عليك السلام ورحمته الله وبركاتة
ممكن السفر من سيرلانكا الى جزر المالديف عن طريق الطيران السيرلانكي مدة الرحلة في حدود ساعة وشوي وسعر تذاكرها معقول.
دمت بود

تسلم لي يا خوي بس ياريت توضيح اكثر عن سعر التذاكر على الخطوط السيرلانكيه من سيلانكا للمالديف

وعليكم السلام ورحمة الله وبركاته
الطيران ياخذ حول الساعه من سيرلانكا للمالديف
وانت ماذكرت متى رحلتك بالضبط
لكن عموماً على افتراض انك رايح بشهر 7 ميلادي
سعر التذكره للشخص الواحد = 1066.96ريال
وهذا رابط موقع الطيران السيرلانكي
شوف بنفسك وحدد الوقت لأن أحيان يكون فيه عروض مميزه ومخفضه لو حجزت عن طريق النت
http://www.srilankan.aero/
بالنسبة لبرنامج لسيرلانكا
انصحك بزيارة بوابة سيرلانكا هناك بتلقى اللي يفيدك
والمنتجعات في المالديف واجد
بس حدد كم الميزانيه لليله الوحده
بالتوفيق

اعتقد ماقصر اخونا العزيز (أنا ) بس حبيت اهدر بالموضوع شوي
المالديف ادا بتروحها بمنتجع فاشل او مب ممتاز مابتحلى الرحلة
لان هي بالمنتجع ولازم تنظم وقتك مشان تستغل الرحلة
وتحياتي :
الحياه فرنكدوس

بو محمد قطر
وياريت تعطوني جدول حلو لمدة 6 ايام بسيرلانكا لانه ناوي اودي المدام معاي :) وافضل منتجع بالمالديف بس ما يكون غالي كثير
وعليكم السلام ,,
ممكن تاخذ الرحلة من قطر الى مالي وتحط توقف في كولمبو ,, وهذي افضل واوفر من انك تاخذ تذاكر منفصلة ,,
الاسعار بالضبط تاخذها من المكاتب عندكم لكن هذي تقريبية من النت :
إما عن طريق الخطوط السيريلانكية : سياحي : 2780 ريال قطري , درجة رجال الاعمال: 8820 ريال ,
وتضاف ضريبة توقف ,,
SriLankan Airlines
أو القطرية بسعر :سياحي 2400 ريال بحسب نوع التذكرة , , رجال الاعمال : 5830 ريال , دوحة - مالي - دوحة
Qatar Airways
او طيران الإمارات : سياحي: 3130 ريال , دوحة - دبي - كولومبو - مالي - دبي - دوحة ,, 6520 ريال درجة رجال الاعمال.
Emirates Qatar
اقترح عليك تكون المحطة الاولى : سريلانكا والاخيرة مالي وبعدها العودة للوطن علشان تكون الرحلة ممتازة :)
ولا تنصدم ببساطة سيريلانكا ومنتجعاتها مقارنة بمنتجعات المالديف :)
سيريلانكا بلد فقير وبدائي وما فيه مقومات سياحية لكن فيه منتجعات حلوة وبسيطة ,,
وبما أنك راح تضيف المالديف اقترح عليك : 2 - 3 ليالي هوناس فولز Hunas falls Hotel
وليلتين Earl's Regency hotel, kandy
وليلة كولومبو فندق Cinnamon Grand or Hilton Colombo
قبل لا تسافر خذ لك فكرة عن سيريلانكا وشوراعها عن طريق زيارة تقارير بوابة سيريلانكا .
المالديف شوف التقارير في القسم واختار اللي يناسبك ويناسب ميزانيتك ,,
ولو تاخذ كتالوج الامارات للعطلات من مكتبهم عندكم وتسجل عند كل منتجع سعره وتشوف الانسب ,, افضل ..