خالد الماس
27-06-2022 - 11:36 pm
السلام عليكم ورحمة الله وبركاتة .... تحية طيبة .. اخوكم اول مرة يبي يسافر اوروبا.. وقررت ان شاء الله النمسا ( ولا غيرها والدول الباقية المرات الجاية ان شاء الله ) ممكن المساعدة في عمل برنامج لمدة 12 يوم طبعا انا لوحدي .( جدة _ فينا ) مع ملاحظة الأتي :
1- ماابي اسوق سيارة هناك ( يعني اتفق مع تاكسي او القطار)
2- الأماكن اللي ما فيها خليجيين ما ابيها بسبب ( اللغة )
3- كم تقريبا الميزانية المقترحة مع ملاحظة ان الفنادق الي ابي اسكن فيها تكون محترمة وقريبة من الخدمات
وباقي كثير من الأسئلة لكن بخفف عليكم الحين لكن الأيام الجاية .... تقبلوا وافر الود
بما انك بتسافر الى قلب اوروبا و اول مرة و لمدة 12 يوم اقترح عليك التالي:
الوصول باذن الله مطار فيينا
3 ايام فيينا
2 ايام سالزبورغ
4 ايام زيلامسي
3 ايام ميونخ
ثم العوده من مطار ميونخ
و خذها نصيحه اوروبا بدون سياحة ماتسوا و لاتخلي السيارة طول الفتره
تاخذها من سالزبورغ اول ماتوصلها من فيينا
و تستعملها لي اخر يوم لك بزيلامسي ثم ترجعها و تروح ميونخ
و بخصوص الاماكن ان شاءالله ماراح يحوشك اي عائق بالنسبه للغه لان لغتهم الرئيسيه و الرسمية المانية وليست انجليزية
و ربعنها بالخليج ماشاءالله يرطنون الماني ههه
والميزانيه انت قدرها يعني مثلا تحسب الفنادق اليله تقريبا 30 ديناركويتي ( حوالي 400-450 ريال سعودي)
و مصروفك اليومي عالاكل و الشرب و المواصلات مايتعدى 400 ريال ان شاءالله
و الباجي انت و مصاريفك
المصاريف الي ذكرتها تقديريه و ممكن تكون اقل و ممكن تقول اكثر بس ما اعقتد انها تزيد عن جذي بس ممكن تكون اقل
و تحياتي )