اعزائي مشاهدي شاشة منتديات العرب المسافرون
وبالتحديد بوابة السفر الى مانيلا
ابي اقولكم قصة رحلتي في 5/6/2008 مدتها اسبوع فقط
وكانت في مانيلا
يعني ما تعدينا ملاتي والوضع دوران في الشوارع وملاهي ستار ستي لان كان عندنا بزنس ...
المهم نبدا وعلى بركة الله ...
:x1:
يوم رجعنا من رحلتنا الولى اللي في 28/11/2007 الى 17/12/2007
جلسنا شهر وحنا نتذكر ونسولف عن رحلتنا
وفجأه خططنا نروح لها مره ثانيه بس نقعد اسبوع
وحجز خويي التذكره ب 3600 ريال ذهاب وعوده
طبعا حنا شخصين
اهو كان بيروح لاندونيسيا ومن اندونيسيا نتقابل في الفلبين
راح يسبقني بيوم ويرتب اموري
لاني راح اروح بلحالي وهناك لنا خوي فلبيني اسمه قذافي
وهذا قذافي شخصيته غريبه ومسليه صراحه
اهو فاكهة الفلبين اعتبره صراحه
واتمنى لكل شخص يروح للفلبين انه يتعرف عليه ....
المهم خويي قص التذاكر الالكترونيه وكان فيها نقص حرف من اسم العائلة
وانا سمعت انه في تدقيق في الاسماء لازم مطابقة بالحروف اللي في الجواز مع التكت
وانا حريص شوي
فرحت للمكتب اللي اهو الصرح للسفر وقلتلهم يعدلون اسمي
طبعا ركزو على هالنقطه ....
الهندي قال باسجل مسج في الجهاز بحيث اذا طقطقو اسمك بالكمبيوتر يلقون المسج انه اسمك هيك وهيك وهيك
وقلت اكوي يعني قصده مو لازم نغير التكت
فا خويي في اندونيسيا وبكره بيروح للفلبين
وانا طيارتي بكره
جهزت الشنطه وانطلقت للمطار الساعه 6 المغرب ورحلتي الساعه 8.30
طبعا بالخطوط الاماراتيه من الرياض لدبي
ووصلت لدبي وترانزيت 3 ساعات وفرفره بلحالي في السوق الحره ..
ونادو على اقلاع الطائره وطبعا التكت حقي ما حطو فيه رقم البوابه لانهم ما حددو وين بتكون
فشفت الفلبينيين في بوابة 7 وقمت ادور حولهم
وصار نقلو الطياره لبوابة 11 وادز لها قبل ما يهونون ....
وادور احد يشبهلي مافيه
طعا وقت امتحانات ودراسه ما عندك احد
وانا الشامة بينهم
شامة بيضا طبعا
هق هق هق
وطبعا انا كنت مميز معهم تدرون ليش ؟
لان شكلي واحد عمره 16 او 17
يعني اشباهي صغيره ولانيب طويل ولانيب قصير يعني ماشي معهم وهم مستغربين من هالصغير اللي ما معه احد
هق هق هق هق
ركبت الطياره وسرينا لمانيلا 8 ساعات ووصلنا بالسلامه الى المطار ..
:x1: :x1::x1::x1::x1:
طبعا تصفيق الفلبينيين يوم وقعت الطياره
وانزل وخويي قام يدقدق علي
طبعا وصلنا الساعه 4 العصر عندهم
وعندكم هنا 11 الصبح
واسقبلني خويي مع القذافي وكانو حاجزين لي الغرفه في فندق اليوروتيل
رحنا للفندق وريحنا شوي وطلعنا نتمشى ونتعشى ورجعنا وكملنا نومتنا في الفندق
اليوم الثاني قاللي خويي البس اللبس اللي فصلتاه
طبعا انا مفصل بدله رسميه غريبه
محد يلقاها او يقدر يخترع تفصيلها جكيت وحركات والقميص اهو المميز فيه
ودخلنا لروبنسون مول اللي مقابلنا طبعا في ملاتي ..
خويي جنبي والقذافي في الجنب الاخر
والفلبينيين عينهم علي
وهذا يكلم وهذا ياشرلي ويقول شف طال عمرك وشف طال عمرك
قلت بس هذا وجهي لا رجعت لديرتنا سالم بيغتالوننا
هق هق هق
وصار يوخر فلان وفلتان ويقوللي تفضل وحنا طالعين من السوبر ماركت وبنحاسب كان فيه زحمه
بدونا عليهم وحاسبنا وخلينا الباقي لهم
وطلعنا بسلام وعيونهم علي وبصراحة خفت
المهم ورحنا المغرب لستار ستي
ولعبت بالالعاب الخطره اللي كنت خايف منها في رحلتي السابقة طبعا
وحطو العاب جديده وصراخ وصياح وطراش وانتم بكرامه وهاله صعبه
هق هق هق
رجعنا لفندقنا وكملنا سهرتنا
واليوم اللي بعده تقابلنا مع واحد اردني له 25 سنه عايش في الفلبين وقلناله عن التجاره وافادنا وما قصر معنا وراح يساعدنا في روحتنا الجايه انشالله
وفي اليوم التالي
رحنا نتمشى في مكاتي وركبت جيب جنب السواق
الى السواق اسباهه عربيه
سالنا انتم سعوديين
قلنا ايه نعم
قلنا وانت شكلك سعودي
قال اي والله ولي 7 سنوات هنا
قلناله تشتغل مع الكاده
قال لا هذا ملكي شريته مع واحد ثاني سعودي وواحد فلبيني من اخوياهم في السعوديه
طبعا اهو من اهل الرياض
كانت عنده مشكله مع اهله وطلع وسافر للفلبين وشرا هالجيب من فكرة خويهم الفلبيني
وقيمة الجيب ب 35 الف ريال ويقول مستانسين وعايشين حياتنا معهم والربح في هالجيب حلو
بس العيب فيه البنزين غالي عندهم اللتر ب 4 ريال
الحمدلله على النعمه اللي حنا فيها
المهم ورحنا وخليناه يكمل شغله بعد ما وصلنا لموقع في مكاتي
وقمنا نمشي ونتمشى ونهجول لين تعبنا ورجعنا للفندق وريحنا
جا موعد رحلتنا رتبنا الاغراض وحفله صغيره جمعنا فيها مدير الجمارك في المطار واسمه عبدالغني
ومصطفى الاردني كان ساكن حولنا في ملاتي والاصدقاء اللي تعرفنا عليهم هناك
قاتوه وكيك و طرطه وحلا وما لذ وطاب من الماكولات العربيه والرز حقهم الناشف الابيض ..
رحنا للمطار ما اتذكر الوقت بالضبط بس طيارتنا الساعه 12 الليل
اتوقع كنا في المطار الساعه 10
رحنا مع مدير الجمارك اللي دخلنا على طول والعالم صافين طوابير مساكين
ومشونا بس وقفونا
وقالولنا شي
ان رحلت خويي من مانيلا دبي دبي الرياض اوكي
بس انا مانيلا دبي اوكي بس دبي الرياض بلط
هق هق هق
ونحاول يمين يسار
قالو مكنسله
قال خويي وش سويته انت
قلت رحت ابي اعدل اسمي وقال باحط مسج واظاهر انه ظغط زر اللي كنسل ام الرجعه من دبي للرياض
يا ربيه
يا هالبلشه
والمشكله الحجز فل
مافيه الا انك تخيس في دبي 5 ايام
وحنا صرفنا كل شي في مانيلا
يعني ما حولنا ميزانيه
كل فلوسنا في الرياض وبطايقنا الصرافه في الرياض
يعني بلط
المهم قالولنا مالكم الا تروحون وتحاولون اذا وصلتو لمطار دبي تدورونكم حجز انتظار والزين انه مقعد واحد
عاد انا قلت راكب راكب لو اقعد في كرسي النظيفات مالي شغل او اقعد في حضن خويي
هق هق هق
لاني باروح اجلد هالهندي اللي وهقني حسبي الله عليه
اشوا ان رحلة مانيلا دبي اوكي والا كان رحنا وطي
لان مانيلا دبي مافيها حجز الا بعد 15 يووم
هق هق هق هق
رحنا لدبي وشفنا واحد فلبيني سولفنا معه وعلمنا وين رحنا في مانيلا وشوقناه لها شكله مبطي ما راح لديرته
قال خلاص ابشرو باظبطكم
بس قال تعالو قبل الرحلة ب 5 دقايق
قلنا اوكي انشالله يكون في واحد يتعور ولا يروح
هق هق هق
او ارجع انا بتكسي
المهم والترانزيت في المطار
وتسدح في ارض المطار
لين باقي على الرحله 5 دقايق وانطلقنا لهم
والحمدلله لقو حجز عند ذنب الطياره
هق هق هق
فقومنا واحد بلحاله وجلسناه مكان خويي وجلس خويي جنبي
وخذ ضحك علي
ويقول ياخي وهقتنا ومن هالنكت الحلوه ********> احب المزح واتقبله
ووصلنا بسلام وحنا ما امدانا نكمل وجبة الطياره على طول وصلو
شكل السواق حسران يبي الحمام
هق هق هق
والحمدلله وقعت الطياره وهي تحذف يمين يسار >> يطالع الشاشه
هق هق هق
من حماسي قمت بغيت اروح الف الطاره
هق هق هق
ونزلنا وركبنا مع اخو خويي لشقت خوينا اللي راح معنا المره الاولى
ثم رحت للبيت وسلمت على الاهل
ونمت
ومن بكره الصبح
صبحت على الصرح للسياحه
واشرشح هالهندي اللي بغا يوهقني
قلت تخيل انها مكنسله من مانيلا دبي
ثم وش اسوي منت نافعني
وقام يتاسف ومدري ايش وانا ما ودي يكون لي يد في قطع رزقه وخليته
واهم شي بردت فلبي فيه ...
هق هق هق
انشالله تعجبكم هالقصه البسيطه
تقبلو تحيات محدثكم
filippina heart
مع السلام عليكم