السلام عليكم اختي جمعة مباركة الله ايخلي لكم الوالدة ويحفظها من كل سوء ويعطيها الصحة والعافية ويحفظ كل امهاتنا امين يارب
بالنسبة ل3او 4 ساعات تقصدين مسافة طريق او مجمل اليوم وخروجكم من الفندق

أخي ..
الشلالات لازم مدينة ثانية يلوا او بورصة , اسطنبول ما فيها ..
و بالنسبة للمواصلات , اذا حالكم ميسور خذو سيارة مع سائق اريح لكم ..
بالتوفيق ..

برشلونة حلمي الكبير
وعليكم السلام ..
امين ويحفظ لك غواليك ..
الطلعة اليومه ككل ..
يعني العام رحنا ماليزيا كنا مانطلع الا 11 او 12 الظهر وماتصير والعصر نرجع الفندق والمغرب بس نطلع نتعشا ونجلس شوي ونرجع ...
يعني اغلب رحلتنا كانت بالفندق وبالبهو..

برشلونة حلمي الكبير
طيب معليش بسالك كم سوال ..

• حنا كون رحلتنا 14 يوم ..كم مدينه ممكن نزور مع توزيع الايام ..
• والطيران انا ناوية احجز من الرياض ع طيران تركي والتنقل هنا اذا الرحلة اكثر ساعتين باحجز طيران ,,وش الخطوط اللي تنصحني فيها ؟ مع مراعات انه تستوعب عائلة 10 اشخاص + ماتكون مره غالية ...
• والسواق ممكن تنصحني بسواقين تعاملتوا معهم اذا عندك ..
• واخر شي متى احسن وقت اروح لانه حاليا النية نروح 5\8\1434 ..
• وابي فنادقتاجر شقق ثلاث غرف اذا توفراو اقترح علي فنادق يعني 4 نجوم 5 ..المهم تكون حلوه وموب غالية متوسطة الى رخيصة ..

في حالتكم وعددكم يفضل سياره عائليه اجرتها 150 دولار باليوم و غالبا يكون 8 ساعات اليوم عندهم
و أعتقد الشمال التركي وطرابزون ستكون انسب لكم للطبيعه و الجو الرائعين بالصيف
مع اسطنبول بأول الرحله كم يوم و اخر الرحله كم يوم
و بالنسبه للتذاكر فكله يعتمد على تاريخ سفركم و الامكانيه الموجوده على الطائره وكلما كان الحجز بدري كان افضل وتواصلوا مع مكتب حجوزات طيران او شوفوا بالنت الافضل لكم و الارخص

عميد العرب المسافرون
الشمال التركي اسمه كذا ؟
طيب لواعتمدت
اسطنبول والشمال التركي وطرابزون ..
كيف تقسيم الايام بحيث يكفي نزور اغلب الاماكن السياحية ..
والساحل هناك كيف ؟
لو انا ابي اشوف الطبيعه والساحل سوا من اللي قلتهم مدينه ساحلية ؟
الطيران ممكن تعطيني شركات طيران ممكن اشوف عنها ؟
وش افضل وقت نروح فيه للسياحة ؟

الله يحفظ الوالدة ويعطيها الصحة والعافية..اما عن التنقلات طبعا ما شاء الله مع العدد ممكن تكون متعبة المواصلات العامة..والتكاسي بتكون متعبة وقريبة من تكلفة استئجار سيارة مع سايق..فانا اشوف سيارة مع سايق افضل اختيار
ثانيا بما ان الوالدة حالتها الصحية ما تسمح بالتنقلات..فا انا اشوف لو تروحو مدينة يلوا وتاخدوا شقة هناك..يكون جدا ممتاز لانو الوالدة الله يحفظها ويخليها ممكن تقعد في الشقة وانتو تنزلوا تفروا البلد والاسواق وبعدين تروحو تتعشوا ولا تتغدوا وكدا..عموما يلوا مدرينة استجمام فاذا تبغو تستجمو انصحكم فيها وبقوة..الانتقال لها عن طريق الفيري بوت من اسطنبول ساعة وربع وانتو هناك..وطبعا ماتحتاجوا فيها سيارة..ويوم ما تحبو تطلعوا الشلال تستاجروا سيارة مع السواق ويطلعكم الشلال..مسافة ساعة تقريبا وانتو في الشلال..بالتوفيق..ورحلة سعيدة..)

السلام عليكم اختي انا حاضرة لاي سؤال وعلى كد ما اقدر اني اساعدج ماقصر معاج باي شي اول شي بالنسبة للخطوط التركية ممتازة انا جربتها بس لما تحجزون احرصو انكم تاخذون الصف الامامي الي في الوسط عشان في مسافة وعشان الوالدة (الله ايخليها ) بتاخذ راحتها ومتحس بعناء الرحلة وبالنسبة للطيران الداخلي ممكن تاخذين على نفس الخطوط التركية حتى يعملون لك سعر حلو واذا ماعجبكم ممكن تاخذون طيران اقتصادي اسمة (Pegasus) طيران جيد واسعاره حلوة
بالنسبة للايام وتوزيعها عشان لا تكلفكم الكثير وعشان لا تتنقلون كثير فاقترح بهالجدول
الوصول الى اسطنبول والسكن في منطقة السلطان احمد لمدة 3ايام
بعدها تنتقلون بالطائرة الى الشمال الي فيها طرابزون وازنجول وممكن الجلوس فيها 5ايام
وبعدها تنتقلون الى بورصة يومين
واخر شي تقضون 4 ايام في اسطنبول تسكنون في ميدان تقسيم
وتستعدون للعودة ان شاء الله
المسافة بالطائرة من اسطنبول الى طرابزون تقريبا 1ونص
والمسافة من بورصة الى اسطنبول بالعبارة 3ساعات واذا سيارة على ما اذكر ساعتين
لكن يفضل بالعبارة انسب من حيث السعر وانا حسيتها مريحة اكثر خاصة انكم ما شاء الله عائلة كبيرة
بالنسبة لطرابزون وازنجول هي افضل الاماكن لهدوئها وطبيعتها بس طرابزون على حسب الي اطلعت عليه هي مافيها اشياء كثيرة اغلب الي بيرحون لها يسكنون فيها ويرحون ازنجول ويرجعون نفس اليوم بس انا افضل مراعاة لظروفكم انكم تسكنون باوزنجول حتى لاتاخذ وقت بالتنقل
اما السكن ممكن تدخلين موقع BOOKING وانتي بتحطين التواريخ وتختارين حتى بتشوفين الاسعار شو الانسب الك لان تعرفين الاسعار من وقت للاخر بتفرق
بالنسبة لتاريخ الرحلة مابين عندي بس يفضل ماتكون بالصيف لان راح بتكون غالية وزحمة اذا تكدرون على هذا الشهر عندكم لين اول شهر 6 ميلادي او على شهر 9 ميلادي
انا جربت شهر 9 و10 ميلادي كانو كثير مناسبين من حيث الاسعار وزحمة مافي والجو جدا حلو
وهذا شي راجعلكم طبعا بالنهاية بس عشان ابين الصورة ان شهر 6و7و8 ميلادي الاسعار غالية وتركيا بتكون زحمة
بالنسبة للتنقل اذا كان في عندكم حد بيسوق ممكن تاجرون سيارة بطرابزون
اما احنا بالنسبة لنا ما كنا ناخذ سايق خاص ولا نستأجر سيارة
اول مرة رحنا كنا حاجزين بكج كامل مع الرحلات من مكتب
والشهر الي مضى من رحنا اعتمدنا على انفسنا في اسطنبول كنا ناخذ تاكسي وعلى العداد
في النهاية ان شاء اكون فدتك ولو بشي بسيط واكيد الاخوة الي يدخلون مايقصرون وعدهم اقتراحات وانتي الك حرية الاختيار بالانسب الك
حقيقة انا منزلة تقرير رحلتي الاخيرة الى تركيا بالمنتدى ممكن بتطلعين عليه وتشوفين الاماكن الي رحت لها وكذلك ذاكرة الاسعار بس بعد حقيقة منتهيت منه
واي شي انا حاضرة
دمتي بأمان الله عزيزتي

الشمال التركي اقصد طرابزون هو المطار تنزلون عليه و منها الى اوزنجول و افضل وقت لها من شهر 6 ميلادي الى شهر 9 ميلادي وهذا رابط يعطيكم فكره كامله عن الشمال و افضل الاماكن
https://artravelers.com/p/re/719275