الثلج موجود بس المنتجع سكر امس وراح يفتح بالكرسمس لمدة اسبوعين
بعدها ما لك الا الشتاء الجاي

ماأعتقد يالغالي..
لأن مرة زرت قمة جبل تونقاريرو في الجزيرة الشمالية..وكان في شهر مايو ولا فيه شئ..
وبالتوفيق..

للمعلومية يا اخوان ان مابي أتزلج
أبي بس مسطحات بيضاء اتمشى فيها

اكيد موجود ياغالي
والجزيرة الجنوبية
غنيّة بالمسطحات البيضاء
وتقدر تستأجر طيارة تنزلّك في قلب الجبل الجليدي
جيب الفروة معاك
وراجع موقع السياحة في نيوزلندا

حسّاس
الله يجزاك خير اخوي ممكن تعطيني تفصيل اكثر
وين فيه الجبال هذي وكيف اوصل لها وهل فيها تلفريك (اللي تركبه وانت تدودل رجليك) والعربات اللي يجرها الكلاب؟وهل لازم علي استخدم الطيارة للوصول الى المنطقة لأني بستاجر سيارة.؟

معلومة هامة
ترى فصول السنة في نيوزيلاندا عكس دول الخليج
يعني أحر فصل في الخليج اللي هو أغسطس هو أبرد شهر في نيوزيلاندا (والدول اللي جنوب خط الاستواؤ مثل استراليا وجنوب افريقيا)

مناطق الجليد كثيرة خصوصا في الجزيرة الجنوبية مثل ما قالك اخونا حساس . اذكر بعض منها :
Mt Cook وهذا اعلى قمة جبلية في نيوزيلنده حيث يبلغ ارتفاعه اكثر من 3000 متر
Mt Hutt منطقة تزلج لجميع المستويات من المبتدئ الى المتقدم .
Lake Tekapu هذه بحيرة في الطريق المؤدي الى Mt Cook وفي منطقة البحيرة هذه يوجد طائرات تأخذك في جوله فوق الجبال الجليدية .
انا ابحط لك بعض المواقع اللي تدلك على جميع المناطق الجليدية في نيوزيلنده حتى تشوفها بنفسك .
http://www.metservice.co.nz/default/index.php?alias=weathertoday
والموقع الاخير هو خاص بحالة الطقس في البلاد وبامكانك الاختيار من القائمة الموجودة في اليسار SKI FIELD REPORTS
وسوف تظهر لك خارطة نيوزيلنده موضح عليها جميع المناطق الثلجية وعند الضغط على كل منطقة راح يظهر لك تقرير كامل
عنها وعن حالة المنتجع هل مو مفتوح الان او مغلق . الان اكيد انه مغلق لان الصيف دخل في البلد .

AML06
الله يعطيك العافية اخوي
اللي فهمته من المواقع خاصة الاخير انها حاليا مقفلة واكيد في فبراير بتكون مقفلة على كذا اخلي رحلتي في شهر يوليو احسن. وش رايك؟

قبل سنتين ذهبت لنيوزيلنده في شهر يونيو كانت الثلوج قد تساقطت والجبال اللي في الطريق المتجه جنوبا من مدينة كرايست تشيرش المؤدي الى بحيرة Tekapu وبقية المناطق الجنوبية كانت مغطاه بالثلوج لا تشاهد سواء اللون الابيض على جنبات الطريق والجبال . مما يدل على ان الثلوج قد سقطت قبل ذلك الشهر .
مره واحده فقط في الصباح تساقطت الثلوج بكميات بسيطة على كرايست تشيرش لكني في ذلك الشهر كنت اشاهدها في نشرة الاخبار تتساقط بكميات كبيرة على مدينة كوينز تاون
لدرجة ان اعداد كبيرة من الاغنام فارقت الحياة بسبب البرودة الشديدة .
والآن فصل الصيف في نيوزيلنده يعني بعد اربعه اشهر من الآن ابدأ في متابعة موقع الارصاد النيوزيلندي حتى تلحق على تساقط الثلوج من اوله .
الجزيرة الجنوبية كلما ذهبت بأتجاه الجنوب تزيد البرودة وتزيد نسبة الثلوج لدرجة انه في بعض الاحيان لو تبي تروح لكوينز تاون ما تقدر لان الطريق يكون مغلق بسبب كثرة الثلوج .