من قال انه واقع اليم ؟؟
بالعكس هذا نتجية حتمية لبرنامج ابتعاث فتح على مصراعية لمن هب ودب دون مراعاة ضوابط حقيقية او حاجات عملية سواء على مستوى الوطن او سوق العمل,
برنامج الابتعاث وجد واستمر تلبية لضغوط خارجية بحتة

لا واقع اليم ولاشى....فلها بس ارجع بشهاده....اجل تبيه يحبس نفسه ويصوم عن الاكل ؟

والله هذا شيء بسيط من الي شفته من السعوديين ، انا صراحه صرت اخجل بعض الاحيان اقول اني سعودي ، بسبب اخلاق السعوديين هنا
تصدقون يااخوان قابلت واحد عايش هنا ويقول اصيع الشباب الي شفتهم هم السعوديين (بدون تعميم)
ولا تصدق يا بعد قليل .. سألني مكسيكي قبل اسبوع قال : ليش السعوديين يحبون الجنس بهذا الشكل ؟
للأسف الشديد بعض المبتعثين السعوديين قدموا صوره سيئه عن دينهم وبلدهم ، ومثل ماقال اخونا https://artravelers.com ان الخطأ من برنامج الابتعاث الي يرسل الطلاب بلا حسيب ولا رقيب ولا أي ضوابط اخرى
الله يهديهم ويهدينا ويهدي الجميع

mbc54321
الشفق الاحمر ::: اتفق معك فيما ذكرت .

اسفة بس بقول وجهه نظري اول شي لا واقع اليم ولا شي بالعكس اغلبية الطلبة والنعم فيهم وانا عرفت وايد من دول الخليج والنعم فيهم يعني احنا ما نقدر نقول الكل لان هذيل ما يمثلون الا اقلية حيل بسيطة وثاني شي مو معقولة ان الواحد طول الاسبوع جامعة بيت والعكس يعني الواحد يونس عمره شوي في اللي يرضاه ربنا وارد اكرر انهم اقلية ومايمثلون اي نسبة .

q8ya metnaqla
احترم وجهة نظرك واخالفك في بعضها وهي ان الاغلب هناك لا يحقق الهدف ولا يجيد اللغة بشكل جيد ،،، بل الكثير يذهب ويضيع وقته هناك بما لا ينفع وهناك القليل ممن يجيد التحدث الجيد للغة .
وهنا اسأل اي شخص يقرأ هذه السطور كم شخص تعرفه ذهب هناك ويتحدث الانجليزية بشكل رائع لا سيما انه ذهب لدولة يتحدث اهلا الانجليزية ويخالطهم وجميع الظروف مهيأة له .

بعد قليل
لاشك انه هناك طلبه مجتهدون ولكن اقسم بالله كان هناك اخ يدرس الماجستير وكان في ورطه وطلب منا ان نتصل بمالك البيت والتفاهم معه , الورطه كانت انه طالب الماجستير لم يفهم ماهو مكتوب بعقد الايجار ووقع عليه والان هو مهدد بالطرد , عند سؤالي له كيف يتدبر امور الدراسه بالجامعه قال لي جامعتي سهله وكلها بحوث وماعلي الا ان اختار البحوث الجاهزه واقدمها .