مبروك ياعريس أولا
ثانيا إنت ماشي عكس الناس ...
العرسان عادة يحبون الراحة والاستجمام وينتقون أريح وأسهل وسائل المواصلات وإنت ناوي تمشور العروس
بالعموم ياسيدي الفاضل كل المدن اللي ذكرتهم تقدر توصلهم بالسيارة ماعدا لنكاوي يابحرا يا جوا والمسافات كالتالي:
من كوالالمبور إلى:
سيلانجور من 20 - 30 دقيقة
كاميرون من 4 - 5 ساعات
بينانغ من 8 - 10 ساعات
أما إلى لنكاوي بالطائرة 50 دقيقة
ومن بينانغ إلى لنكاوي بالعبارة 2.5 - 3 ساعات وبالطائرة 40 دقيقة
بالتوفيق

السلام عليكم ورحمة الله وبركاته
طبعا لنكاوي هي اللي ماتقدر تروح لها بالسياره مباشره لازم طيران او عباره فييري
تقدر بالسياره او الباص من سيلانقور إلي بينانق ومن بينانق بالعباره او الطائره إلي لنكاوي وترجع من لنكاوي
إلي بينانق بالعباره او الطائره ومن بينانق إلي الكاميرون ومن الكاميرون إلي كوالالمبور بالسياره او الباص
وممكن بعد تروح من سيلانقور إلي الكاميرون ومن الكاميرون إلي بينانق بالسياره او الباص ومن بينانق إلي لنكاوي
بالعباره او الطائره ومن لنكاوي ترجع لبينانق بالعباره او الطائره ومن بينانق إلي كوالالمبور بالسياره او الباص
والأفضل عشان توفر علي نفسك قطع الطرق و تجرب الطائره والباص والعباره الفييري هو
من سيلانقور إلي لنكاوي بالطائره
ومن لنكاوي إلي بينانق بالعباره الفييري او الطائره وهو الأفضل والأريح
ومن بينانق إلي الكاميرون ومن الكاميرون إلي كوالالمبور بالباص او التاكسي
المسافه
من سيلانقور او كوالالمبور إلي بينانق بالسياره 4 ساعات ونصف تقريبا و بالطائره 50 دقيقه
ومن سيلانقور او كوالالمبور إلي الكاميرون تقريبا بالباص 4 ساعات ونفس الشي من الكاميرون إلي بينانق
السعر التقريبي
من سيلانقور او كوالالمبور إلي بينانق والعكس بالباص vip تقريبا من 60 إلي 75 رنقت تختلف من باص لباص
وبالتاكسي تقريبا من 400 إلي 500 رنقت ممكن تنقص شي بسيط
ومن سيلانقور او كوالالمبور او بينانق إلي الكاميرون والعكس بالباص vip تقريبا 35 رنقت
وبالتاكسي من 250 إلي 350 رنقت تزيد او تنقص قليلا
والعباره من لنكاوي إلي بينانق والعكس تقريبا 60 رنقت

خليلها
عفوا ذكرني أبو علي جزاه الله خيرا
نسيت أن أكتب من كوالالمبور (عن طريق الكاميرون) إلى بينانغ من 8 - 10 ساعات
بالتوفيق

و هذه معلومة قد تفيدك هي أن القيادة في ماليزيا على الجانب الأيمن هو الخط السريع بخلاف ما عندنا و السائق يجلس في المقعد على اليمين يعني قيادتهم عكس قيادتنا تماما و هذا ما قد يشكل لك مشكلة لو أردت القيادة بنفسك .

والله الطيران اريح لكم بكثير خصوصاً انكم عرسان ...

خليلها
ثانيا إنت ماشي عكس الناس ...
العرسان عادة يحبون الراحة والاستجمام وينتقون أريح وأسهل وسائل المواصلات وإنت ناوي تمشور العروس
بالعموم ياسيدي الفاضل كل المدن اللي ذكرتهم تقدر توصلهم بالسيارة ماعدا لنكاوي يابحرا يا جوا والمسافات كالتالي:
من كوالالمبور إلى:
سيلانجور من 20 - 30 دقيقة
كاميرون من 4 - 5 ساعات
بينانغ من 8 - 10 ساعات
أما إلى لنكاوي بالطائرة 50 دقيقة
ومن بينانغ إلى لنكاوي بالعبارة 2.5 - 3 ساعات وبالطائرة 40 دقيقة
بالتوفيق
اهلا وسهلا
والله انا بحب الطبيعة وقلت فرصة الطريق اشوف الطبيعه الحلوه واكيد مافيه ملل لان ماعندهم صحاري تجيب الكبت
الف شكر لك ولاحرمك ربي الاجر

بحار الشبكة
نفس بريطانيا !!!!
صراحة الطريقه هذه مزعجه لكني مع تاكسي الحمد لله !!
تحياتي لك والله يوفقك وين مارحت

1. مادامك فاهم في ماليزيا ، ودي أستغلك شوي

zazaz
طبعا لنكاوي هي اللي ماتقدر تروح لها بالسياره مباشره لازم طيران او عباره فييري
تقدر بالسياره او الباص من سيلانقور إلي بينانق ومن بينانق بالعباره او الطائره إلي لنكاوي وترجع من لنكاوي
إلي بينانق بالعباره او الطائره ومن بينانق إلي الكاميرون ومن الكاميرون إلي كوالالمبور بالسياره او الباص
وممكن بعد تروح من سيلانقور إلي الكاميرون ومن الكاميرون إلي بينانق بالسياره او الباص ومن بينانق إلي لنكاوي
بالعباره او الطائره ومن لنكاوي ترجع لبينانق بالعباره او الطائره ومن بينانق إلي كوالالمبور بالسياره او الباص
والأفضل عشان توفر علي نفسك قطع الطرق و تجرب الطائره والباص والعباره الفييري هو
من سيلانقور إلي لنكاوي بالطائره
ومن لنكاوي إلي بينانق بالعباره الفييري او الطائره وهو الأفضل والأريح
ومن بينانق إلي الكاميرون ومن الكاميرون إلي كوالالمبور بالباص او التاكسي
المسافه
من سيلانقور او كوالالمبور إلي بينانق بالسياره 4 ساعات ونصف تقريبا و بالطائره 50 دقيقه
ومن سيلانقور او كوالالمبور إلي الكاميرون تقريبا بالباص 4 ساعات ونفس الشي من الكاميرون إلي بينانق
السعر التقريبي
من سيلانقور او كوالالمبور إلي بينانق والعكس بالباص vip تقريبا من 60 إلي 75 رنقت تختلف من باص لباص
وبالتاكسي تقريبا من 400 إلي 500 رنقت ممكن تنقص شي بسيط
ومن سيلانقور او كوالالمبور او بينانق إلي الكاميرون والعكس بالباص vip تقريبا 35 رنقت
وبالتاكسي من 250 إلي 350 رنقت تزيد او تنقص قليلا
والعباره من لنكاوي إلي بينانق والعكس تقريبا 60 رنقت
اهلا وسهلا فيك يا خبير
باين عليك خبير بجد ماشاء الله ، الله لايحرمك الاجر ويسهل دربك في كل مكان .

مادامك فاهم في ماليزيا ، ودي أستغلك شوي

:
المعلومات التي اعطيتني كويسه جداا جدا لكن لوماعليك أمر أنا شوي تلخبطت (ههه) بالاضافة لانها اول زيارة لي لماليزيا ولسوء الحظ شهر عسل !!!! وماودي أتفشل قدام المدام خ ، انا شهر عسلي اسبوعين ، ماهي أفضل طريقة لتقسيمها على المدن الانفة الذكر ومن أين أبدأ ومن أين أنتهي . بمعني آخر ، كيف أوزع أيامي على المدن وماهي أول مدينه أزورها وثاني مدينه وثالث مدينه ....إلخ وكم المسافة بين كل مدينه . أيضا أبي منك لوتكرمت أفضل الاماكن للإقامة في كل مدينه من خلال تجربتك الثرية ، وماهي أهم الاماكن التي علي أن أزورها . أعرف كثير أني أثقلت عليك لكن والله محتار وأبي شخص فعلا يرسلمي خارطة طريق كاملة لاني جداا محتار ,اريد تجهيز شهر العسل بأسرع وقت ( العرس قريب )

عشنا و شفنا
حياك الله اخي عشنا و شفنا وجزاك الله خير
بالنسبه للجدول حسب كلامك اسبوعين يعني 14 ليله
انا بأعطيك افضل جدول متعارف عليه ومواصلات تجرب الطريق والطيران
ليلتين سيلانقور فندق الصن واي لاقون وإن حبيت ارخص فندق البيراميد بس الصن واي لاقون افضل بكثير
ثلاث ليال لنكاوي فندق الويستن او الدانا او البلانجي بيتش والأفضليه بالترتيب
ثلاث ليال بينانق فندق الراساسايانق او البارك رويال او القولدن ساندس
ليلتين الكاميرون هاي لاند فندق الكاميرون هاي لاند او الدي لا فيرنس
اربع ليال كوالالمبور إذا تبي تسكن قريب البرجين عندك فندق تريدرز غرفه مطله علي الحديقه والبرجين
او إن حبيت تسكن بشارع العرب قريب من الأسواق والمطاعم والسهر عندك فندق الويستن او الماريوت او رويال شولان
والتنقلات من سيلانقور إلي لنكاوي بالطيران المسافه تقريبا ساعه
ومن لنكاوي إلي بينانق بالطيران افضل المسافه 35 دقيقه او بالعباره الفييري ولا انصح فيها ابدا ماهو نظيف
وإذا امواج بيصير متعب والمسافه من ساعتين ونصف لثلاث ساعات
ومن بينانق للكاميرون ومن الكاميرون لكوالالمبور بالباص او تاكسي خاص تقريبا 4 ساعات كل مشوار
بالنسبه للأماكن السياحيه
بالنسبه لترتيب الزيارات شوف انت شوف الرابط تحت ومكتوب مواقع الأماكن اللي تستحق الزياره
وانا بأقولك أهم الأماكن وأكيد فيه غيرها الكثير وماهو لازم ترتبط بجدول معين خلها علي الفضاوه
في سيلانقور
ملاهي الصن واي لاقون المائيه والله يغفر الذنب كلها خلط ملط وسوق البيراميد هذي أهم مافي سيلانقور
وفيه الماينز لو عندك وقت زايد ولا هي خلاص ماعاد فيها مايستحق الزياره لو تروحون بوتراجايا افضل
لنكاوي
أهم شي رحلة المناقروف البحريه تحجزها من المطار او من نفس الفندق او من مرسي السفن
قارب خاص من 250 الي 300 رنقت تقريبا لمدة ثلاث الي اربع ساعات
وعندك في لنكاوي تلفريك لنكاوي وقريب منه شلالات الأبار السبعه الطلوع لها شوي متعب بس رياضه
وبعد عندك ميدان النسر وحديقة ليجندا والأسواق القريبه منه ممكن تروح له علي نهاية العصر وتشوف الغروب
وحديقة الفواكه وتاخذ جوله في المدينه لو حبيت
وقريب فندق البلانجي بيتش عالم تحت البحار ولو بتزور اللي بكوالالمبور فهو يكفي وافضل اقصد اللي بكوالالمبور
وفيه أماكن ثانيه مثل التماسيح وغيرها نصيحه انا أعتبرها مضيعة للوقت والمال فخلك بشاطئ الفندق وفعالياته افضل
وبالنسبه لبينانق
اهم شي في بينانق شاطئ الباتو فرنجي خلك فيه عصريا
من بعد صلاة العصر الي بعد صلاة المغرب كل الفعاليات والألعاب البحريه موجوده فيه ومسابح الفندق رهيبه
وفي الليل عندك السوق الليلي هو سوق عادي جدا لكن التمشيه بالشارع في الليل مش بطاله
وعندك في بينانق هضبة بينانق وفي طريقها فيه محل لبيع القهوه والشوكلاته السواق بيوديك اصلا لأن له عموله
وفي بينانق حدائق مثل الفراشات والتوابل والقرود لو انت من محبي الحدائق وفيه مجمع وسوق جيرني بلازا
قريب منه بيتزا هت ومطعم تشيليز وعندك مجمع كوينسبي بعيد من شاطئ الباتوفرنجي وجيرني بلازا يغني عنه
وفي بينانق بعد رحله بحريه لشاطئ القرود مع الغداء ورحلة المانقروف في لنكاوي تغني عن اللي ببينانق
ونصيحه محلات مثل الذهب والأقمشه مضيعة وقت ومال مالها داعي تروح لها وفي بينانق حديقة فواكه لو رحت بلنكاوي كفايه
بالنسبه للكاميرون
افضل شي الراحه في الطبيعه والجو الجميل وعندك مزرعة الفراوله والشاي والعسل والسوق الليلي
بسيط جدا واعتقد له ايام مخصصه ممكن تسأل عنه هناك
وبالنسبه لكوالالمبور
الأماكن كثير عندك اهم شي البرجين ومجمع سواريا وحديقة البرجين بعد العصر جميله جدا جدا
وفي نفس منطقة البرجين عالم تحت البحار لو مارحت للي بلنكاوي تروح له وهو افضل
وفي كوالالمبور شارع العرب في الليل أسواق ومطاعم ومقاهي وحركه ووناسه
وتخصص يوم لجينتنق من الصبح للمساء وعندك مجمع التايم سكوير يستحق الزياره سوق والعاب وفندق وعندك برج المناره
وبالنسبه للحدائق لو تحبها عندك حدائق الفراشات والطيور والزهو تروح لهم بنفس الوقت مع حديقة بردانا
وفيه ياطويل العمر حديقة الحيوان حلوه مش كبيره ولو بتروح لها تروح لشلالات تمبلر بارك مو بعيد مره منها
وهي شلالات مريحه الطلوع لها سهل مو متعب
وعندك منطقة بوتراجايا منطقة الحكومه الجديده لو عندك وقت فاضي ممكن تروح لها منطقه جميله وهادئه اغلبها مباني
حديثه حكوميه وفي الرجعه ممكن تنزل بمجمع الميدفالي ميقامول من اكبر المجمعات في آسيا
وعندك أفاموسا انا والله ماحبها ولكن ممكن تعجبك عروض كاوبوي وسفاري وحديقه بسيطه وعروض كثيره
يبي لها يوم كامل وهي خارج كوالالمبور بحدود ساعه ونص
وفيه اماكن كثيره اكيد اني ناسيها ولكن انا ذكرت الأهم
https://artravelers.com/p/re/452938