1. ليش تكلمت عن الموضوع :

السلام عليكم
كيف الحلوين .... انشالله مبسوطين
المهم يا بشوات انا هخش في الموضوع دغري ( يعني مالكومش بالطويلة)
الاخوان والاخوات هنا ماشاء الله ما خلو شي ما كتبو عنه لدرجة اني احس ان المنتدى هنا فيه معلومات تهم السائح اكثر من بعض المواقع الرسمية بدون مبالغة .
لكن ( الزبدة دايما تجي بعد لكن هذي)
الموضوع الصغيرون الي ودك انه يكون موجود او يتكلم عنه احد هو :
شرح انظمة القيادة في المدن الي بصراحة تختلف عن الارياف وفيه شغلات اساسيه لازم نكون عارفينها قبل ما نطلع من هنا ونسوق هناك ونعفس ام الدنيا

ليش تكلمت عن الموضوع :

العام الماضي في رحلة عمل الى سويسرا خطفنا كم يوم من المدة واستاجرنا من انترلاكن سيارة وفلينا امها في في المناطق الي حولها انا وزميل لي ... المهم السنه هذي ذهب هذا الزميل نفسة بشحمة ولحمة واستأجر من جنيف وياليته ما سوى ( والعهدة على الراوي) يقول ان هناك الشغلة مختلفة جذريا وساق اعتمادا على مقولة لا تخافون من السواقه ترا نضامنا مثل نظامهم بس التزمو .. الي رفع ضغطة شلون التزم وانا مدري وش السالفة... المهم يقول انه حاس الدنيا هناك .. وفي الاخر قالي لا تستاجر هناك الا اذا فهمت هذي النقاط من اي احد خبرة والا السويس باس يمدحونها
المواقف الي جاب فيها العيد هذا الزميل المسكين انا بكتبها بصيغة اسئلة وهي اغلبها اسئلة فنية :
س1: عند التقاطعات في حالة الرغبة في الاتجاه يسار ليش الناس يجون مجلعدين من الجهه الثانية مع ان اشارتي خضراء ؟
س2: بالنسبة لليو تيرن من عند الاشارة هل له نظام معين ؟
س3:اذا بغى الواحد يلف يمين هل لازم تكون الاشارة خضرا والا يدرعم مثل عندنا ولا يلفت للاشارة ؟
سٍ4 : الحين هذا الترام ومساراته على الارض هل فيه اسلوب معين نتعامل معاه فيه والا نعتبرة زية زي اي باص ماشي في الشارع يعني عادي امشي على مسارة سواء قدامة او خلفة لان صراحة الترام نرفز ه عالاخر ؟
س5: السؤال الاخير العلامات الي على الارض ياريت لو احد يتكلم عن الاشياء المهمة فيها يعني ايش الاساسيات الي تشوفونها ضرورية و لازم يعرفها الواحد؟
بعد الاجابة على هذي الاسئلة هل ما يذكر هنا في سويسرا ينطبق على
باقي الدول المجاورة مثل فرنسا و المانيا
شباب نبي التفاعل والموضوع بصراحة مهم انا ناوي استاجر و ازور مدن مختلفة . ومعرفة هذي المعلومات او غيرها راح تسهل المهمة خصوصا الي اول مرة يسوق بمدن اما المناطق الريفية ما عندي مشكلة