بسم الله الرحمن الرحيم
السلام عليكم ورحمة الله وبركاته
باديء ذي بدء اشكر جميع المشاركين الذين اسعدونا بردودهم الجميله واقول للجميع كل عام وانتم بخير بمناسبة عيد الفطر السعيد وعلى قول الشاعر ( عيد باي حال عدت ياعيد لما مضى ام لامر فيه تجديد)
ماعلينا اخوتي الكرام سابداء في هذه الحلقة (ان صح التعبير),بسرد رحلتي منذ البدايه وهي كالتالي:
مع غروب شمس يوم السبت وعند ظهور غسق ذلك المساء اتجهت انا ورفقتي المفلسه والمكونه من ثلاثة مفلسين بالاضافة لي ,الى المطارونحن نتنفس السعادة ونعيشها ونرفل في اطرافها وكل ذلك فرحةً بسفرنا لاول مره خارج بلادنا الحبيبه,اتجهنا على امل المغادرة في تمام الساعه الثامنه ولكن بعد ان وصلنا الى صالة المغادره وفوجئنا بان الرحله تاخرت حتى الساعه العاشره والنصف مساءً ولم نتاثر لاننا تناولنا قبل مغادرة بيوتنا حبوب (اللطعه) الشهيره حيث توقعنا ذلك ,وفي تمام العاشره والنصف صعدنا للطائره التي حطت بنا في مطار الرياض على امل ان نبقى نصف ساعه ثم تقلع بعد ذلك ولكن بقينا في الطائره ساعتين ونصف حتىاصبحت ريحتنا كرائحة الظربان وانواع رائحة الاباط النفاثه التي تصرع اكبر فيل كذلك عانينا من الحر الشديد ومن بكاء اللاطفال وكاننا جالسين في مستشفى الولاده وسرى على الحمام وناس تبكي وناس تفصفص وناس تعابط وانواع الشخير وانواع .......؟
ماعلينا في تمام الساعه 2.5 صباحا اقلعت الطائره الى جاكرتا واتكلنا على الله ودعينا دعاء السفر وعيوننا تقول عيون بسس في الظلماء بحكم اننا اول مره نسافر وانواع الخفقان وانواع الرجفه الي وصلت بنا الى حد رجفان الاذان وصمطه شديده في الخشوم تقول ان الواحد منا كان خشمه في ترمس ثلج وما ابغى اطول عليكم, بعد ماستقرت الرحله في الجو وشغلوا الانوار هدينا وضحكنا وسولفنا وابشركم جعنا بس والله الشباب ماقصروا جابو لنا سندوتشات صامطه ومافي الا (ياكلك لقمه لقمه.............) وصدقوني انا اكلناها وحتى يومنا هذا مادري ايش الي كان في داخل السندويتش بس اتوقع انه تونة ابو مدخنه الي كانت تجي زمان في السبعينات ,على العموم وزعوا علينا شراشف يبغونا نرقد وكمامات للعيون (ان صح التعبير)
لاني ماعرف اسمها الى الان وبعد مقطه في الجو يمكن خمس ساعات جابو لنا الشباب الله يبارك فيهم وجبة الافطار الي ماكلت منها الا البيض لانه الوحيد الي ينعرف ويالله لك الحمد بعد الفطور اصبنا بحاله من الغثيان وذلك لتفاعل غاز البيض مع الضغط المرتفع مما كون في بطوننا غاز الميثان الي اثر على المخ وسبب لنا حاله من الخمول مع فغره دائمه مصحوبه بضحكه بلهاء تنتج من الفك العلوي الشبه يابس وفي تمام السعه الرابعه عصرا بتوقيت جاكرتا وصلنا الى الاجواء الاندنوسيه ووزعو اوراق تتعبأ بس المصيبه لما وصلوا عندنا قالوا خلصت الاوراق وقالو ماعليكم لما ننزل المطار نجيب نحن لكم اوراق قلنا يالله , ونزلت الطياره ووصلنا الى صالة المطار وندور للي قالوا لنا بنجيب لكم الاوراق والا والله ولا واحد وقمنا نتخبط في المطار الين حصلنا الاوراق وصراحه تعبنا فيها لان اللغه بالانجليزيه ونحن ثقافتنا بالهندوراسيه,المهم عبينا الاوراق ودخلنا من عند الجوزات وفي تلك اللحظه حصل الامر الغريب والحادث المهيب الي ماننساه الى ان نموت .............؟؟؟؟؟؟
نستكمل القصه في الحلق القادمه واسف على الاطاله.