1. لكن المسافرين معي رافضين الفكرة هذه لذلك لازم انصاع للأمر الوقع


2. فحاليا المدن المقترحة /


3. الأشياء اللي ابي اعرفها منكم :

السلام عليكم ورحمه الله وبركاته
اسعد الله صباح /مساءكم بكل خير
العنوان يمكن مايكون معبر عن استفساراتي كلها لكنه الأنسب لأني احترت كيف أوجز كل اللي ابيه بالعنوان
المهم
أنا حابة استشيركم بأشياء احترت فيها وبنفس الوقت قريت وبحثت كثير لكن ماتزال عندي معلومات غير متوفرة
قلت أكيد بلقاها باذن الله لما أسالكم ,,
قررنا نسافر تركيا بتاريخ 24 يونيو وحتى 8 يوليو تقريبا 15 يوم وبنكون 7 اشخاص جميعهم فوق 12 سنه
انا اشوف ان الفترة هذه قليلة لان مدن تركيا ساحرة وابي اروح على الاقل 6 مدن

لكن المسافرين معي رافضين الفكرة هذه لذلك لازم انصاع للأمر الوقع

فحاليا المدن المقترحة /

• اسطنبول
• بورصة (((( لكن مانصحوني كثير اروح لها بحجه ان وقت سفري لها بيكون مافيها ثلج وهي حلاتها فيه وبالتلفريك وقت الثلج فمااأدري هالكلام صح والالا !! ))))
• بحيرة سبانجا وابانت لكن بعد المقارنة بينهم لقيت ان سبانجا افضل من ناحية قربها من اسطنبول مجرد ساعه ونصف وفيها فعاليات اكثر من ابانت البعيده حوالي 4 ساعات او 5
• اوزنجول الساحرة
• انطاليا
• ازمير

الهدف من السفر شيئين : سياحه + تسوق

الأشياء اللي ابي اعرفها منكم :

هل المدن اللي اخترتها تستحق الزيارة أو بعضها ممكن احذفه مثلا ازمير ممكن مايكون فيها شي يذكر أو ان اللي فيها نفس اللي بانطاليا
كلامي هذا لاني جربت ماليزيا صراحه بعض المدن كوبي بيست من بعض ونفس الشي بكل مدينة حديقة فراشات - حديقة طيور - حديقة نباتات يعني طفش بكل ماتعنيه الكلمة بسبب التكرار والطبيعة نفسها بكل مدينة مع اختلاف كثرتها او قلتها
بينما من وجهة نظري ان تركيا كل مدينة مختلفة عن الثانيه هل تشوفون كلامي صحيح والالا !!
عشان اقتنع بكلام المسافرين اللي معي اللي مايبون مدن كثيرة بحجه التشابه بينهم لأن اذا صار فعلا المدن مختلفة في احتمالية تمديد السفر يومين حسب التذاكر
+
والشي الثاني المدن اللي بتقترحونها ايش افضل مكان للسكن فيه مع العلم بأننا نبي فنادق 5 نجوم أو 4 نجوم
+
وهل تؤيدون نحجز سيارة خاصه للتنقل والا نعتمد على المواصلات العامة
ياليت يكون ردكم يبرد القلب كالعاده ماشاء الله عشان كلامكم هو اللي بيحط النقاط على الحروف