أم نوري
فهل أخذ الجواز فعلا ضروري؟
وإن كان ضروري فهل يكفي أخذ صورة من الجواز ؟
ياليت الخبراء والمجربين يفيدوننا بإجابة أكيدة
وياليت توضيح السبب في فائدة أخذ الجواز عند التسوق في هذه الأماكن؟؟
يمكن سمعتي صوره من الجواز عشان اذا بغيتي يعبون لك فورم التاكس فري

قرأت بأنه ضروري للتسوق في الفوكس تاون والغاليريا لا بد من وجود الجواز
فهل تكفي صورة الجواز؟؟

جربت الاصل أخذوا معلومات وبعدها أخذوا صوره بس في سويسرا جنيف
خوذي الاثنين
بسالك وارد لك اليوم ان شاء الله

الله يرضى عليك ويسهل أمورك ويفرج همك
انتظر ردك هل تكفي صورة الجواز؟
وهل تكفي صورة جواز زوجي؟ ام لا بد من صورة جوازي أيضا؟

أم نوري
سالت قالولي الجواز الاصل فيه البعض يطلب صوره انت خوذي الجواز الاصل بس
عادي اي واحد بس اذا انت اللي بتشرين خوذي جوازك

وش الحكمه انهم يطلبون الجواز الاصلي اخاف ينسرق مني
عاد وش يرجعني لديرتي

اختي الجواز مطلوب في حالة انج كنتي ساكنه في ايطاليا ورحتي للفوكس تاون عشان تتسوقين في هالحاله لازم تختمين التاكس فري من الحدود وانتي داخله ايطاليا لانه الفوكس تاون في الاراضي السويسريه وبالتالي لابد ان تختميه من المركز الحدودي الايطالي لكي تقومي باسترجاع المبلغ في مطار ميلان او روما وانتي راجعه بالسلامه لهذا السبب انتي تحتاجين الجواز .. عدا عن ذلك الجواز غير مهم اذا انتي بتتسوقين في داخل الدوله اللي بتطيرين منها لبلدك والمطلوب منك حفظ رقم الجواز فقط او كتابته عشان تعبين الفورم وتقدرين تعبين الفورم في الفندق عادي يعني مب ضروري تعبينه في المحل

اذا بتروحين فوكس تاون من ايطاليا لازم الجواز واذا بس في القاليري صوره جوازك تكفي

والله احترت
وعلى قول شوشو خايفة عالجواز ينسرق
حتى زوجي يقول مخاطرة ماله داعي ناخذه
فإذا كان ضروري أخذ الجواز بس عشان التاكس فري ما أبي التاكس فري مو ضروري
بآخذ صورة الجواز بس
هل تكفي؟
تكفون اللي جرب يطمنا