- الى وين أكيد يا ولد بيطلعني على الدرجة الاولى...
- الحاصل انا قمت وقلت لزوجتي شيلي شنطتك وانا شلت الشنطة الثانية
- محدثكم : وش السالفة تقدمني وأشيل شنطي وما أمداني أقعد وتقولي ارجع ؟
- المضيف خالد: لو سمحت ترجع أول ما نوصل
- محدثكم : الاسم الكامل لو سمحت ؟
- المضيف خالد: بعدين تعرف
انا صراحة من الناس اللي يفضل السفر على غير الخطوط السعودية ولكن ...
وش اللي حدك على المر إلا اللي أمر منه ,,,
لو انها مو مباشر كان ما قبلنا عليه ولا نبيها...
انا حجزت على الخطوط السعودية لشخصين للسفر من الرياض _ جاكرتا (ذهاب وعودة الدرجة السياحية)
لما صعدنا الطائرة توجهت انا وزوجتي لمقاعدنا وجلسنا بها حتى اقلعت الطائرة متوجهة الى سنغافوره اولا ومن ثم الرياض
وقبل وصولنا سنغافورة بربع ساعة تقريبا جاءني أحد المضيفين وسلم علي وصافحني بحرارة وبعدها قال لي هل معك أحد قلت نعم زوجتي قال هل معك شنط قلت نعم شنطتين قال تفضل معي ومشى أمامي !!!
الى وين أكيد يا ولد بيطلعني على الدرجة الاولى...
الحاصل انا قمت وقلت لزوجتي شيلي شنطتك وانا شلت الشنطة الثانية
مشيت حتى آخر الممر الفاصل بين الدرجتين الاولى والسياحية وهناك وجهني المضيف خالد إلى المقعدين الموجودين على يسار الطائرة ولم يكن متواجد في المقاعد الباقية لي سوى مضيفين فقط وكان عددهم اربعة تقريبا وعندما وجهني رأيت مضيفا آخر ينادي عليه فذهب له !!!
ما امداني اجلس انا وزجتي إلا والرجال مسمر فوق راسي ...
المضيف خالد : معك اثبات العمل ؟
محدثكم: وش تبي في إثبات العمل ؟
المضيف خالد: أبي أطلع عليه!!
محدثكم: إثبات العمل مو معاي.
المضيف خالد: وين تعمل أنت ؟
محدثكم : انا اعمل في قطاع حكومي
المضيف خالد: أي قطاع حكومي؟
محدثكم : انا أعمل في ......... .
المضيف خالد: أجل ما عليش لعلك ترجع لمكانك حصل لبس في الموضوع أنا كنت احسبك موظف معنا بالخطوط السعودية لاني رقم مقعدك مسجل بأنه لراكب من موظفي الخطوط السعودية
محدثكم : طيب
المضيف خالد : ( طبعا لما رأى مني السمع والطاعة ) بس الحين خلك جالس هنا ولما نوقف في سنغافورة ترجع ومشى بعدها
علامات استفهام كثيرة بدأت تجول براسي
انا صراحة تنرفزت من التصرف السخيف هذا وقمت بمناداة المضيفة المتواجدة بالقرب مني وطلبت منها أن تنادي المضيف خالد لأتحدث معه فوافقت وذهبت لمناداته ...
أثناء ذلك قدم شخص مع زوجته الذين كانو في الدرجة السياحية وجلسو أيضا في المقاعد الموازية لنا في الجهة اليمنى
جاء خالد .........
محدثكم : وش السالفة تقدمني وأشيل شنطي وما أمداني أقعد وتقولي ارجع ؟
المضيف خالد: لو سمحت ترجع أول ما نوصل
محدثكم : الحين تقومني من محلي وأشيل شنطي وبالسهولة هذي تقول ارجع تراها والله مو زينه في حقكم ولا هي زينه ارجع بشنطي قدام خلق الله واجلس في محلي ثانيه المفروض تحققت من شخصيتي قبل ما تقومني من مقعدي هناك ؟
المضيف خالد: ما فيها شي عادي لا إحراج ولا شي وشنطك اذا ما تبي تشيلها أنا أشيلها لك
محدثكم : مو القضية الشنط بس القضية أني كنت جالس ومرتاح وعاز نفسي وما طلبت منكم شي أقل شي يجي منكم تصرف أحسن من كذا .
المضيف خالد: الغلط شخصي وأنا أتحمله شخصيا ولا تحمل الخطوط السعودية أي شي
محدثكم:بس الموقف بالنسبة لي مو بسيط وأعتبره ليس من الاحترام بشي
المضيف خالد: ( طبعا يبي يصيد علي أي شي) انا مو محترم بس ما عليش تفضل اول ما نوصل لمكانك
محدثكم: انا ما قلت انك غير محترم لا تفهم غلط أنا قلت التصرف لا ينم عن احترام للراكب
المضيف خالد: انت انسان ...... والمفروض ما تقول هل الكلام
محدثكم : وانتم خطوط وطنية المفروض ما تجي منكم على التصرفات مع الركاب وانا ما اسمح بحدوث هالتصرف معي ومو ساكت على اللي صار
المضيف خالد بكل سوء أدب ) أجيب الحين ورقة وقلم واكتب اللي انت تبي وأحنا نوصل شكواك ثم مشى
بعدها توقفت الطائرة في سنغافورة وقلت لزوجتي اصبري شوي ما دريت الا هالمرتز فوقي تقول كاني ماله شغلة الا أنا
المضيف خالد: تفضل لمقعدك
محدثكم : طيب لكنك بتخليني في موقف في قمة الإحراج أمام الركاب
قمت وأخذت شنطي ومررت عليه عند بوابة الطائرة ودار بيننا الحديث التالي ..
محدثكم : الاسم الكريم؟
المضيف خالد: خالد
محدثكم : خالد مين؟
المضيف خالد: مو لازم تعرف
محدثكم: قلت الا لازم أعرف من أنا اتحدث معه؟
المضيف خالد: خالد بن علي
محدثكم : الاسم الكامل لو سمحت ؟
المضيف خالد: بعدين تعرف
طبعا أنا احترمت نفسي ومشيت لمكاني في الدرجة السياحية والناس ما غير تشوفني وتقول وش سالفته رجع لمحله يوم جيت اجلس بمكاني والا ألقى المكان موجودة به أغرض الذي خلفي قام مشكورا بالاعتذار مني وأخذ أغراضه وجلست
ما أمداني اجلس الا والكابتن يطلب من الجميع النزول بجميع أغراضهم إلى المطار والاتنظار ساعة كاملة وذلك لتفتيش الطائرة
طبعا كان بإمكان المضيف خالد بن علي أن يطلب مني النزول مباشرة إلى المطار من غير أن أرجع لمكاني الأول لكي لا أحرج ومنها مراعاة مشاعرنا ولكن هذا ما حصل منه
هذا باختصار كل ما حدث لي في رحلة العودة من جاكرتا الى الرياض
السؤال اللي حاب اطرحه لو كنت مكاني وش بيكون ردة فعلك ؟
اول حاجه الحمدالله على السلامه ياابوليان.
بس ما اقول الا الله يعينك. صدقني انا ماجربت بس اتوقع ان الشكوى ماراح تسوي شي.
اهم شي بردت حرتك فيه.
لو انا محلك كان هزات فيه قدام الركاب وقعد امصخر فيه.عشان يعرف مستواه هاالغبي. وعشان يحس بطعم الااحراج ياالغالي.شوف بقولك موضوع صار لواحد من ابناء عمي كويتي "طلع على طيران الخطوط الكويتيه من الكويت الى جده. يقول ان فيه مضيف كويتي مسول عن خدمتهم في الدرجه السياحيه "اذا ما كنت غلطان" يقول المضيف هذا كان شايف نفسه ......يتكلم من طرف خشمه.ولا معبر احد.ولدعمي يقول مر المضيف هو يدف العربانه حقت الاالكل.....ومن سواء حظه ان ولدعمي كان في اول الصف يعني لازم يعطيه اول واحد"....
ودار الحوار هذا: "اسمح راح اكتب الحوار بلهجتنا"
المضيف: وش تاكل
ولدعمي: وش عندكم من اكل.
المضيف: معصب "دجاج +لحم او سمك او حاجه ثانيه"
ولدعمي: ابي دجاج "على اما اظن قال لي انه طلب دجاج. المهم انه طلب"
المضيف: طيب.......ونزل يده تحت عشان يسحب الطلب من العربانه .بس سحبه بقوه. حتى ان احد علب العصائر اللي فوق طاح على ولد عمي........."ولدعمي هنا يقول جت من الله"
ولدعمي: شفيك ما تشوف
المضيف: لا ما اشوف وش عندك.
المهم قام ولدعمي وسفل فيه قدام الركاب اللي في الطياره. وقاله كلام والله ما ينقل وبغى يطقه. بس والله لو ما تدخلوا بعض الركاب "جزاهم الله خير" كان سوالنا مصيبه....
بس صدقني الشخص اللي غير محترم......ودك ادق خشمه سواء في الطياره او غيرهأ.
بس ما شاء الله عليك شكلك سمح واسلوبك راقي. وهذا ان دل فهو يدل على انك تحب ان تكبر عقلك في مثل هذه الامور.
تحياتي لك