- ونرجع من مطار ميونخ ان شاء الله عالدوحة في 20 يوليو
السلام عليكم
جزا الله خير الجزاء كل من يقوم على هالمنتدى وجعله في ميزان حسناتكم يارب
والله اني اغبطكم على الاجر اللي عند ربي جزا من تساعدونهم بدون مقابل الا ابتغاء وجه الله تعالى
واني مستحية واحس اني بثقل عليكم بس اني احب استشير الغير دامهم مجربين اكيد انكم افهم منا
هذا برنامج السفر وياليت تشوفونه اذا زين او لا
وعددنا تبارك الرحمن 7 اشخاص 4 بالغين و3اطفال
نسافر يوم 1يوليو من مطار الدوحة لين مطار زيورخ في سويسرا
نقعد اول شى انترلاكن 6 ليالي
زيورخ 3ليالي
بادن بادن 5 ليالي
وميونخ 5ليالي
ونرجع من مطار ميونخ ان شاء الله عالدوحة في 20 يوليو
وبالنسبة ليش خليت انترلاكن قبل زيورخ لان لما نرجع نروح بادن بادن تكون زيورخ اقرب فخليتها هي المحطة اللي قبل بادن بادن باذن الله تعالى
وعن السكن ادري اني متاخرة واجد بس اللي ماخرني اني ابغي شقق واحترت قلت بخلي السفريات هم يحجزون لي بس يقولون احنا نتعامل مع الفنادق بس وانا مابغي فندق لان معاي عيال صغار ماشاء الله وعن تجربتي السنة اللي راحت في النمسا وميونخ كانت احلى تجربة في شقق كابرون والباقي كانت فنادق وغالبا الغرف تكون بعيدة شوي
وانا عملت بحث بس لاني ادور شى في مكان هادي وله اطلالة عالبحيرة او نهر في الثلاث مناطق الاولى فللحين ماوصلت لشى والله يعين واتمنى من الله انه ييسر لنا ثم مساعدتكم اللي متاكده انكم ماراح تقصرون فيها ووجهكم ابيض ان شاء الله
وللعلم مامعنا سيارة خاصة بنا لكن بناجر سيارة بسايق وادري انها مكلفة بس بو العيال مب راضي يسوق مع انه العام اخذ رخصة دولية وحفظت له الاحداثيات كلها على الجارمن لكن في سايق هناك خلاه يغير رايه تماما وهو متردد فقال مستحيل اخرب وناستنا باخطاء ومعانا الصغار وانا خليته على راحته
وجزاكم الله خير الجزاء
ام عبدالله
المخطط ممتاز على توزيع الايام ،،
هذا موقع شقق على http://www.interlaken.ch/unterkunft/apartments.html?L=3 مستوى مدينة انترلاكن وما حولها من قرى ، ويتم الحجز عن طريق المراسلة بالايميل ، والدفع بواسطة حوالة ، أو كاش حال الوصول حسب تعليمات صاحب الشقة.