سلملم الرزين
انا العام اخذت الفلوس كاش بس دولار وكل ماا احتجت سويت تحويل من الدولار الى الرنجت
وايضا استخدمنا الصراف يعني عاادي اللي يريحك

يا هلا اخوي
براحتك اذا تبي كاش ممكن تاخذ معاك سعودي ولا دولار ولا رينجت في النهاية تقريبا تحويلها هناك ما راح يختلف كثير وتقدر تحول نقودك في المطار يوجد اماكن صرف لانه الي اذكره واحد من الشباب لما وصل هناك حول بعض الفلوس
انا حولت ألف ريال سعودي طلعت لي 1001 رينجت تقريبا فرق بسيط
وحتى اذا حولت هناك من سعودي الى رينجت نفس الطريقة ما في فرق كبير
وعن طريق الصراف افضل ويوجد بنك اتش بي اس بس حط في بالك على كل سحبة ياخذون عليك تقريبا من 25 الي 28 ريال فاحذر من هذه النقطة
لكن انا عن نفسي افضل ان اخذ المبلغ معي كاش واحط مبلغ ايضا في البنك للاحتياط اذا حصل ظرف طارئ لا قدر الله
واي سؤال حاضرين

اخي سلملم الرزين اولا ابارك لك اختارك الموفق لماليزيا
ثانيا مثل ماقالك الاخوان سواء اخذت ريال اودولار او رنقت الامر سواء
لكن انصحك تاخذ كاش ولايمنع تضع مبلغا في البنك للظروره فقط محلات الصرافه بكل مكان والاسعار جدا متقاربه قد ينزل رنجت واحد او يرتفع وهذا لا يعني شي وللمعلوميه الريال والرنقت متساويان هذا عن العام الماضي قد ياخذ المحل سبع رنقت عن العمليه المصرفيه في مبلغ 1000 ريال فيكون بالرنقت 993رنقت وهكذا لاكن هذا افضل بكثير وامن من استخدام الصراف الالكتروني انتيه
اما سؤالك عن فنق بان باسفيك فلا اعرف عنه شي
اما هوليدي ان بيننانق للمعلوميه يوجد فيه برجان احدهما على البحر وهو الاصغر وفيه اللبي والمسبح والشاطي وهو صغير كما ذكرت
والبرج الاخر يقع في الجهه المقابله خلف الشارعه ويربط بينهما جسر وانا لا انصحك فيه
يوجد فندق بنفس الدرجه اربع نجوم لكن افضل من الهوليدي وارخص كذلك وفيه مطعم من افضل المطاعم في تللك المنطقه تصدق حتى فول الجره موجود فيه مع الافطار والشاطي كبير وجميل وفيه عدد كبير من الالعاب المائيه وجدا مريح لايفوتك ( فندف بفيو بيتش )
تروح اوترجع بالسلامه والسعاده
.

شكرا اخي الماس واخي الفص واخي الفاهم والله يعطيكم الف الف عافيه

شف الله يسلمك انا قبل ما اروح لماليزيا عملت التالي
اخذت معاي 500 دولار وكذلك 1000 رنجت ماليزي . وباقي المبلغ حطيته بحسابي وقمت اسحب كل فترة من مكينة الصراف ..
نصيحة لا تحاول تحط مبلغ كبير معاك طول وجودك بماليزيا . وكذالك لاتنسة تطلع بطاقة فيزا او ماستر كارد سبحان الله قد تحتاجها بعض الأحيان

ما ابغى ازيد على الاخوان لكن وجهة نظر خاصه اذا كنت دافع اجار السكن من هنا فانا افضل ان تاخذ معك كاش دولارات من فئة 100 حيث انها صغيرة الحجم وانا كل مار حت احسب لكل يوم مصروف مائة دولار تصرفها من الفندق قبل ما تطلع للتمشيه والباقي بالسوفتي بكس وهذه الحسبه قابله للاخذ والرد حسب مكان التمشيه اللي بتروح له
وانصحك بان يكون في حسابك مبلغ لو حصل طارئ خير او شر لاقدر الله لكن الكاش افضل زي ما قال الشباب قدر ميزانيتك وحولها دولارات فئة 100 وتوكل على الحي القيوم
اخيرا احذر عند استخدام بطاقة الفيزا او الماستر كارد لان النصب هناك على ودنه وراح علي مبلغ العام الماضي بسبب ذلك رغم حرصي الشديد عند استخدامها فلم اكن استخدمها الا لتامين الفنادق وكانت كلها خمس نجوم
تروح وتجي بالسلامه ولاتنس التقرير المفصل بالصور