بنوته بحرينية
19-12-2022 - 03:13 pm
السلام عليكم ورحمة الله و بركاتة
انشا الله تتقبلون اول مشاركة لي في المنتدى الي حبيتة وايد
بس انا ابيكم تعطوني رايكم من خلال خبرتكم بليز انا مسافرة انشا الله ماليزيا و سويت لي بكج كامل بس بغيت رايكم:
اول شي في كوالالمبور باروح:
شيراتون امبيريال ..... يقولون صوب السوق ..... باقعد فيها 3 ليلات
وبعدين باروح جنتينق باروح فندق اسمة جنتينق هاي لند باقعد اهناك ليلتين بس
وبعدين سلانقور باسكن في سان وي لاقون و بعد باتم ليلتين بس
وعقب باروح ملاكا باسكن في فندق اسمة فاموس ريسورت 3 ليلات .... والله يمدحون الديرة
وبعدين باروح مطار كوالالمبور و باطير الى بينينق وباسكن في فندق اسمة بافيو بيج سيورتوباقعد فيها 3 ليالي ..... خبركم انا احب البحر وايد ههه
وعقب باطلع من بينينق و باروح لانقاوي طبعا في باخرة انشا الله مايدور راسي بس:ill_h4h: ...... وباقعد فيها 3 ليالي بعد و بعدين باتجه للبحرين
المهم يا اخوان انا طولت عليكم وايد بس رجاءً نصايحكم لي بليز لاني اول مرة اروح ماليزيا و ما ادري اذا الفنادق جريبة من السوق اولا ....... بليز نصايحكم و اكون شاكرة لكم
باي باي
ودمتي سالمة يا رب