كل الاسئلة اللي سألتها موجودة بالقسم
بس خذ فرّة
راح اجاوبك على سؤالك حول هل تراسل المعهد مباشرة او عن طريق مكتب سفريات
طبعا الافضل انك تراسلهم مباشرة وتريّح راسك من مشاكل مكاتب السفريات وارخص حيكون طبعا
السكن مع عائله جيد اذا كان عندك روح المحادثة وكانت لغتك تسمح
بالتوفيق

مثل ماقال أخوي حساس بس أنا ممكن أختلف في نقطه بسيطه معك أخوي حساس مراسلة المعاهد بشكل مباشر قد يكون أفضل من ناحية تعدد الخيارات أمامك يعني ممكن تلاقي معاهد كثيره تراسلهم عن طريق النت وهالمعاهد مايكون لها وكلاء بالسعوديه وهذا الشيء اللي أنا سويته بس من ناحية السعر قد أختلف معى أخوي حساس لأن أنا لما رحت هناك لقيت معاي طلبه سعوديين طالعين عن طريق مكتب لنفس المعهد اللي أنا فيه وبسعر أقل من اللي أخذته أنا وبعدين فهمت أن المعاهد تعطي أسعار خاصه للوكلاء والمكاتب عشان يجيبون لهم أكبر عدد ممكن من الطلبه عموما أنا عندي لك حل اخر أشوفه أفضل وفيه ناس سووه من قبل بس يحتاج منك جرأه شوي خاصه اذا انت عندك لغه لا بأس بها وتقدر تدبر أمورك الحل يا عزيزي هو اذا انت مثلا رايح لأوكلاند وأقل من ثلاثة شهور رح بدون ما تحجز ولا شيء وتقدر تدخل بفيزة سائح معاك ثلاثة شهور استأجر أول يومين بأحد الفنادق في الداون تاون وبعدين انزل بنفسك دور عالمعاهد وعلى فكره معظمها موجوده قريب من بعض بالداون تاون وتقدر تشوف بنفسك المعهد اللي يناسبك من جميع النواحي وتقدر تتفاوض معاهم السعر .

اخوي كلامهم صح بس يمكن المعهد الي فيه ماد لوين غريب لنه مافي مكتب يطلعك برخص انا فريت اكثر من معهد انا بوكلند وكل الشباب منخمين من المكاتب وعلى السعر في معاهد 250 بالاسبوع وفيه سعودي واحد ولا 2 بس المعهد جوه دراسه وبس اسمه ريجنت يعني مو حلو مره مانصحك فيه بس انت احجزلك اسبوعين باي معهد اذا لغتك مو حلوه عن طريق مكتب وبعد ذالك مدد اكثر واذا لغتك حلوه احجز من النت واذا انت تبي هوم استي ترا هي حظزظ حتى لو لغتك ميح مو لازم بس هي حظوظ

الشباب ماقصرو بس احبيت اشارككم بالموضوع
حدد المعهد اللي تبيه اول شي ثم راسله عن طريق النت اوفر لك واحجز اسبوعين عشان يمكن مايعجبك لاجيت
وخل المعهد يحجزلك العائلة عشان اذا ماعجبتك يغيرونها وانا انصح تدرس بره اوكلاند وكرايستشيرش حاول تختار منطقه ماففيها جامعه لكي تتجنب العرب عندك مثلا كوينز تاون, نيلسون , روتوروا , تورونقا, تابو . هذي افضل شي.
طبعا سويت نفس الطريقه هذي والله يسهلك وويوفقك