معرفة الناس تجارة
بالنسبة لي عادي اتعرف على اي شخص لكن بحدود المعقول
مو كل شوي ناط بحلقي وش رايك نروح للمكان الفلاني ولا الفلاني وانا ماابيه هالمكان
اما اذا لقيت شخص اعرفه اسلم عليه واعطيه رقمي واي شي يبيه انا تحت امره
شكرا على الموضوع المحرج

بالنسبه لي ما احب اتعرف
لكن مايمنع السوالف القصيرة
و المزح على السريع
اذا قابلت احد اعرفه افرح فيه خاصة اذا كانو شباب بدون عوائل مثل حالاتي
اعزمهم على غدوه او عشوه .. وصلى الله وبارك

السلام عليكم
المعامله الطيبه للكل.... للعربي وغير العربي
ودمتم بخير

من الكياسة
أن تقف و ترحب ب أخ لك عربي
و تتحدث معه و تاخذ آخر أخباره
لكن هذا عاد في أول بداية سفراتك
بعدين تدريجياً تحس إن الأمر أصبح مزعجاً
قال لي واحد
أوروبا جميلة في الشتاء
قلت له ليش ؟
قال لإنه مافيها عرب !!
:tongue:
يعني إنته منحاش من ديرتك
عشان تبتعد عن بعض الأشكال
تروح هناك و هم بعد تلاقيهم !!
أو إنك قاعد تتمشى على راحتك
تشوف واحد من معارفك صدفة !!
و إنت حاطة لك برنامج تبي تسويه في الرحلة
لكنك ابتلشت ب هالرجال
:8888:
أنا عن نفسي
ما أحب أتعرف
حتى لو أمشي في مول في الإمارات و شفت واحد أعرفه
بحاول أتحاشاه
و لكن من تجربة
صادف في رحلتي ل تايلاند
أن مجموعة من الإماراتين
كانوا تقريباً على نفس خط سير رحلتنا
يعني التقينا فيهم في أكثر من مكان
و في آخر الأيام
طلعنا في كروز على النهر في بانكوك
و كل شيء كان على ما يرام
هل تعرفت أو تحب أن تتعرف في سفرك ؟!!
كيف تتصرف إذا قابلت أحد المعارف ؟
تنزعج ، تسعد ، تتجاهل ، تغير جدول الرحلة
أو تلغي السفرة ب كبرها :tongue:
شرفونا موضوع آيسلندا اللي تحت

موضوع روعة وجاء في موعده
عن نفسي ما أحب أتعرف على أحد وأبتلش فيهم وكل واحد له ميوله والمكان إلي يرتاح فيه
تحياتي لك

والله انا بنوته تحب الفله والوناسه ولما الاقي ناس مثلي ماعندي مانع نتعرف بس هاه لايربطوني ولااربطهم

احب اتعرف على ناس جدد فالسفره .. لكن بشرط .. احاول بقدر المستطاع اني ما اتعمق معاهم ..
يعني لابأس ب يلسة ماتتجاوز الساعه او الساعه ونص .. ف الكوفي فكل يوم ..

• __________________

اذا لقيت حد اعرفه ..
تصرفي راح يكون ك الاتي ..
ان كان الشخص الي اعرفه من الي احب اطلع معاهم ف ديرتي .. بحاول قد ما اقدر اني اقعد معاه وانظم وقتي بحيث اني التقي وياه ..
اما ان كان الشخص .. علاقتي فيه سطحيه .. يمكن تكون فرصة ان علاقتنا تزيد فبعض بشرط ان لاحضت منه القبول ..
اما ان كان الشخص .. ما اواطنه وشفته .. صدقني ماراح تتجاوز السلام .. و سوالف لاتتعدى ال 5 دقايق .. مثل .. متى يايين؟ ومتى بتردون؟ .. وان حسيت انه يبادر ل انه يطلع وياي وحاب انه نكون ويا بعض .. يمكن استغلها ك فرصة ل بناء علاقة جديدة ! فلاتنسى بأن اعداء الامس .. اصدقاء اليوم !

لي رجعه للموضوع المميز ....

إذا تعارف ولمدّة بسيطة ممكن ..
لكن ارتباط و اتصالات و و و ألخ بالطبع لا ..