كلمتهم و عطوني السعر جدا ممتاز و هم في منطقتين مختلفتين و احد منهم في Guiang وهاذا قال مافي مشكله تقدر تيجي واتشوف مكتبنا و تدفع كاش و عملو ليه ( رصيد مبدئي ) بلبضاعه الي ابيها و لكن لازم ادفع كاش و خلال 3-4 ايام يتم تجهيز المطلوب و يتم شحنه الى البحرين .
الشركة الثانيه في منطقه اسمها xiamen تقول ان مافي مشكلة اروح لهم المكتب و اشوف الي ابيه اشتريه بس لازم تحول من بلدك المبلغ و كتبت لي كذا
best throught International Expressbecause for our financial affairs all through foreign exchange settlement
كل الشركتين سوى ليه رصيد مبدئي وارسلو ليه على البريد الرسمي لي ولكن كمان خايف من ان اعطيهم كاش او احول المبلغ من البحرين ويكون فيه نصب
المشكله ماني محصل مترجم في المنطقه الي فيها انا ولا اعرف كيف الوصول لهم يعني لازم انا الي اسوي كل شي .
كيف اعرف ان حتى هل الشركتين حقيقيه ولا هي وهميه او يتم النصب علي ؟؟
واشلون اقدر اضمن حقي ,, ياليت تنصحوني ياخوان و اتقولو لي وش اسوي
بالله تساعدوني جزاكم الله كل خير تراني متورط و صار لي 4 ايام في هل المنطقة ولا سويت شي للحين
لهذا السبب .. نحن نشجع الاخوة على السفر الى الصين ...
والتعامل مع الشركات وجها لوجه ...
عشان تعرف اذا الشركات ذوله شركات وهمية او حقيقة ...
ولكي تقطع الشك باليقين ....
مافي الا تسافر لهم ... وتروح شركتهم ...
وتشتري اللي تبيه على بينة ...
وبخصوص المترجم ... أنصحم بالتعامل مع مكتب ...
او تقدر تختار مترجم من موضوع المترجمين فالصين ...
اسيرالدوحه