السلام عليكم ورحمة الله وبركاته
هذه الطريقة جربتها الصيفية الماضية مرتين ونجحت معاي في المرة الأولى بنسبة 100%
والثانية بنسبة 85% كيف ؟
الخلاصة هي يا عزيزي ، لما توصل إلى مطار كوالمبور ما تدربي راسك مع البشر اللي ماشية لساحة الوصول وتلاقي التاكسي هناك تتضرب فيك 100 رنقت ، وإذا لقيت واحد منّ عليك قال لك بوديك ب 70 رنقت !
المسألة بكل بساطة لما توصل لساحة الوصول تصعد إلى الدور الثاني عبر المصعد ، وتروح لساحة المسافرين ، يعني كأنك تبي تسافر ، لكن تطلع من البوابة اللي تلاقي فيها الناس ينزلون من التكاسي .
طبعاً النظام هناك يمنع التاكسي من النزول إلى ساحة الوصول لأخذ ركاب آخرين ، لذلك على التاكسي ينزل الراكب ويمشي على كوالالمبور طوالي بدون ركاب لأنه ممنوع من الدخول على صالة الوصول .
فبدورك أنت تطلع فوق وتركب مع التاكسي اللي لسه منزل ركاب ، وراح يوافق لك على أي سعر حتى لو عشرة رنقت لأنه هو راجع راجع إلى كوالالمبور فمن مصلحته ياخذك ولو بأدنى سعر ، ولا تنس أنه يخاف أحد يشوفه يفاوض معك . حتى أحيانا يقولك : رح قدام هناك نتفاهم ، يعني قدام شوية عن الشرطة اللي في وجه المطار .
أنا عن نفسي جربتها مرتين الأولى لما جيت من المملكة الغالية إلى هناك ركبت ومعاي عدة شناط ب 30 رنقت
والمرة الثانية لما جيت من لنكاوي ركبت بحوالي 40 رنقت طبعاً اللي خلاني أدفع أربعين هو أني لقيت السيارة موديلها 2004 توها جديدة ماشية 1500 بس وكانت مريحة على الآخر .
أنتم جربوا وراح تلاقون الطريقة ولا أحلى
تحياتي