1. قابلته وشفت الأوراق بعيني ...وسألته وش معنى أنا ؟


2. الصور وصور الجوازات والابليكيشن منتهي موضوعهم


3. بعدخسارة مايقارب 150 ريال في التكاسي بيوم واحد ماقدرنا نحصل ع الاوراق


4. المهم بعد بحث دام ثلاث ساعات ماقدرت اوصل لنتيجه بخصوص المستشفى


5. دام انه يآخذ وقت


6. وتي تي تي تي مثل مارحتي جيتي

السلام عليكم ورحمة الله وبركاته
بهالمناسبه الطيبه احب ابارك و أهنئكم بقرب حلول شهر رمضان الكريم والله يبلغكم الشهر ويتقبل منا ومنكم صالح الأعمال إنه سميع مجيب
::
بعد جهد وعناء وتنقل مابين قوقل والمنتديات مالقيت أفضل من هالمنتدى اصارحه بمشكلتي هل هي مشكله او انا مكبر الموضوع شوي
سائلا مو المولى ثم منكم مساعدتي
المسلسل الباريسي بدآ من اتصال هاتفي :
الو:
السلام عليكم< وعليكم السلام
كفيك محمد .؟< بخير
وش أخبارك وش أخبار شآيبك وعجزوك .؟ < ماعليهم مبسوطين
فاضي .؟< ليش وش عندك .؟
بنطلع باريس< ههه مرتن وحده .. نطلع وليش لا (أجاريه)
وصلت برقيه بالموافقة على علاجي بفرنسا....... بنبرة صوت عاليه< طبعا سكت شوي مصدوم ومو متوقع ...الرجال بعيد عن شاربه الكذب وعارف انه أصيب خلال أداء الواجب بعمله< السالفة ع التلفون ماتنفع ضروري أقابلك
وهو كذلك
انتهت المكالمة وأنا مابين مصدق ومكذب ............ياخوان حتى بالحلم مافكرت إني اطلع بيروت وش عاد فرنسا

قابلته وشفت الأوراق بعيني ...وسألته وش معنى أنا ؟

رد علي بديمقراطيه ...يآبن الحلال أنت عارف معي خامس ابتدائي وليلي ولو أروح لحالي مارجعت وأنا ماكلمتك إلا وعارف انك إنسان لا شغله ولا عمله و متعلم وعندك لغه < طبعا اللغه اللي يقصدها دارسه بمعهد دبلوم انجليزي حصلت على الشهادة تقديرا لخدماتي في توصيل أعضاء ومنسوبي المعهد بسيارتي الخاصة
بحكم القرابة والعلاقة الخاصة اللي بينا غصبا عني اقبل لو علاجه في تل آبيب
من هنآ بدت الأحداث
كل ما اعرفه انه عشان تخش فرنسا تحتاج تأشيره
المهم طلعنا للرياض .. وشايلين معنا كل مايلزم خلاص قلنا مو راجعين إلا بعد ما يرجع خوينا مثل الغزال
وصلنا في الليل و من فجة الضو في السفارات وبرمه ورا برمه لين ماطلعنا مقر السفارة الفرنسية
ونلقى سكيورتي ع البوابة وأحاول اكلمه انجليزي طلع يتكلم عربي أحسن مني قلت نبي نطلع تأشيرات أعطاني ورقه عبارة عن خريطه لموقع يقول هناك تطلع التأشيرات ونوقف اقرب تاكسي لا بعد نقول له أسرع عشان نقدر نطلع التأشيرات قبل الظهر ههه وصلنا للمكان ونلقى واحدن والله العالم انه هندي قلت طبعا بالانجليش نبي فيزا لفرنسا ويمد علي ورقه فيها الشرووط ..... بسم الله وتبدأ الشرووط :

• تعبئة الطلب
• صور من الجواز
• صورتين 4*6مكشوف الرأس خلفيه بيضآء
• تعريف من العمل
• مقدار راتب
• التقارير الطبيه
• حجر من مستشفى او عياده
• تذاكر طيران ذهاب واياب
• تأمين

ويوم عرف إني مرافق زود الشروط حبتين

• حجز فندق
• ورقه من العمده تثبت إني متسبب ههه ورآنا ورآنا ياعمده حتى مع الخواجات

زيادة على ذلك يقول بعد ما تقدم الأوراق كاملة تأخذ لها من 15 ل 20 يوم
طلعنا من عندهم وصاحب الشأن يقول وش هالشروط الي تهد حمل البعير وتكسر الظهر ماني متعالج خلاص برضى بعاهتي
طبعا أنا انقهرت وولعت أولا من تعقيد الأمور وهسترتنا طالعين ع البركة ماندري وش السالفة وثانيا وعلى حركه المسئولين الجاهلين في جهة العمل في المنطقة إلي نتبع لها اللي قالوا خذوا الخطاب ودايركت للسفارة .
رجعنا ع الشقة و صاحب الشأن قفلت بلوف مخه يبي يرجع لديرتنا مالومه امر بالعلااج بمخباته وهالتعقيد كله .؟ قلت قوم اضبط لنا الدله والبراد واترك الباقي علي
وشغلت القفل المصدي براسي واعلق الورقه الي فيها الشروط قدامي ورتبتها من اسهل لأصعب < تفكير بدآئي ههه

الصور وصور الجوازات والابليكيشن منتهي موضوعهم

بقى علينا التعريف من العمل ومقدار الراتب < وهذا صعب جدا لو رجعنا 1400 كم عشان هالورقه.. بعد تفكير طويل قررنا نستغل الامر الي معنا ونروح للدائره الرئيسيه المسؤله وفعلا باليوم الثاني رحنا وخلصنا من التعريف ومقدار الراتب وقفلنا عليها
نجي للتقارير الطبيه معنا صور منها ومترجمه ... بس المشكله طالبين الاصل ...بعد استغلينا الامر واخذنا خطاب من الاداره الرئيسيه موجهه لمستشفى بالرياض سبق وترقد فيه( المنحوس ) وع المستشفى ومن مكتب لمكتب لين اخر شي مايردنا الا باب مدير المستشفى الي فهمت من كلامه (اذا تعاطف معنا راح تكون التقاريرجاهزه بعد 10 اياام) هذا والخطاب مذكور فيه مساعدتهم عاجلا ههه
ونرجع للشقه لكن هالمره خوي رتب شنطته بيرجع وبعد مانشف ريقي قدرت اقنعه ياخوان حسيت اني المريض وهوالمرافق لاتلوموني باريس فرصه ماراح تحصل بسهوله بالاخص ( قربوع ومنتف) على قولت اخوانا المصرين
اليوم الثالث ونجي نازلين من الصبح روسنا كلها شر وعلى دائره مسؤله عن المصابين والشهداء
ونعلمهم بالسالفه مبهره ومملوحه ونسمع من الكلام الرخيص الي يحبه قلبكم ونطلع من عندهم بإرقام تلفونات لمسئولين بالمستشفى ورقم السفاره السعوديه بفرنسا والملحق العسكري

بعدخسارة مايقارب 150 ريال في التكاسي بيوم واحد ماقدرنا نحصل ع الاوراق

رجعنا للشقه وفكرت اشغل نفوذي وعلاقتي وعن طريق مراسل بمستشفى المنطقه الاقليمي قدرت احصل على تقرير مترجم مختوم وانتهينا من التقرير طبعا التقرير ارسله الرجال جزاه الله خير مع واحدن لايعرفنا ولانعرفه في اقرب رحله للرياض < حطمنا الرقم القيآسي لفيدكس خ
بقى علينا حجز من مستشفى او عياده فرنسيه وهذا صعب جدا جدا بالنسبه لمحدودية تفكيرنا شلون
نجيب حجز بمستشفى وحنا دراويش وعلى باب الله ولاحتى نعرف احد يعرف احد بفرنسا... بعد ما سويت عصر ذهني قلت الانترنت اذا مافادني ماراح يضرني خلني اششوف وش عنده من حلول خشيت طبعا قلت اضرب عصفورين بحجر منها اشوف الحجز الفندقي ومنها ادور لنا عياده او مستشفى ... الفنادق حدث ولا حررج بس كلها بإسعار خياليه ومبالغ فيها

المهم بعد بحث دام ثلاث ساعات ماقدرت اوصل لنتيجه بخصوص المستشفى

رجعت وبراسي فكره جهنميه قلت نروح اقرب مستشفى خااص ونعرض الحاله على اخصآئي يمكن يفيدنا بحكم انه دكتور وعنده اطلاع واسع ويمكن يدبر لنا الحجز رحنا لدكتور قال التخاطب راح ياخذ ع الاقل شهرين او ثلاث هع انقزها يالحبيب بستنى3 شهور.
وجت فكره ثانيه اني اروح لمكتب سياحي يمكن يتصرفون لي بمستشفى او يدلوني بس مكاتبنا السياحه همهم شلون يمصون قريشاتك مو يساعدونك حكمي عليهم بعد زيارة اكثر من 5 مكاتب وكلها معروفه على مستوى المملكه
جلست احوس في الاوراق الي تزيد بعد كل مشوار والقى رقم السفاره قلت ليش ماكلمهم واكلمهم قالوو دق ع الملحق العسكري واطب المكتب الطبي وبالفعل دقيت عليهم ورد علي مدير المكتب انسسانه محترمه وبشوشه اثلجت صدري وقالت نعم عندي صوره من امر العلاج ... وانا راح اتكفل بنفسي مهمة المستشفى واحجزه لكم بس انتم ارسلو التقارير... اربعه.. خمسه الا والتقارير عندها ......... انتهت مشكلة المستشفى
جلسنا يومين ننتظر بالرياض بدون جدوى كل ماكلمنا المكتب الطبي قالو للحين مالقينا شي ....
فقررت انعقاد جمعيه عموميه .....اتفقنا من خلالها على الرجوع لديرتنا ونستنى تأكيد الحجز

دام انه يآخذ وقت

خلال هاليومين الي قضيتها في الرياض مابين الانترنت وخرابيطه الفاضيه ( مافي الا موقع عقيم يختص بأمور العلاج في دول اوربا وبعد يبي 300يوروعشان استشاره مو مضمونه ) ومابين مكاتب السياحه الي طلعت روحي بصراحه بحياتي ماتعاملت مع مكتب سياحي ولا افكر اني اتعامل معها بعد ماشفته منها ... لامصداقيه لا شفافيه بالتعامل .... واحد من المكاتب يقول اخذ ع الجواز 800 ريال بكامل المصاريف سئلته وش المصاريف ققال رسوم تدفع للسفاره وضرايب طبعا قال خارج من ضمنها التأمين
قلت كم ياخذو رسسوم .؟ قال مدري قلت طيب ليش تقول 800 عالجواز وانت ماتدري ....... اساسا من شفته وانا عارف ان مكانه حفرة زيت واذا كان متعلم بمندي اما بسفر وسياحه ماتجي

وتي تي تي تي مثل مارحتي جيتي

طرحت لكم هالسالفه الطويله عشان تعرفو لو كتب الله لنا الرحله بنضيع مع اول مخرج.. ومن شان مساعدتي والرد على 500 الف سؤال تدور بذهني عشان ارتب الرحله العلاجيه... مابي بكره ام خوينا تدعي علي وتقول ضيع ولدي بديار( الكفار )
هع اول واهمها// شلون الاقي الممنوعات والمتخدرات