ولا واحد ؟ الموضوع من الساعه 8 ولا واحد رد ؟
والله لو واحد جاي وقايل مابي اجاوب على اسئلتك اهون علي
= (

ما أدري عن التذاكر ولا عن أوقات الملعب لكن على ما سمعت أن التذاكر في حدود 15 يورو وأوقات الزيارة صباحا في اليام اللي ما فيها مباريات
كل المحلات تقريبا تقبل الفيزا ونصيحة للطوارئ خذ معك فيزا أخرى للاحتياط يمكن تخرب عليك واحدة أو تضيع
المبلغ كافي وزيادة
نعم الضرائب على كل شي وإذا اشتريت من أي محل اسأله عن التاكس فري وبيعطيك نظامه لأن المحلات تختلف في نظامها ( يشترطون مبلغ معين في فاتورة واحدة )

اشكرك يا زمان .. انت الوحيد اللي قدرتني والله يجزاك خير الصراحه بس والله صعبه اكتب موضوع فيه استفسارات وفي منتدى مشهور من اقوى المنتديات العربيه المختصه بالسفر وواحد يرد علي .. مدري وش اقول اكثر ..
ماقصرت يا زمان وبيض الله وجهك ..

السؤال الرابع : انا قررت اخلي ميزانيتي للسفره 28 الف ريال .. 20 الف بالفيزا والباقي بخليه معي كاش .. هل تكفي الميزانيه طبعا مدة الجلوس في اسبانيا 11 يوم وراح يكون معدل صرفي تقريبا لكل يوم 140 يورو .. ؟؟
الميزانية كافيه لكن زود الكاش.. بعض المقاهي والمحلات البسيطة ماتقبل الكاش..محطات المترو والله ماذكر اني شفت فيها اجهزة فيزا..ماني متاكدة للاسف ..
و140 يورو بدون مواصلات وسكن ترا مبلغ كبير .. احنا شخصين وكنا نصرف 100 يورو او اقل باليوم الواحدالسؤال الخامس : هل كل شي اشتريه من اسبانيا .. ياخذون عليه ضرائب ولا لمبلغ معين ؟ ولو كنت ابي اخذ فلوس الضريبه يعني استرجعها كيف الطريقه ؟
كل المحلات تاخذ ضرايب.. انت اسال بالمحل عن التاكس فري مثلا محل c&a كانو يشترطون ان قيمة جميع الفواتير تكون فوق 90 يورو عشان يصدرون الورقة حقة الضرايب..فانا كنت اجمع الفواتير واوديها لهم..
وبالمطار روح بدري اذا تبي تسترجع فلوسك.. يعني 3 ونص ساعات قبل الطيارة عشان ماتتاخر على رحلتك
واسال عم موقع مكتب التاكس فري هو يسار بالزاوية الاخيرة في المطار ...
اتمنى اني افدتك اخي الكريم ..
دمت بود
مرايا

عطنا اللي بعده ^_^

مرايا مبعثرة
بخصوص الكاش كم يعني اخذ بالريال السعودي ؟ كم يبي لي عشان اكون في وضع سليم .. ؟؟
اما عن التاكس فري اي شي بشريه بسأل عنه .. بس ماظنتي بشري اشياء من هناك .. ان شريت بشتري اكل ومواصلات بس ..
مرايا .. يعطيك الف عافيه وماقصرتي يالغاليه ..

المستحيلة
هلا بالمبدعه
ليتك مجاوبه على اسئلتي هذي .. ودي اشوف رايك .. بالميزانيه والخرابيط هذي ..
طيب عندي لك سؤال يالمستحيله ..
انا باخذ بحجز بالقطار من عند مكتب سفريات بالشرقيه .. اذا عطاني ورقة الحجز وش اسوي اوريها لمحطة القطار عشان يعطوني التذكره الرسميه ولا على طول اركب بالتذكره المطبوعه ؟
تكفون ساعدوني تراني حايس جدا جدا وكل همي بهالسفره .. شايل هم كبير .... ..... .!!!

الاطخم
ليش المكتب
احجز من النت أفضل وإلا قارن السعر قبل تحجز