kkk100
19-09-2022 - 12:21 pm
مرحبا شباب
الحمد لله على سلامتي :tongue:
مالي كم يوم واصل من المغرب
الزبدة
صار لي موقف في كازا انا من ناحيتي كنت اشوفه عادي
لكن
واحد صاحبي من الشباب اللي شغالين في السفارة السعودية هناك خوفني وقال لي فكك الله ما وافقت
الموضوع و ما فيه
كنت مع سواق تاكسي عرفوني عليه شباب اعرفهم
قال لي السواق ليش تسكن في فندق
اسكن في شقة
ارخص و احسن و قعد يمدح في الشقة و وضعها و موقعها و يقول انا دايما احجز للشباب السعوديين فيها و مرتاحيين مرة
انا كان عندي يومين بس في كازا
و ما تستاهل اني اسوي تشيك اوت و اروح للشقة ومن بكرا رحلتي للرياض
المهم قلت انا المرة الجاية اذا جيت كازا ابقول لك تحجز لي فيها لأنه ما يمدي المرة هذي
يوم رجعت
قلت لصاحبي اللي في السفارة السعودية هناك
و طار عقله
قال لي فكك الله ما وافقت
قلت ليش
قال لأنه فيه سواقين تكاسي يرغبونك في الشقة عشان تسكن فيها
و اذا سكنت
ارسلوا لك اربعة او خمسة للشقة و اخذوا كل اللي عندك
و يكون هو برا الموضوع
و يجيك يتأسف و يقول اول مره تصير
وهو اصلا يكون اخذ حصته منهم
زي ما تقول عصابة
انا صدقته لعدة اسباب
يقول لو كنت في السفارة كان شفت كمية المشاكل من هالنوع
ثانيا
تذكرت كلام السواق
كان يحاول فيني اني اروح للشقة بشكل كبيير
انا كنت اتصور عشان ياخذ عمولة من صاحب العمارة
لكن صاحبي قال ان اصحاب العماير هناك ما يعطون عمولات للسواقين اذا جاب لهم زبون !!!!
في النهاية قلت مالي و مال الشقة
خلك في فندق
سكيورتي و امان و ان صار لك شيء يكون لك طرف تحاسبه
