ما في حد ممكن يساعدني ؟؟

أيطاليا بلد تعتبر مثل ما قالوا الاخوان متحف مفتوح
ودام إن معكم طفل صغير فأهم شي تقلل التنقلات
والجو راح يكون أوكي بشهر أكتوبر خصوصا في نهاية أكتوبر
روما عطها أقل شي 5 أيام
وبيزا ....... يكفيها 3 ساعات بالطريق إلى ميلانو
وميلانو ............. والله غير السوق ما فيها أي شي
بس حط بحسابك تروح كومو أو لوقانو السويسريه (ساعه فقط)
وتأجير السياره أفضل شي في السفر .......... بس لازم يكون عندك نفيجيتر
وأي أستفسار حاضرين

انا رايح انشالله من بداية اكتوبر
والتقسيم كالاتي :
روما / 3 ليالي (اول محطة )
ريميني/ 5 ليالي
فلورنس / 4 ليالي
فيرونا / 3 ليالي
ميلان / 2 ليلتين (اخر محطة )
التنقل بواسطة القطارات وحجوزات الفنادق عن طريق النت
واتمنى ان البرنامج يعجبك
وبالسلامة

والله لو تقرأ بتتنازل عن اسئلة كثيرة ..
الاخوان مو مقصرين ..
مكتوب كلام كثير ومفيد .. انا طالع مثلك ب شهر 10 واخره
واستفدت كثير من الاخوان

1. هل الطفل راح يتبهدل بكثرة المشي والتنقلات وإلا ..؟؟

سلام عليكم، هلا بالغالي ،، ابساعدك باللي اقدر عليه ان شالله وربي يقدرني افيدك يارب وأولا نجاوب على أسئلتك
هل شهر اكتوبر مناسب للسفر إلى ايطاليا؟
جدا مناسب وخطير بعد لأن درجات الحرارة مو باردة مره مره تحت الصفر ولا حارة يعني جو رائع اعلى شي تقريبا 18 وادنى شي 6 درجات مئوية يعني اتوقع لازم جاكيتات احتياط ولازم اكمام طويل وانتبهو للبيبي
ناوي ان شاء الله اروح مع المدام وعندي طفل عمره 6 شهور .. تنفع ايطاليا ؟
ام، تنفع ايطاليا،صحيح انا ماحب ايطاليا لكن ابعطيك اللي اعرفه ، بتنفع لكن عادي توقع نظرات لزوجتك
اذا كانت محجبة او منقبة ، توقع ضحكات بايخة ، توقع عدم تجاوب على اسئلتك وتوقع شعب غير ودود الا اذا
الدعوه فيها فلوس ... وتوقع شحاذين بقوة يعني انتبه لأغراضك زين..

هل الطفل راح يتبهدل بكثرة المشي والتنقلات وإلا ..؟؟

شوف الطفل اذا معك سترولر (عربية طفل) من النوع الأصلي الفخم اللي يمديه ينسدح فيها وتغطيه من فوق
عن البرد او المطر ماعندك مشكلة على حسب توقعي الا وحده بسيطة،من خبرتي بإيطاليا المتواضعة انها دول متخلفة نسبيا مقارنة بباقي دول اوروبا فممكن اغل المرافق يكون فيها درج زي محطات القطار ولايوجد مصاعد او درج كهربائي فتوقع الله لايهينك انه ممكن لو احتمال ضعيف انك بتنزل الولد وتشيل عربيته.. اما اذا
بتسوي مثلي ممكن ترتاح انا كنت حاط لبنتي شيالة على صدري والحمدلله طول الوقت شايلها معي
ان شاء الله راح تكون السفر بين 10 - 12 يوم .. كفايه وإلا ..؟؟
كثير على ايطاليا
ممكن تقسمون لي الايام هذه ؟
روما خذ فيها 4 ايام واطلع بالقطار على بيزا ومنها مثلا
على فلورانس 3 ايام وبعدها البندقية 2 يومين وبعده يومين ميلانو الخايسة وارجع منها على البلد
حاب اني ازور روما وميلان وبيتزا ؟؟ مناسب الجدول؟؟
اول شي ترى اسمها بيزا مو بيتزا يالغالي وهي على الطريق وميلانو بس للتسوق لاطبيعة ولا شي
وعموما ايطاليا كلها طبيعتها عادية جدا جدا
ممكن تقترحون علي جدول مغاير ؟؟؟
هل قصدك دولة اخرى يعني قصدك جدول في دولة ثانية ولا بنفس ايطاليا ؟
كم تتوقعون راح تكلف الرحله شامله الفنادق والتذاكر ؟؟
اتوقع راح تكلفك كأقل تكلفة 25 الف ريال وطبعا هذا يعتمد عليك وعلى صرفك ومستوى الفنادق
كيف راح تكون وسيلة النقل بين المدن الايطاليه..؟؟
طبعا قطارات افضل شي
هل إذا استأجرت سيارة راح تكون فكره مناسبه وإلا لا ..؟؟
انا في رأيي لاتستاجر لأن لو جا لاسمح الله اي حادث بسيط او بنشر ومعك حرمة وطفل وضعك بيصير صعب
لو وحدك قلت لك قو اهيد توكل على الله لكن معك طفل وحرمة لاوالله ماتسوى عليك لو انسرقت سيارتك
و حتى لو ضيعت او لو خالفت وصادوك وقوانينهم تختلف عنا وشوارعهم جديده عليك ولازم تلخبط..فنصيحتي لاتستاجر سيارة
الطرق في ايطاليا تساعد على استأجار سيارة ام لا ..؟؟
لاأدري
وبارك الله فيكم اجميعن ورزقكم فردوس جنته بغير حساب
وأي استفسار ثاني انا حاضر يالغالي
تحياتي لك

أهلا فيك أخوي وأنا توني أمس راجعه من إيطاليا وهذي كانت أول زياره لي بس بصراحه حبيتها وايد وايد ايطاليا حلوه جدا لو ماان الجو كان حار جدا وهذا الي ضايقنا.عموما امنا قعدت في ميلانو 6 أيام يوم رحت من ميلانو الى كومو بالقطار ومجتها ساعه وثلث وقضينا فيها يوم كامل ويوم رحنا لأوت لت FOX يوم كامل عن طريق باص سياحي.وبعد ماخلصنا من ميلان رحنا لروما بالطياره ساعه تقريبا وقعدت بروما 5 أيام. جدا استمتعنا بس احرص على شي مهم ان في ميلان إذا كان فندقك قريب من الدومو فماتحتاج للسياره الا قليلا جدا. وانا سكنت في ميلانو بفندق انصح فيه جدا جدا واهو Star Rosa hotel فندق ممتاز من ناحيه الموقع ونظيف وكان في عوايل كثير بالفندق معهم أطفال واختارو الفندق لان قريب من السوق ويقدرون يرجعون بأي وقت للفندق بسهوله.

اما بالنسبه للسواقه بايطاليا فالسواقتهم سريعه جدا وصعبه وشوارعهم ضيقه فما أنصح بالسواقه اهناك لاتها خطره بعض الشي.

الحمدالله على السلامه اختي ،حبيت اعرف عن اوت ليت يستاهل الواحد يروحله
وكيف الاسواق في ميلانو والبضاعه حقتهم مميزه سؤال اخير اختي الفندق كم نجمه وكم سعره
والخدمه حقتهم كيف ومشكوره