اخواني
السلام عليكم ورحمة الله وبركاته
فزعتكم يا شباب وشابات
حنا قدر الله علينا وضبطنا امورنا مع مكتب الله لا يعيده هالنصاب وهو في الرياض ( واذا تبون اذكر اسمه بعد )
اخونا صاحب المكتب سوى لنا الفيز على التشيك وحنا نبي نروح للنمسا ( هذي ما فيها شي عادي تفيز شنقن وتروح اي دولة اوروبيه ) حسب معلوماتي وبعد السؤال . الى هنا ما فيه اشكاليه .
البلا يالربع اننا 9 افراد يعني عائلتين .. عائله تاريخ الفيز عندهم من 13/7/2009 الى 10/10/2009 والعائله الثانية وهي المصيبة تاريخ الفيز عندهم من 13/7/2009 الى 27/7/2009 واحنا سفرتنا لمدة 14 يوم ويوم السفر الخميس 23 جولاي يعني بعد 5 ايام . وهالحجز حصلته بعد ما لعب علينا المكتب المذكور وحصلت عند مكتب ثاني .
السؤال : هو فيه شي بالنسبة للعائلة الثانية الي تنتهي فيزتهم في 27/7 انهم يطلعون معنا ؟ وفيزتهم تنتهي وحنا في النمسا ؟
يعني عادي نطلع سوا احنا واياهم واذا جلسنا في النمسا كم يوم تنتهي وراح يطوفون كم يوم بعد ؟
وهل لو جلسنا وطنشنا انتهاء الفيزة ما راح نبتلش وياهم بالعودة في المطار ؟
يعني ماراح يقولون ليه جالسين وفيزتكم خالصة ؟ ( اذكركم بأن الفيزة على التشيك ) لأن واحد من الشباب يقول بالأمكان تصلحون الوضع هناك بالسفارة يعني تمددونها . ولكن الفيزة مو على النمسا ؟
طلب ثاني ولا عليكم أمر :
لو قدر ورحنا اذا بالأمكان تزودوني بفنادق حلوة في فيينا وسالزبيرق وزيلامسي وتكون آمنه وقريبة من كل شي . والسعر مو مهم بس ما يكون غالي مره .
ادري طولت بالسالفة بس قسم بالله العظيم اني محتار وزيادة على ذلك اللي معي نفسياتهم صارت زفت وانتم بكرامه
رجاء ساعدوني الله يرضى عليكم