OM RAKONI
24-12-2022 - 11:30 pm
السلام عليكم ورحمة الله
اخواني مستشارين سويسرا واوروبا
انا وزوجي وابني (4 سنوات) بإذن الله مسافرين سويسرا بتاريخ 29 سبتمبر على الخطوط السعوديه الرياض جنيف-جنيف الرياض ولمدة 20 يوم بالاضافة الى انا نبي نزور يوروبا بارك ولوقانو ويمكن ميلان حسب نصايحكم وراح نستأجر سياره هناك علما بأني سابقا زرت في اوروبا فينا زيلامسي سالزبورغ وميونخ
سؤالي(اقصد اسألتي )
وين افضل المدن اللي ازورها وعدد الايام فيها خاصة اني مو حابه اتنقل في السكن كثير يعني اذا ممكن اروع 3 مدن لأن في اعتقادي اذاا كان التنقل كثير وسريع السفر يفقد نكهته ويكون متعب
السؤال الثاني :افضل خط سير لو حبيت ازور لوقانو وميلان و يوروبا بارك
السؤال الثالث: افضل شقق مجربه للسكن لعائلتي الصغيره
انا عارفة ان اسألتي مكررة لكن التقارير كثيره جدا ومحيره فحبيت يكون لأسألتي جوابها الخاص
شكرا مسبقا لأني عارفة انكم راح تتحفوني بأجوبتكم
تحياتي
الله يسعدكم
انا قليل الخبره ولكن اشوف الفتره طويله على دوله وحده ولو كنت مكانك كان زرت باريس على الطريق ولعل المشرفين يفيدونك بهالشي
الشي الثاني انا سالت عن مدن سويسرا من هذا المنتدى الرائع وصارت خطتي بعد القراءه
الوصول الى جنيف والسكن في مونترو ومنها يمكن الذهاب الى
جنيف -قصر الشوكلاته - ديفون-ايفيان-انسي-شامونيه- يعني يمكن حقها اربع الى خمس ايام.
ويقولون جنيف مايسوى من يقعد فيها فتره طويله (يقولون)
ثم توجهو الى انترلاكن وعلى حسب نصائح المسافرين انها افضل شيء بسويسرا وخمس ليالي يمكن ماتكفيها لكثرة الانشطه وجمال طبيعتها واحتوائها على جبال وقمة ثلجيه مثل يونفرو وايضا البحيرات الجميله وتمتاز ايضا باجادة اهلها للغة الانجليزيه ممايساعدكم في السياحة . وممكن تتوجهون من انترلاكن الى يوروب بارك (ساعتين ونص بالسياره وحاولو تجنب الويكند لانها زحمه) ويفضل المبيت ليلة هناكبعدها تتوجهون لجنوب سويسرا الى لوقانو وميلان مع ان الي فهمته ان لوقانو يكفيها يومين او ثلاثه بالكثير وميلان ماعرف عنها شي ولو كنت مكانك كان كملت رحلتي على ايطاليا ورجعت من ايطاليا للرياض عشان ماترجعين مره ثانيه لجنيف.
باختصار بانصحك بالاتي
انا ماعندي خبره بس كلامي من قرائتي بالمنتدى واجابات المسافرين الله يعطيهم العافية واكيد غيري اخبر بيفيدك اكثرانصحك تزورين دوله اخرى في هذه الفترة الطويلة مثل ايطاليا او فرنسا خصوصا انكم بتروحون بالخطوط الجويه السعودية يعني ماراح يفرق السعر اذا غيرتو المدينة وشوفي مكان ثاني ترجعين منه للسعوديه غير جنيف عشان ماتروحين وترجعين لجنيف ع الفاضي.
بالنسبة للسيارة انا استأجرت من الرياض عن طريق يوروب كار وميزتهم انهم يضمنون لك السيارة تكون ديزل (ارخص) واسعارهم معقوله وافضل تسلمين السيارة بنفس الدوله (انا استاجرت مرسيدس كلاس سي لمدة اسبوع بالفين وخمسمية ريال)ولكني لم اسافر بعد.
بالنسبة للسكن ماعرف الا الفنادق اما الشقق مالي فيها خبره. اذا تبون فنادق ابشروا بالي تبون لاني قريت عنها كثير
واذكرك هذا اجتهاد مني وانا لست خبير ابدا لاني لم اسافر بعد الى سويسرا ولكني اخطط للسفر في سبتمبر القادم باذن الله .
بس حبيت اساعد باللي اعرفه.