ماانصح
لو بتروح لوحدك انصح بمصر

عادي اخوي سافر بروحك واستانس
دبي كلها مولات وسينمات ومطاعم واماكن راقيه
واسكن في فنادق قريبه من مول دبي او مول الامارات واستانس على كيفك
عندك مول الامارات مول كبير وفيه سينما رائعه ومحلات ومطاعم وسكي دبي (الحديقه الثلجيه)
مول دبي اكبر مول في الشرق الاوسط ,,,وفيه محلات ماركات ومطاعم راقيه واكبر صالة تزلج و الاكواريوم والنافورة الراقصه وبرع فيه سوق البحار وتقدر تدخل برج خليفة,,,
وعندك مرسى دبي والممشى فيهم مطاعم وكافيهات راقية ,,وميناء السلام بعد فيه مطاعم حلوه وتقدر تركب هناك العبره
وتقدر تسير جزيرة النخله فندق اتلانتس وتقدر تدخل مدينة الالعاب المائية وناسه وبعد مدينة الالعاب المائية الويلد وادي

عادي الوضع انا رحت لحالي وجربت الوضع هي حلوة وممتازة وخاصة مع كثرة الشباب وهذا يبي شي والثاني مايبي وكل واحد له رأي وتخرب الطلعه على الفاضي يعني حتى لو منظمين جدول يخربونه واحد مانام والثاني عيا يصحى واحد يبي مقهى .... الخ
تروح لحالك بتواجه بس مشكلة انك في اماكن ودك بشخص يسولف معك ومن هالامور يعني تواجه القليل من الملل في بعض الاوقات
روح وتوكل على الله الوضع طيب وحاول انك ماتطول كثير يعني ثلاث ايام اربع ايام ايام بالكثير عشان مايكون عندك وقت فراغ كبير
بالتوفيق

هذي تعتمد عليك ....اذا انت تعرف تستانس لحالك ....توكل على الله وروح.
اذا ماتعرف تستانس لحالك ...اختصر الموضوع ولا تسافر.
الوحده صعبه.

اخوي دبي من الديار الحلوة اللي توسع الصدر
لكن السفر لحالك هذا يعتمد على شخصك الكريم
هل انت من النوع اللي يحب الوحده وعادي لو يجلس يتمشى ولا يسولف او يكلم احد؟
او انت من النوع اللي مايهتم لو يلعب لحاله او يتسوق لحاله ؟
اذا انت من هالنوع توكل على الله وسافر وبتنبسط بإذن الله
لكن لو كنت من النوع اللي يحب يسولف ويحب يلاقي من يرد علية الصوت ويحب يشاور
أنصحك ماتسافر لأن لو تروح لأجمل اماكن العالم ماراح تستانس
اتمنى لك التوفيق

عادي يا قلبي جربها مره يمكن تصلح لك
حتى انا بعد لازم اجربها وباذن الله انك بتكون تجربه لي

مانصحك تسافر في العيدالى دبي لان سبتمبر حر ورطوبه عاليه جدا لو تتاخر سفرتك الى شهر يناير راح تستانس بالمره

محمد_
ناوي على سفرية سريعه لدبي في العيد
و المشكلة اكثر ربعي ما عندهم إجازات ...... هل دبي حلوة لشخص يروح لحاله
ولا مانع من ارئكم في ترشيح اماكن للوناسه
روح وماجاك برقبتي بس لاتسكن إلا بشارع الرقه او المرقبات وانا أضمنلك إنك بتستانس وروح بطياره لاتروح بسياره تنمرض لحالك بس هناك تتمشى بعد بهالشارعين على كيف كيفك
وبالتوفيق يامحمد

والله السفر لوحدك فيه متعه جرب ولاراح تندم ... ودبي لوحدك بتحس ... بمتعة ...
ودبي من ميزاتها حركة كثيرة ولاراح تحس بوحدة ...
أنا أكثر من مره رحت لها لوحدي وجرب ...